Números 32:23 - La'aqtaqa Ñim Lo'onatac 'Enauacna 2013

²³ Qalaxaye da saishet da qauo'oche de'era, nache qauaỹachiñiita da hueto'ot da qarasouaxashichi Ñim Nataxala', nache huo'o ca na'a'q qaq qami' nvitalo ca qanhuaxanaguiqui souaxat de'era qarasouaxashichi.

Números 32:23 Iomraidhean Croise

Génesis 13:13

yem hueta'a som shiỹaxauapi maye 'enauac da qauemaicpi, qataq ỹo'ottac nam ỹataqta qauem 'onataxacpi, maye ỹataqta deqaiga Ñim Nataxala'.

Génesis 4:7

Da 'auo'ot taxa ca ỹaỹamaqchiguiñi, qaq ishet taxa da 'anamatasheguem. Qalaxaye ye saishet da 'auo'ot, nache dam nasouaxashet mashe naỹamaxattai' da 'am loxonec qome. Qamaq 'am maye ishet taxa da 'oxonec damaye.»

Génesis 44:16

Nache so Judá 'enapeco': «¿Hua'agom ca 'eetec ca qarasataxac da 'am sasataxaguet? ¿Qataq negue'tom ca qara'aqtac da shenaqpec da qaica ca sasouaxataq? Ye Ñim Lo'onatac 'Enauacna mashe ilalec da qarasouaxashet. Qaq nagui qomi' souaqta'a ne'ena, qaq ñañanaq da 'auauo'oi qomi' 'arlataqa, qarỹateuo dam hueto'ot aso ỹomaxaqui.»

2 Samuel 3:39

Ỹoqo'oye nagui, aỹem nta'a maye lca'aguishec Ñim Nataxala', qalaxaye qaica ca ỹa'añaxac da sataỹa'aguet na llalaqpi aso Seruyá. ¡Qaq Ñim Nataxala' ỹo'ot qome ca nhuaxanaguec ne'ena qauemaicpi maye ỹo'ot de'era qauem!»

1 Reyes 2:32

Qaq Ñim Nataxala', talec naqa'en da maiche lasouaxashet somaye, souaxat da ỹalaua't soua dos ỹale't maye ỹataqta no'on da lataxa'c, maye napacalec da lataxac somaye, som Abner maye llalec so Ner, som lataxala' so alleppi Israel le'ecpi, qataq so Amasa, som llalec so Jéter, maye lataxala' so alleppi Judá le'ecpi. Qaq so ita'a saỹaỹaten co'ollaxa de'era.

1 Reyes 2:33

Qaq de'era nasouaxashet souaxat da l-leuaxa soomaye, nache 'eetai' qome da huetalec so Joab, qataq cam chegoxoguetpi somaye. Qalaxaye da nlagaxayec maye chegoqo'ot Ñim Nataxala', nache 'eetai' qome da huetalec so David, qataq na llalaqpi, qataq da lo'onataxanaxac da nta'a.

Salmos 139:11

Da iuennataxa da ñeqañoxotoigui ca napalaxa, huo'otaq da nañigui ca pe na yo'oqchiguiñi maye aỹem coleesop,

Salmos 140:11

Saishet qome da nache huetalec ana 'alhua na sa ilo'oguelo naua la'aqtaqa, ca qauem icanapec qome na yeloxoicpi nache ilaxachigui.

Salmos 90:8

Na qauemsat maye so'otaq qalaq 'auaỹateetac, qataq 'enauac na saqcha'a qarasouaxashetpi yo'oqta 'anqa'en.

Proverbios 13:21

Na qauemsat qalaq ca'attapiguiñi' na 'etaxaloxoicpi, qaq na no'on da lataxac qalaq nsheetenaxat da ỹaỹamaqchiguiñi.

Proverbios 24:16

cha'aye na'aictaxa da siete da huañi ca no'on da lataxac, qalaxaye nache 'ena'am ishet da qaltaq ñisheguem, qaq nam qauemaicpi qalaxaye nache taỹañicra da lachoxoyec.

Proverbios 5:22

Cam qauemaic qalaq maiche lqoishec da qauem lataxac, ca maiche lasouaxashet 'eeta'am ca nañec da icoñerai' camaye.

Isaías 3:11

¡Qaq choxoraxaso' ca qauemaic! Cha'aye ỹataqta qauem qome da llecỹaxac, cha'aye Ñim Lo'onatac 'Enauacna isheeten qome, ipacchigui naqa'en nam ỹo'otpi camaye.

Isaías 59:12

Qomi', ỹataqta qalota naxa da 'am senogoqchetaq, na maiche qarasouaxashetpi nachena na qomi' ỹa'axa't, qaq nam qarasouaxashetpi qomi' netaiguilo, qataq saỹaanaqta nam qauempi maye so'otaqtac.

Jonás 1:7

Nache so lo'opi aso notaxaqui detaqtega't, 'eeta': «Qomi' no'on da ñalletaxa't, yaqto' saỹatenaq chaq negue't ca ỹoqta lasouaxashet de'era souaqaigui.» Nache somayepi ỹo'ot so nalletaxac, nache taalec so Jonás da lasouaxashet damaye.

Romanos 2:9

'Enauac na qauemaicpi namayepi qome ỹauo'o ca nhuaxanaguec maye ỹo'ot da nqui'ic qataq da nque'eenaxac; nam hua'auchiguiñi qome nachena na judiopi, qalaxaye nataqa'en nam saishet da judiopi.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Josué 7:18

Qaq co'ollaq nquigueuo qanqa'en ñi 'oonolec so ỹalleppi maye lalamaxat llalaqpi so Zabdi, nache qoỹecteua'a so Acán, som llalec so Carmi. Qaq so Carmi nache laual so Zabdi, qaq so Zabdi nache laual so Zeraj maye nataqa'en chegoxoguet so Judá.