Números 30:3 - La'aqtaqa Ñim Lo'onatac 'Enauacna 2013

³ Qaq da huo'o aca qa'añole maye ñaq neto'ot ca lta'a, da ỹanot ca la'aqtac Ñim Nataxala', huo'otaq da ỹan ca la'aqtac da 'eetega ipacchigui,

Números 30:3 Iomraidhean Croise

2 Crónicas 36:13

Qaq nataqa'en dataỹa'aguet so nta'a Nabucodonosor, maye ỹanot co'ollaxa so la'aqtac da ntaune' da lo'onataxanaxac, qataq quegue da saỹalaq nache saishet da ỹe'eguelaxa Ñim Nataxala', Ñim Natamnaxala' so Israel le'ecpi.

Salmos 50:14

Ỹoqo'oye 'aỹa'anot qome da 'ana'achecỹaxac Ñim Lo'onatac 'Enauacna, qataq 'aupactelec ca 'aỹa'anot 'ara'aqtac Ñim Nataỹaña 'enauacna.

Levítico 27:2

«'Aua'aqtaxanem qome na Israel le'ecpi, qoneta': Da huo'otaq huo'o ca ỹachaxanapec co'ollaxa ca lauo' le'ec da ỹanot Ñim Nataxala', nache da huotaique da ñe'eguelaxaala't camaye, nache isheeten ipagaqchiichigui aca lasheue.

Números 30:2

Da huo'o ca shiỹaxaua da ỹanot ca la'aqtac Ñim Nataxala', huo'otaq da ỹan ca 'eetega ipacchigui la'aqtac, qaq camaye iuen da ipacchigui que'eca la'aqtac, qataq ỹo'ot 'enauac cam ỹachaxanapec.

Números 30:4

qaq ca lta'a da la'axaỹaxac, qalaxaye qaica ca la'aqtac, nache acamaye iuen da ipacchigui cam ỹan la'aqtac.

Números 6:2

«Qonapega qome na Israel le'ecpi qoneta': Da huo'o ca ỹale, qataq 'alo da nañan da qaiỹotauga da lalamaxat Ñim Nataxala',

1 Corintios 14:34

saishet da qaỹashenem na 'alpi da detaqa da huaigui ca naponaxac. Cha'aye na namaxasoxonaxacpi maye chegoqo'ot so Moisés 'eeta': Na 'alpi iuen da napaxaguena da ỹe'emaqta,

Josué 9:18

Qalaxaye so Israel le'ecpi saishet da ỹalauat somayepi, cha'aye som lataxala'pi ỹan co'ollaxa so la'aqtac, hua'aqchigui naqa'en Ñim Nataxala' maye Natamnaxala' na Israel le'ecpi da yaqto' qaichoxoren da nachaalataxac somayepi. Qaq souaxat de'era nache 'enauac so Israel le'ecpi ỹataqta quetapeguelec de'era ỹo'ot se'eso nataxala'pi.

Jueces 11:35

Qaq co'ollaq ila'aguet asomaye, nache ncolaxata'alo soua alogo souaxat da lqaigaxa nache nỹen, nache 'eeta': «¡Aicoue, 'am ỹalole, ỹataqta lta'araic da aỹem 'auo'otec ñiqui'ic! Cha'aye nache 'am maye aỹem 'auo'otec de'era lta'araic ñiqui'ic, souaxat da sanot co'ollaxa so ỹa'aqtac Ñim Nataxala', qaq nagui iuen da sepacchigui da so'ot damaye!»

1 Samuel 1:11

nache ỹanot da la'aqtac, 'eeta': «'Am Nataxala' maye Qaica ca 'Auqalanapec, qom 'aula'a da lta'araic lhuogoxo ana'ana 'aramaxashe, qataq da aỹem 'auennata'a, nache 'auauo'o qome ca ỹalec. Nache camaye 'am sanot qome, da yaqto' 'enauaque naua na'axa'te da 'am do'onataxaatacot. Qataq 'Am sanot da ỹa'aqtac, da saishet qome da qanpetec na laue camaye.»