Números 27:16 - La'aqtaqa Ñim Lo'onatac 'Enauacna 2013

¹⁶ 'Am Nataxala', maye 'Am Natamnaxala' 'enauac na shiỹaxauapi, ñaq 'auauo'o qome ca lataxala' ne'ena nhuo' le'ecpi,

Números 27:16 Iomraidhean Croise

1 Reyes 5:5

Qaq ỹoqo'oye nagui, iuennataxa da ño'oxoosheguem aca atamnaxaqui da yaqto' qaỹo'oxoren Ñim Nataxala' maye Ñatamnaxala', cha'aye nachera da la'aqtac Ñimaye maye ỹanem co'ollaxa so ita'a David, 'eeta': «Cam 'aỹa'alec maye talec qome ñaqa'en da 'aro'onataxanaxac da nta'a, nacheca qome ca nauaxaỹaxaasheguem que'eca nỹec da yaqto' Aỹem qaỹo'oxoren.»

2 Reyes 11:8

Qaq qami' qauconñeesop qome so nta'a, nache ñi 'oonolec da qoñeeta nasoqta'a ca lo'ogoxonaxat, qaq da huo'o camachaqca shiỹaxaua da nshetaique da huenoxotaua'a somaye, nache qaualauache. Qataq saishet da qandoxocheetec so nta'a da huo'o ca taigue, iuen da qannaiquiitague' somaye.»

Eclesiastés 12:7

Cha'aye qom ime de'era, nache nam lsoche na 'alhua, ỹe'eguelaxaigui ana 'alhua, 'eeta'am da 'eetec co'ollaxa, qaq som saqcha'a nca'alaxa ỹe'egueloqot Ñim Lo'onatac 'Enauacna, maye ỹan co'ollaxa.

Jeremías 3:15

Qaq sanem qome cam nataxala'pi maye ỹo'ot cam sheetapeguec, qataq huo'o da laỹaanec qataq da laỹaanataxanaxac da ilo'ogue namayepi.

Jeremías 32:27

«Nachaỹem maye Aỹem Nataxala', maye Natamnaxala' 'enauac nam huo'o da lca'alaxa, Aỹem qaica ca seqalanapec.

Jeremías 38:16

Qalaxaye so nta'a Sedequías, ỹoxotchiguiñi so ỹan la'aqtac maye ỹanem so Jeremías, 'eeta': 'Am sanem da ỹa'aqtac qataq Ñim Nataxala', maye qomi' ỹanema da qanachaalataxac, da aỹem saishet qome da 'am samaxasoxoolec da 'am qaỹalauat, qataq saishet da 'am saneguet da lhuaqỹaxac nam huotaique da 'am ỹalauat.

Ezequiel 18:4

Cha'aye Aỹem ỹalamaxat 'enauac na shiỹaxauapi, na nta'alpi qataq na ñalaqpi. Qaq cam huo'o ca lasouaxashet qalaq ileu qome.

Ezequiel 34:23

Aỹem so'ot qome da ñe'eguelaq so ỹamaxashec David, nache sanem da nachesota da ilo'ogue ana ilopi qaguetapi, qaq somaye nacheso qome so ilo'ogue anamayepi.

Ezequiel 37:24

Ñi ỹamaxashec David nacheñita qome da nta'a qataq 'oonolec da ilo'ogue 'enauac namayepi, qaq namayepi qome Aỹem ỹalaxaguet, qataq ipacchigui na iqataxacpi qataq na ỹamaxasoxonaxacpi.

Números 16:22

Qalaxaye soomaye ỹa'alyiñi naua l-llectel, nache iviraxata'agueta naua lata'pi na 'alhua, nache 'ena'apo': 'Am Nataxala' maye 'Am Natamnaxala' 'enauac na shiỹaxauapi, ¿Peta'a 'aualemataỹa 'enauac ne'ena shiỹaxauapi maye laỹoota'a't, ye 'oonolec som huo'o da lasouaxashet?

Números 27:15

Nache so Moisés 'enapega Ñim Nataxala', 'eeta':

Mateo 9:38

Qaq ỹoqo'oye qauỹaxañiỹot qome Ñim Lo'onatac 'Enauacna da namaq ca laỹepi lamaxashecpi, da yaqto' ỹa'axatem dam no'on na'axaỹaxac 'enauac na shiỹaxauapi.»

Juan 10:11

Aỹem Nachaỹem no'on qagueta lo'o. Ca no'on qagueta lo'o, camaye ỹaalec da nachaalataxac ana qaguetapi.

Hechos 20:28

Qaq ỹoqo'oye ñi 'oonolec da qoñiita ỹataqta ntel-la't, qataq nataqa'en qarchilliỹa'a 'enauac na 'amqaanataxanaxaicpi maye qami' ipataxagueta So Saqcha'a Na'añaxac Qui'itta da yaqto' qauloỹeegue. Namayepi maiche lalamaxatpi Ñim Lo'onatac 'Enauacna, lsheenaxanaxatpi, lasheue co'ollaxa soua ltago'q so maiche Llalec.

Deuteronómio 31:14

Qaq ime, nache Ñim Nataxala' 'enapega so Moisés, 'eeta': «'Am, mashe saqaỹapeque ye laloqo' da 'aleu, qaq ỹoqo'oye 'aỹaxana qome so Josué, nache qanqo'oñiiua'a qome ñi npe'l maye huaña naxa da aỹem qanauane', yaqto' qami' sanema ca iqataxac.» Nache so Moisés qataq so Josué tareua'a co'ollaxa so npe'l maye huaña naxa da qanauane' Ñim Nataxala',

Hebreos 12:9

Co'ollaq ñaq qomi' nogotolqa, nache soua yo'oqchiguilo qarta'al qomi' ỹapaxagueeta'ape, qaq qomi' nache huo'o naq 'ene'c ñaqa'ena'q soomaye. Qalaq ta'ainectoxo' da saq ỹactec da salaxasoxoguet Ñim Lo'onatac 'Enauacna maye Qarta'a maye neta'ague da piguem, cha'aye da nache shenaqtec de'era, nache huo'o ca qarca'alaxa chochaq tatec.

1 Samuel 12:13

Qalaxaye 'iñi nagui ñi nta'a maye qarca'aguishiqui. Ñim Nataxala' qami' ỹanema ñim qauỹaxañiỹaique co'ollaxa.