Números 34:1 - La'aqtaqa Ñim Lo'onatac 'Enauacna 2013

¹ Ñim Nataxala' 'enapega so Moisés, 'eeta':

Números 34:1 Iomraidhean Croise

Génesis 15:18

Qaq nache huetoigui se'eso na'a'q da Ñim Nataxala', naỹamaxate' so Abram, nache 'enapega, 'eeta': «Ne'ena 'alhua sanem qome ca 'am chegoxoguetpi, chegoqchiguiña ye tala ye Egipto, nache ivira'a so tala lta'araic Éufrates.

Génesis 42:13

Qalaxaye soomaye 'ena'apo': «Qomi' maye qomi' 'aramaxa'she, qomi' doce nqaỹa't, 'oonolec ñi qarta'a, qaq sonaqtaña ye 'alhua Canaán. Qaq ca qarqaỹa na'asa no'ona'aguet ca qarta'a. Qaq cam lỹa qalaq mashe saishet da qomi' hueta'agueta.»

Ezequiel 47:13

Aỹem Nataxala', shenapec: 'Ena na loga'tpi na 'alhuapi maye ỹaconeguet qome da yaqto' lalamaxat lma' naua doce maye chegoxogueta so Israel, qaq ca chegoxoguet so José, qalaq ỹactec qome ca talec 'alhua.

Habacuc 3:6

Qaq da vi'iiguet nache ỹataqta cholaxan ana 'alhua, qaq da demeenaxan, nache ỹataqta ñi'i na ỹotta'a't shiỹaxauapi. Qataq hua'axañi ana togoshaapec qasoxonaxapi, qataq dacagueñi ana togoshaapec lcomaraxalatepi, qalaxaye nam llecpi Ñim Lo'onatac 'Enauacna namayepi chochaq tatec.

Números 33:56

Qaq huaña nache qami' so'oteque dam seuennatega co'ollaxa da so'otec yemayepi.»

Números 34:13

So Moisés 'enapega so Israel le'ecpi, 'eeta': «Qaq 'ena na 'alhua maye qaỹauota'a qome da alletaxac da qami' qoỹanoiguilo. Qaq Ñim Nataxala' 'eetega da ỹataqtac na qoỹanem ñi 'oonolec na nueve maye maiche nalamaxat nhuo' le'ecpi, qataq na laỹepi maiche nalamaxat nhuo' le'ecpi, maye ncolaxara'ache co'ollaxa,

Números 34:2

«Qonapega qome na Israel le'ecpi, qoneta: Qom qaunoxoñiiua'a ye 'alhua Canaán, yem 'alhua maye qaralamaxache, nache 'ena qome na loga'tpi yemaye: