Números 3:9 - La'aqtaqa Ñim Lo'onatac 'Enauacna 2013

⁹ Qataq 'auỹotauga qome na leviitapi da yaqto' do'onataxanot so Aarón, qataq na chegoxoguet llalaqpi somaye, cha'aye namayepi nache qaỹachegoxottoigui co'ollaxa na Israel le'ecpi da yaqto' nalemaqte' da Aỹem do'onataxanot.

Números 3:9 Iomraidhean Croise

1 Crónicas 15:2

Huaña nache so David, 'eeta': «Nachenata na leviitapi da ishet da ỹache qome añi arca maye laỹe' naua lqataxaco Ñim Lo'onatac 'Enauacna, cha'aye Ñim Nataxala' lca'ateua'a co'ollaxa namayepi da yaqto' nachenata da ishet da ỹache añimaye, qataq da yaqto' nache 'eetai' da huetague' de'era lo'onataxanaxac.»

1 Crónicas 6:33

Qaq somayepi qataq so llalaqpi maye pa'aỹa'aguet da no'onaxanaxac, nache 'ena na le'enaxatpi: Nam chegoxoguetpi so Quehat, som no'onaxanaq Hemán, som llalec so Joel maye chegoxoguet so Samuel,

Esdras 2:43

Qataq so no'onataxanaxanecpi maye ilotague' aso atamnaxaqui, som llalaqpi so Sijá, Jasufá, Tabaot,

Esdras 6:18

Ime, nache qaipacchiguilo naua ñiyigui'she na'aqtaqa maye nanettaleguete aso lere so Moisés, qataq qanaloqchiiyiñi soua laloqo'ote da do'onataxan so ntaxaỹaxanaxanecpi, qataq so leviitapi da ilo'ogue da ño'oxonnataxanaxac da qaỹo'oxoren Ñim Lo'onatac 'Enauacna da huaña ye Jerusalén.

Esdras 8:20

Nataqa'en so namaxashecpi maye ilotague' aso atamnaxaqui, maye so David qataq so ltauapi ỹaneuo co'ollaxa da yaqto' itauaatac so leviitapi, ivi' doscientos veinte so qomi' qanamaxalo. Ime, nache ñi 'oonolec somayepi, qoỹiyiñi na le'enaxatpi.

Números 16:9

¿Peta'a saq 'amaqtaq qanqa'eñi da qami' ỹo'oteque Ñim Nataxala', da qami' ỹachegoxottoiguilo na laỹepi Israel le'ecpi da ỹataqta qami' iỹotaugalo, da yaqto' saqaỹapeque Ñimaye, qataq da qauo'ocheetac na no'onatacpi da huaña ñi npe'l, qataq da qauloitapeeguet ne'ena nhuo' le'ecpi?

Números 18:2

Nataqa'en 'aỹaxana qome nam laỹe 'arhuo' le'ecpi maye chegoxoguet so Leví, maye nataqa'en chegoxoguet so 'arta'a, da yaqto' 'am itauan qataq naua 'aỹa'alqa da qauo'ocheetac na no'onatacpi ñi npe'l maye netaña añi arca maye laỹe' da aỹamaxataxac.

Números 3:8

Qataq ilo'ogue qome 'enauac na logoxoshetpi ñi npe'l, qataq ilo'oguet na Israel le'ecpi, qataq huapegue' na no'onatacpi maye huaña ye lanataqa' Ñim Nataxala'.

Números 8:14

Qaq 'era da 'eetec da 'auỹotauga na leviitapi, da 'auachegoxottoigui na Israel le'ecpi da yaqto' ỹalamaxatpi.

Números 8:16

Cha'aye namayepi qaỹachegoxottoigui na laỹepi Israel le'ecpi, da Aỹem qoỹanot da Aỹem do'onataxanot. Cha'aye Aỹem sacona namayepi da yaqto' naiguet ñaqa'en na la'auaxanec llalec na Israel le'ecpi.

Números 8:18

Qalaxaye Aỹem saconeua'a na leviitapi, da yaqto' naiguet ñaqa'en ne'ena la'auaxanec llalaqpi na Israel le'ecpi.

Números 8:19

Nache ne'ena leviitapi, sanem ñi Aarón qataq na llalaqpi, 'eeta'am ñaqa'en da lachetaqtaxanaqte na Israel le'ecpi, da yaqto' ỹo'ot na no'onatacpi ñi npe'l maye naỹonqa', qataq da qaỹapalaxat na lasouaxashet na Israel le'ecpi. Yaqto' saishet da huo'o ca huaigui qauem na Israel le'ecpi da nqo'oneua'a ñi npe'l.»

Efesios 4:11

Ime, nache ỹanem ca nme ñi 'oonolec na shiỹaxauapi. Nache huo'o na lamaxashecpi naqa'en Somaye, qataq huo'o na la'aqtaxanaxanecpi qataq huo'o na lataxala'pi naqa'en na 'amqaanataxanaxaicpi, qataq na napaxaguenataxanaqpi.

Efesios 4:8

Cha'aye naua ñiyigui'she maye huetaleguete ana nere maye huetalec na la'aqtacpi Ñim Lo'onatac 'Enauacna, 'eeta': «Somaye co'ollaq taigue da piguem, nache qalota so ỹauec lcoñeteguishecpi. Ime, nache ỹanem na lachetaqtaxanaxatpi na shiỹaxauapi.»