Números 3:16 - La'aqtaqa Ñim Lo'onatac 'Enauacna 2013

¹⁶ Nache so Moisés ỹo'ot 'enauac de'era lamaxasoxonaxac Ñim Nataxala'.

Números 3:16 Iomraidhean Croise

Génesis 45:21

Nache soua llalqa so Israel ỹo'o't dam qaỹamaxaleguete. Qaq so José, nache ỹanema soua naigonal, ipacchigui naqa'en da lamaxasoxonaxac so faraón, qataq ỹanema soomaye so aloq da huangui so nqa'aic.

Números 3:15

«'Auo'ot qome aca le'enaxat lmalate na llalaqpi na leviitapi, qataq na maiche nalamaxat nhuo' le'ecpi, ỹataqtac so chegoxoguet lta'alpi, nache 'ereuo na le'enaxat na llalec ỹale maye mashe ivi' qataq napacalec ñi 'oonolec ca'agoxoic.»

Números 3:17

Qaq 'enaua na le'enaqa'ate soua llalqa so Leví: Guersón, Quehat qataq Merari.

Números 3:39

So Moisés qataq so Aarón co'ollaq ỹo'o't aso le'enaxat lmalate so leviitapi, nache soomaye ipactrelec da ỹo'o't da lamaxasoxonaxac Ñim Nataxala', nache 'enauac so ỹalleppi maye ivi' qataq mashe napacalec ye 'oonolec ca'agoxoic, ivi' veintidós mil ye lcata.

Números 3:51

Ime, nache so Moisés ỹanem so Aarón qataq so llalaqpi asa'aso nsheetenaxanaqte, nache ipacchigui da lamaxasoxonaxac Ñim Nataxala'.

Números 4:27

Qaq so Aarón qataq soua llalqa, nachesoua so ilo'oguelo qome 'enauac da lo'onataxanaxac nam chegoxoguetpi so Guersón da ivita da huo'o ca ỹacoolec da ỹo'ot, qataq nam ishet da ỹache namayepi. Qataq qauamaqailec da ỹataqta ilo'ogue 'enauac na qoỹami' da ỹache namayepi.

Números 4:37

Qaq 'iye ye lcata 'enauac so nereguishecpi maye chegoxoguet so Quehat, maye mashe ishet da do'onataxaneua'a so npe'l maye naỹonqa', som lereguishecpi co'ollaxa so Moisés qataq so Aarón. Nache ỹataqta ipacchigui da lamaxasoxonaxac Ñim Nataxala', maye ỹamaxalec co'ollaxa so Moisés.

Números 4:41

Qaq 'iye ye lcata 'enauac som chegoxoguetpi so Guersón, maye mashe ishet da do'onataxaneua'a so npe'l maye naỹonqa', som lereguishecpi co'ollaxa so Moisés qataq so Aarón. Qaq nache ipacchigui da lamaxasoxonaxac Ñim Nataxala'.

Números 4:45

Qaq 'iye ye lcata som chegoxoguetpi so Merari, som lereguishecpi co'ollaxa so Moisés qataq so Aarón. Nache ipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Números 4:49

Nache ipacchigui da la'aqtac Ñim Nataxala' maye ỹamaxalec co'ollaxa so Moisés, da qoỹiyiñi ñi 'oonolec somayepi, qataq ỹataqtac qanqa'en na ishet da ỹo'ot, qataq ỹache. Qaq 'era da 'eetec co'ollaq qaỹo'ot aso ne'enaxat lmalate, nache qaipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Deuteronómio 21:5

Qaq huaña nache nachaateuo qome na ntaxaỹaxanaxanecpi leviitapi, cha'aye Ñim Nataxala' lca'aua'a co'ollaxa namayepi da ỹanem da ỹo'ot da ño'oxonnataxanaxac, qataq da ỹan ca no'on la'aqtac da talec naqa'en na shiỹaxauapi, qataq da ỹo'ot ca llec ca cotaxac, qaq cam 'enapec namayepi nacheca qaỹo'ot.