Números 3:6 - La'aqtaqa Ñim Lo'onatac 'Enauacna 2013

⁶ «'Auỹaxaneuga qome na maiche lalamaxat lauo' le'ecpi so Leví, nache qonapega namayepi da ỹalaxaguet qataq do'onataxanot so ntaxaỹaxanaxanec Aarón.

Números 3:6 Iomraidhean Croise

1 Crónicas 15:2

Huaña nache so David, 'eeta': «Nachenata na leviitapi da ishet da ỹache qome añi arca maye laỹe' naua lqataxaco Ñim Lo'onatac 'Enauacna, cha'aye Ñim Nataxala' lca'ateua'a co'ollaxa namayepi da yaqto' nachenata da ishet da ỹache añimaye, qataq da yaqto' nache 'eetai' da huetague' de'era lo'onataxanaxac.»

1 Crónicas 23:28

qaq da lo'onataxanaxac somayepi nache itauaatac som llalaqpi so Aarón, da huetague' nam no'onatacpi aso atamnaxaqui maye lalamaqte Ñim Nataxala', qataq so nqasoxoc qataq so nanataxaquipi, qataq da qui'itta naqa'en som no'onataxanaxatpi maye sa qaishetapec, qataq nam laỹepi no'onataxanaxacpi da huaña aso atamnaxaqui maye lalamaqte Ñim Nataxala'.

1 Crónicas 23:32

Qaq somayepi nataqa'en ilotague' so npe'l maye naỹonqa', qataq so ndaqa' maye sa qaishetapec, qataq da ỹo'ottac na no'onatacpi da huaña aso atamnaxaqui, nache ntaueetague' som lqaỹañecpi maye chegoxoguetpi so Aarón.

1 Crónicas 6:33

Qaq somayepi qataq so llalaqpi maye pa'aỹa'aguet da no'onaxanaxac, nache 'ena na le'enaxatpi: Nam chegoxoguetpi so Quehat, som no'onaxanaq Hemán, som llalec so Joel maye chegoxoguet so Samuel,

2 Crónicas 29:11

Qaq ỹoqo'oye qami' ỹalaqpi, saisheto' qome da qanasamiiñi, cha'aye Ñim Nataxala' qami' lca'agui'she da nache 'eetai' da qoviito'ot Ñimaye, qataq nache 'eetai' da qauo'onataxañiitacot, qataq qauavigaxacheetac na qarchenaxanaxache.»

Esdras 6:18

Ime, nache qaipacchiguilo naua ñiyigui'she na'aqtaqa maye nanettaleguete aso lere so Moisés, qataq qanaloqchiiyiñi soua laloqo'ote da do'onataxan so ntaxaỹaxanaxanecpi, qataq so leviitapi da ilo'ogue da ño'oxonnataxanaxac da qaỹo'oxoren Ñim Lo'onatac 'Enauacna da huaña ye Jerusalén.

Malaquías 2:4

Qaq huaña qome, nache qauaỹacheñi da nache Aỹem maye qami' sanema de'era namaxasoxonaxac da yaqto' de'era ñaỹamaxataxac, co'ollaq ñaỹamaxate' so Leví, nache 'eetai' qome. Qaq 'era da la'aqtac Ñim Nataxala' maye Qaica ca Ỹaqalanapec.

Números 18:21

Qaq na leviitapi, sanem qome da lalamaqte ana diezmo maye Aỹem ỹanem na Israel le'ecpi, da nsheetenaqte ñaqa'en da lo'onataxanaxac souaxat da huetague' na no'onatacpi maye huaña ñi npe'l maye naỹonqa'.

Números 2:17

Ime, nache jec na leviitapi, nache ỹache qome ca npe'l maye huaña naxa da qanauane' Ñim Nataxala'. Ipacchigui da 'eetec ca netaña co'ollaxa da netangui ca laiñi ca laỹe npe'lpi. Nataqa'en ỹachetac aca la'anaqte ca maiche lauo' le'ecpi.

Números 2:33

Qaq so leviitapi, saishet da qoỹereua'a aso le'enaxat lmalate so laỹepi Israel le'ecpi, nache qaipacchigui da lamaxasoxonaxac co'ollaxa Ñim Nataxala', co'ollaq 'enapega so Moisés.

Números 3:5

Nache Ñim Nataxala', 'enapega co'ollaxa so Moisés, 'eeta':

Deuteronómio 10:8

Nache huaña yemaye da Ñim Nataxala', iỹotauga co'ollaxa na maiche nalamaxat nhuo' le'ecpi maye chegoxoguet so Leví, da yaqto' pa'aiguet da ỹache aso laỹe' da aỹamaxataxac, qataq da ilo'ogue da no'onataxanaxac, qataq da ỹan da nchoxonnataxanaxa chegoqchigui naqa'en da le'enaxat Ñim Nataxala', qaq nachera da 'eeta'ac choche ivitta'a nagui.