Números 27:11 - La'aqtaqa Ñim Lo'onatac 'Enauacna 2013

¹¹ Qaq da ỹataqta qaica ca lqaỹañecpi ca lta'a, nache ca lalamaxatpi camaye, talec qanqa'en ca lalamaxat lauo' le'ec. Qaq 'era da lataxac maye nache 'eetai' qome da ỹo'ottac na Israel le'ecpi, dam 'am samaxalec nagui.»

Números 27:11 Iomraidhean Croise

Jeremías 32:8

Qaq nache ipacchigui som la'aqtac Ñim Nataxala', da so ihuo' le'ec Jananel aỹem naỹa co'ollaq soota'a ye nqasoxoc ñi lma' lta'araic ñi nta'a, nache aỹem iỹaxanot da sesheenaxana ye lalamaxat no'onaxa, maye huaña ye Anatot maye huaigui ye na'alhua nam chegoxoguet so Benjamín, cha'aye aỹemta da aỹem hueto'ot da shenec da ishet da sesheenaxana yemaye da yaqto' ỹalamaxat, cha'aye somaye maiche ỹalamaxat ihuo' le'ec. Qaq souaxat da aỹem saỹaten damaye da lamaxasoxonaxac Ñim Nataxala',

Levítico 25:25

Qaq da huo'o ca 'oonolec na qarhuo'oi le'ecpi da ivita da choxoraq, nache imen ca lalamaxat na'alhua, nache ishet da anac ca lalamaxat lauo' le'ec da nachaalec camaye da yaqto' desheenaxana que'eca imen camaye co'ollaxa.

Levítico 25:49

Qaq da anac ca ntesoqo', huo'otaq ca llalec ca ntesoqo', huo'otaq ca lỹa lalamaxat lauo' le'ec, nache ishet da nachaalec da isheeten aca lasheue, da yaqto' isoueeguesop da nlataguec. Qaq da huo'otaq ỹaỹamaxañi camaye, nache ishet da maiche nsheetela't.

Números 27:10

Qaq da huo'otaq qaica ca lqaỹañecpi, nache ca lalamaxatpi camaye, talec qanqa'en ca lqaỹañecpi ca lta'a.

Números 35:29

Qaq de'era qalapaxañi lataxac, nachera qome da lataxac da qoyecỹaxaqui qataq ca qami' chegoxogueta, na'aictaxa ca qoñiitaña ana 'alhua.

1 Samuel 30:25

Qaq nache huaiguio' se'eso na'a'q da so David lapaxañi de'era lataxac da huo'o ca loquiaxac, qaq so Israel le'ecpi nache queta da ỹo'ottac, choche ivitta'a nagui.