Números 27:3 - La'aqtaqa Ñim Lo'onatac 'Enauacna 2013

³ «So qarta'a ileuaña ye toolec 'alhua, qalaxaye somaye saishet da ỹalectaigui som laỹepi so Coré maye dataỹa'aguet co'ollaxa Ñim Nataxala'. Somaye ileu qalaxaye souaxat na maiche lasouaxashetpi, qaq somaye qaica ca llalec ỹale.

Números 27:3 Iomraidhean Croise

Ezequiel 18:4

Cha'aye Aỹem ỹalamaxat 'enauac na shiỹaxauapi, na nta'alpi qataq na ñalaqpi. Qaq cam huo'o ca lasouaxashet qalaq ileu qome.

Números 14:35

Qaq Aỹem Nataxala', 'era da ỹa'aqtac: 'Era da sheetec qome ne'ena nhuo' le'ecpi, qauemaicpi maye huaxaỹa'pi da Aỹem npa'aguene'. Huaña ne'ena toolec 'alhua da imeuo ñaqa'en namayepi.›»

Números 16:19

Qaq so Coré co'ollaq mashe laỹona't 'enauac se'eso shiỹaxauapi da yaqto' dataỹa'aguet so Moisés, qataq so Aarón, huaña so ñegueuo so npe'l. Nache Ñim Nataxala', yo'oq da llo'oxoyec ỹauaachigui 'enauac se'eso laỹoota'a't shiỹaxauapi.

Números 16:49

Qaq da ima'a't se'eso ileupi, nache ivi' catorce mil setecientos, qaq saishet da qanaloqteneuo so leuaxaicpi maye huaigui so ncotaxac so Coré.

Números 26:33

Qaq so Jéfer, nache llalec so Selofejad, maye qaica ca llalec ỹale nda'a't soua 'alo, qaq da le'enaxa't soomaye, Malá, Nogá, Joglá, Milca qataq Tirsa.

Números 27:2

Qaq se'esoua cinco nqaỹa't, tareua'a co'ollaxa so ñegueuo so npe'l maye naỹonqa' da detaxaỹapegueto so Moisés qataq so ntaxaỹaxanaxanec Eleazar, qataq so lataxala'pi so lapoota'a't nhuo' le'ecpi, nache soomaye 'eeta':

Números 27:4

Qaq sa ỹaỹamaxañi da qaỹapalaxat da le'enaxat somaye souaxat da qaica ca llalec ỹale. Qaq 'onaxaictaxa da qauauoi ca qaralamaxat qana'alhua yaqto' nache salegaqtaigui na lqaỹañecpi so qarta'a.»

Juan 8:21

So Jesús qaltaq ỹe'eguelaxalec da detaqa, 'eeta': –Aỹem ashec, qaq qami' qome Aỹem qanmichiitaique, qalaxaye qami' saishet da qauañoxoche da qaviyiỹa'a cam soota'a, cha'aye choche ivitta'a qome da qaullivi da saishet da qaỹa'axañiiñi da qauo'ocheetac na qarasouaxashechi.

Juan 8:24

Qaq ỹoqo'oye Aỹem qami' sa'aqtaxaateguema da saishet da Aỹem qaua'amaqchiñi qataq sa qauauattoñi da Nachaỹem, nache choche qaulliviitañito naua qarasouaxashe'echilli'.

Romanos 5:12

Da hua'auchiguiñi nasouaxashet ana 'alhua chegoqchigui so Adán co'ollaq sa ỹalaq. Nache chegoqchigui de'era nasouaxashet da yo'oq da nleuaxa ana 'alhua. Qaq cha'aye 'enauac da huo'o da lasouaxashet, nache 'enauac nataqa'en da ileu namayepi.

Romanos 5:21

Cha'aye dam 'eetec da ñe'etaxaloxo co'ollaq ỹataqta huo'o da la'añaxac da nachetac da nleuaxa, qaq nache 'eetec nataqa'en da la'añaxac da lqouagaxanaqtaic Ñim Lo'onatac 'Enauacna da ỹapalaxat na qarasouaxashetpi qataq qomi' ỹanema da achaalataxac maye qaica ca loga't, chegoqchigui naqa'en So Qarataxala' Jesucristo.

Romanos 6:23

Cha'aye cam nachaqrata da ỹo'ottac da ñe'etaxaloxo, nache camaye ỹaconeguet ca nhuaxanaguec, qaq damaye nachera da nleuaxa. Qalaxaye Ñim Lo'onatac 'Enauacna qomi' ỹanema da qanme da nca'alaxa maye chochaq tatec chegoqchigui So Cristo Jesús maye Qarataxala'.