Números 4:14 - La'aqtaqa Ñim Lo'onatac 'Enauacna 2013

¹⁴ Qataq acamaye, nache qaỹachalec 'enauac ca maiche logoxoshetpi da qaỹo'onataxaatega aca'aca nca'atoxonaxalate, aca poqo laỹe'pi, na'araxanaxatpi, nsheraxanaxatpi, nemaxanaqtepi, qataq 'enauac ca laỹe logoxoshetpi acamaye. Ime, nache qalpataxaalec ca ỹataqta no'on lo'oc, qataq qoỹanaguilo caua lachoxola'ate da qaỹache.

Números 4:14 Iomraidhean Croise

2 Crónicas 4:19

Qaq 'era da 'eetec so Salomón da damaxasoxoolec nataqa'en da qaỹo'ot so laỹepi nhuenecpi da yaqto' lalamaxat aso atamnaxaqui maye lalamaqte Ñim Lo'onatac 'Enauacna, aso nca'atoxonaxalate maye ndota't oro, qataq so nquia'axala'pi maye qaỹachalec naxa aso nauolepi maye qaiỹotauga da lalamaqtepi Ñim Lo'onatac 'Enauacna,

Éxodo 27:1

«Nataqa'en 'auo'ot qome aca nca'atoxonaxalate, chegaqaigui ana qo'oipaq acacia. Qaq acamaye ivi' qome dos metros y veinticinco centímetros ca lcateueegue 'enauaque caua cuatro laỹel, qataq un metro y veinticinco centímetros ye lshequitcheguema.

Éxodo 27:3

Qaq ca logoxoshetpi aca'aca nca'atoxonaxalate qalaq 'enauac qome da bronce: aca laỹe' ca alo da qalaỹona't, qataq ca lo'o aca poqo, qataq aca ỹomaxaquipi, qataq aca laỹe' aca poqo, qataq ca nquerenaxanaxatpi.

Números 4:13

Qataq qaiỹota, qanqat na alo aca nca'atoxonaxalate, qataq qalapaxalec acamaye ca hualoq laỹe togaxaraic.

Números 4:15

Nache ñi Aarón qataq ñeua llalqa, da ime da laỹona't 'enauac cam nogoxoshetpi maye sa qaishetapec, nache na Israel le'ecpi ishet da jec, nache anac na chegoxoguet so Quehat da ỹache 'enauac ca nogoxoshetpi. Qalaxaye saishet da ỹasheleua'a ca camachaqca que'eca nogoxoshetpi maye sa qaishetapec, yaqto' saishet da ileu. Qaq 'enauac que'eca logoxoshetpi que'eca npe'l maye naỹonqa', da nachena nam chegoxoguetpi so Quehat nam ishet da ỹache camaye.

Números 4:6

Qataq npa'axanasheguem na ỹataqta no'on lo'oc, qataq ỹaueguelec na hualoq laỹe imalaqalec ime, nache ỹanaguilo caua lachoxola'ate, da qaỹache añimaye.