Números 4:12 - La'aqtaqa Ñim Lo'onatac 'Enauacna 2013

¹² Qataq qalaỹona't 'enauac ca laỹepi nogoxoshetpi maye no'onataxanaxatpi ca npe'l, nache qaỹachalec ca hualoq laỹe imalaqalec, qataq ca ỹoqta no'on lo'oc, nache qaỹachaleguete caua 'epaxaye maye lachoxola'ate da qaỹache.

Números 4:12 Iomraidhean Croise

1 Crónicas 9:28

Qaq soomaye, huo'oi soua pa'aỹa'agueta da ilotague' som nogoxoshetpi maye qaỹo'onataxana naxa da qaỹo'ot da ño'oxonnataxanaxac, qataq nachesoua soua naloqte'n naxa da qanqatec qataq da qaỹaỹamaxat.

1 Crónicas 9:29

Qataq huo'oi soua pa'aira'aguet da ilo'ogue so laỹepi nogoxoshetpi maye saqaishetapec, nataqa'en nam 'ayiiña, lataxa, aceite, nchenaxanaxat, qataq so coraxatpi maye ama na laita.

2 Crónicas 4:11

Qaq so Jirán nataqa'en ỹo'ot aso taxaquipi, qataq so nsheraxanaxatpi, qataq aso nemaxanaqtepi, qaq 'era da 'eetec co'ollaq imat da ỹo'ottac 'enauac so nhuenecpi maye ỹamaxaalec so Salomón da yaqto' lalamaxat aso atamnaxaqui maye lalamaqte Ñim Lo'onatac 'Enauacna.

2 Crónicas 4:16

qaq nataqa'en aso taxaquipi, nsheraxanaxatpi, qataq so nquerenaxanaxatpi. Nache 'enauac se'eso no'onataxanaxatpi da ỹo'ot so Jirán, da yaqto' qoỹanem so Salomón da lalamaxat naqa'en aso atamnaxaqui maye lalamaqte Ñim Lo'onatac 'Enauacna, qaq somayepi chegaqaigui na ỹataqta no'on lcat bronce.

2 Crónicas 4:19

Qaq 'era da 'eetec so Salomón da damaxasoxoolec nataqa'en da qaỹo'ot so laỹepi nhuenecpi da yaqto' lalamaxat aso atamnaxaqui maye lalamaqte Ñim Lo'onatac 'Enauacna, aso nca'atoxonaxalate maye ndota't oro, qataq so nquia'axala'pi maye qaỹachalec naxa aso nauolepi maye qaiỹotauga da lalamaqtepi Ñim Lo'onatac 'Enauacna,

2 Crónicas 4:22

qataq so nchegaxanaxatpi, qataq aso ỹomaxaquipi, qataq so nemaxanaxatpi, qataq aso nchenaxanaxat laỹe'pi, 'enauac da chegaqaigui na ndota't oro. Qataq so ñegueuo aso atamnaxaqui, qataq som pa'aỹauo lasompi so sa qaishetapec nanataqa', nataqa'en 'enauac oro.

Éxodo 25:5

qataq ca peenaq lo'oc maye nqo'oilliguishec togaxaraic, nataqa'en ca no'on lo'oc, qataq ca 'epaq le'enaxat acacia,

Éxodo 25:9

Nache que'eca npe'l qataq ca no'otaxatpi ỹataqta 'aue'enaxatchigui qome da no'onataxac cam 'am sachaxana.»

Éxodo 31:10

qataq caua alogo ñi ntaxaỹaxanaxanec Aarón, qataq ñeua llalqa da ỹacoorelec da lo'onataxanaxac da ntaxaỹaxanaxanaqa,

Números 3:8

Qataq ilo'ogue qome 'enauac na logoxoshetpi ñi npe'l, qataq ilo'oguet na Israel le'ecpi, qataq huapegue' na no'onatacpi maye huaña ye lanataqa' Ñim Nataxala'.

Números 4:11

Qaq aca nca'atoxonaxalate oro, qalapaxalec qome ca hualoq laỹe imalaqalec, qataq qaỹapolec acamaye ca ỹataqta no'on lo'oc. Ime, nache qoỹanaguilo caua lachoxola'ate 'epaxaye da qaỹache.

Números 4:13

Qataq qaiỹota, qanqat na alo aca nca'atoxonaxalate, qataq qalapaxalec acamaye ca hualoq laỹe togaxaraic.

Números 4:6

Qataq npa'axanasheguem na ỹataqta no'on lo'oc, qataq ỹaueguelec na hualoq laỹe imalaqalec ime, nache ỹanaguilo caua lachoxola'ate, da qaỹache añimaye.

Números 4:7

Qataq lapaxalec ca lmala' ana nauole maye qoỹanot Ñim Nataxala' ca hualoq laỹe imalaqalec, qataq ỹachalec camaye ca nquia'axaquipi, nemecpi, ỹomaxaquipi qapio'ole, qataq aca late'erai maye laỹe' na nachetaqtaxanaxat lataxa, qataq aca nauole maye nache qoỹaategueuo naxa ye na'a'q.

Números 4:9

Qataq ỹacona ca hualoq laỹe imalaqalec, nache ỹapolec aca ncoỹaraxanaxaqui lashe, qataq aca ncoỹaraxanaxaquipi, qataq ca nchegaxanaxat, qataq ca laỹe' na alo, qataq aca laỹe'pi na aceite.