Números 24:11 - La'aqtaqa Ñim Lo'onatac 'Enauacna 2013

¹¹ ¡Qaq nagui no'on da 'avi'eguelaxa ca 'arma'! Aỹem 'am sachaxanapecot co'ollaxa da 'am sanem da lta'araic 'año'oxonnataguec, qalaxaye Ñim Nataxala' nqanaxat damaye.

Números 24:11 Iomraidhean Croise

Números 22:17

Cha'aye aỹem ỹataqta lta'araic ñaqa'en qome ca 'ansheetenaguec, qataq so'ot qome 'enauac ca aỹem 'anem 'ara'aqtac, ỹoqo'oye ñaq aỹem 'anqouaguec da 'auanac nagui, yaqto' 'auasaxalec ca qauem 'ara'aqtac ne'ena nhuo' le'ecpi.›»

Números 22:37

Nache so Balac 'enapega so Balaam, 'eeta': Aỹem ỹataqta she'eguelaqtalec da 'am seỹaxaatega, qalaq ¿Ta'ainco' da sa 'auanac? ¿'Aupi'itaxaatega peta'a da saishet da so'ot ca lta'araic 'ansheetenaguec?

2 Juan 1:8

Qaq maxatchaxa qome qanchilỹañi yaqto' saishet da qauqataqchichi 'enauac nam no'on maye qami' so'otaxaque. Cha'aye da saishet da nache qoñiitec de'era, nache qami' saishet da qauacoñiiguet cam ỹataqta nalochiguiñi qansheetenaguiiqui maye chegoqo'ot Ñim Lo'onatac 'Enauacna.

Filipenses 3:8

Qaq saishet da nacherata de'era, cha'aye 'enauac nam ishettaxa da ỹalamaxatpi, qalaq 'enauac salat, cha'aye ỹataqta saishet da huo'o ca ivi' ñaqa'en da lyacỹaxac da ỹauattonaxanaxac So Cristo Jesús maye Ỹataxala'. Qaq souaxat So Cristo, nache imauec da deqat ñaqa'en nam ỹalamaxatpi co'ollaxa, qataq 'eeta'am ñaqa'en da ỹataqta qaica ca naigui, cha'aye mashe sauatton Somaye,

Hechos 8:20

Nache so Pedro 'enapego' somaye, 'eeta': –Ana 'om 'arỹaueegue' da 'auqat, cha'aye 'aupi'itaxaatega da qaisheenaxata'a da lqouagaxanaqtaic Ñim Lo'onatac 'Enauacna.

Números 24:10

Qaq so Balac co'ollaq hua'aqchigui de'era, nache ỹataqta dalemataỹa so Balaam, nache ivigoxoguilo naua napocna, nache iuaxana't naua lhua'q, nache 'eeta': Aỹem, 'am seỹaxana co'ollaxa da yaqto' 'auasaxalec ca qauem 'ara'aqtac na ñepa'aguenaxauapi, qaq nagui mashe ivi' tres da talec 'anqa'en da 'onaxaic 'ara'aqtac namayepi.

Números 24:12

Nache so Balaam 'enapego' somaye, 'eeta': Aỹem mashe sa'aqtaxaateguem so 'aramaxashecpi co'ollaxa,