Números 3:8 - La'aqtaqa Ñim Lo'onatac 'Enauacna 2013

⁸ Qataq ilo'ogue qome 'enauac na logoxoshetpi ñi npe'l, qataq ilo'oguet na Israel le'ecpi, qataq huapegue' na no'onatacpi maye huaña ye lanataqa' Ñim Nataxala'.

Números 3:8 Iomraidhean Croise

1 Crónicas 23:27

Qaq 'era da 'eetec da ipacchigui qanqa'en da la'aqtac so David, nache qaỹo'ot aso le'enaxat lmalate nam chegoxoguetpi so Leví, maye napactelec ye veinte vi'iye da nachaalataxac,

2 Crónicas 29:11

Qaq ỹoqo'oye qami' ỹalaqpi, saisheto' qome da qanasamiiñi, cha'aye Ñim Nataxala' qami' lca'agui'she da nache 'eetai' da qoviito'ot Ñimaye, qataq nache 'eetai' da qauo'onataxañiitacot, qataq qauavigaxacheetac na qarchenaxanaxache.»

Isaías 52:11

¡Qoquiỹa'ai, qoquiỹa'ai nagui na Babilonia, nache saishet da qauashilleeua'a ca nshepaxan da lataxac, qoquiỹa'ai nagui na Babilonia! ¡Qanchilỹa'a da qui'itta qarataxaqui qami' maye qauachiitac nam no'onataxanaxatpiolec maye lalamaxat Ñim Nataxala'!

Números 10:17

Qaq co'ollaq mashe qansogoñi so npe'l, nache jec na chegoxoguetpi so Guersón qataq so Merari, maye nacheso so qaipataxalec co'ollaxa da ỹachetac naxa so npe'l.

Números 10:21

Ime, qataq jec so chegoxoguetpi so Quehat, maye ỹachetac so nogoxoshetpi maye sa qaishetapec. Qaq co'ollaq ivi' somayepi, nache mashe ime da qaltaq qaỹa'ara't so npe'l.

Números 3:7

Nache pa'aiguet da ỹo'ot da lo'onataxanaxacpi so Aarón, qataq da huapegue' nam nhuo' le'ecpi, qataq ñi npe'l maye huaña naxa da qanauane' Ñim Nataxala'.

Números 3:9

Qataq 'auỹotauga qome na leviitapi da yaqto' do'onataxanot so Aarón, qataq na chegoxoguet llalaqpi somaye, cha'aye namayepi nache qaỹachegoxottoigui co'ollaxa na Israel le'ecpi da yaqto' nalemaqte' da Aỹem do'onataxanot.

Números 31:30

Qataq 'auỹotauga qome ñi 'oonolec na cincuenta na taỹot na laỹe Israel le'ecpi: shiỹaxauapi, nauegaxanaxala' huacapi, 'ashenapi, qataq ana qaguetapi, qataq 'enauac na laỹe shiguiỹacpi. Nache 'aỹa'anem na leviitapi, cha'aye namayepi nachena na ilotague' ñi npe'l maye lalamaxat Ñim Nataxala'.»

Números 4:15

Nache ñi Aarón qataq ñeua llalqa, da ime da laỹona't 'enauac cam nogoxoshetpi maye sa qaishetapec, nache na Israel le'ecpi ishet da jec, nache anac na chegoxoguet so Quehat da ỹache 'enauac ca nogoxoshetpi. Qalaxaye saishet da ỹasheleua'a ca camachaqca que'eca nogoxoshetpi maye sa qaishetapec, yaqto' saishet da ileu. Qaq 'enauac que'eca logoxoshetpi que'eca npe'l maye naỹonqa', da nachena nam chegoxoguetpi so Quehat nam ishet da ỹache camaye.

Números 4:28

Qaq 'era da lo'onataxanaxac na maiche nalamaxat nhuo' le'ecpi maye chegoxoguet so Guersón, da huaña ca npe'l maye naỹonqa', qaq so Itamar maye llalec so ntaxaỹaxanaxanec Aarón, nache ilo'ogue namayepi.

Números 4:33

Qaq 'era da lo'onataxanaxac qome na chegoxoguet so Merari, da huapegue' ca npe'l, qaq so Itamar maye llalec so ntaxaỹaxanaxanec Aarón, nacheso so ilo'ogue qome namayepi.»