Números 24:10 - La'aqtaqa Ñim Lo'onatac 'Enauacna 2013

¹⁰ Qaq so Balac co'ollaq hua'aqchigui de'era, nache ỹataqta dalemataỹa so Balaam, nache ivigoxoguilo naua napocna, nache iuaxana't naua lhua'q, nache 'eeta': Aỹem, 'am seỹaxana co'ollaxa da yaqto' 'auasaxalec ca qauem 'ara'aqtac na ñepa'aguenaxauapi, qaq nagui mashe ivi' tres da talec 'anqa'en da 'onaxaic 'ara'aqtac namayepi.

Números 24:10 Iomraidhean Croise

Nehemías 13:2

Cha'aye souaxat somayepi da saishet co'ollaxa da ỹami' ca aloq, qataq ca laquip so Israel le'ecpi, nacherata da isheeten so Balaam da yaqto' ỹasaxalec so qauem la'aqtac, qalaxaye Ñim Lo'onatac 'Enauacna saishet da ipaigui naqa'en se'eso qauem la'aqtac somaye nda'a't da nmeneguet naqa'en da no'on.

Da na'aqtaguec so Job 27:23

Nache na la'at ỹataqta ỹauota'a na nalataxa, qataq na l-llimiaxa da icanapec camaye.»

Ezequiel 21:14

'Am shiỹaxaua, 'auachegoxotchigui qome da ỹe'enaxat da 'autaqa, nache, qonapega ca ỹeelonec da deque'emaqtaxan, ỹe'eguelaqtalec qome da deque'emaqtaxan. Cha'aye que'eca ỹeelonec camaye dalaataxan, cam huo'o da lchec ỹeelonec maye nalaataxanaxat, maye ỹareetalec 'enauac na shiỹaxauapi maye hueta'alo naua pa'aiguelo.

Ezequiel 21:17

Qaq nataqa'en Aỹem seuaxaata'a't qome naua ihuaxaye choche ivitta'a da vi'iiguet da ỹayeloxo. Qaq 'era da ỹa'aqtac Aỹem Nataxala'.»

Ezequiel 22:13

Aỹem ỹataqta salemata, souaxat da 'arhuotaxanaxac qataq da 'aralaataxanaxac.

Números 22:11

da huo'o ca nhuo' le'ecpi chegoqta'ague da Egipto, qaq camayepi mashe imattalec 'enauac ye na'alhua camaye. Nache cam Balac, aỹem 'eetega da sa ñaỹaloxon da ñeqo'ona da yaqto' sasaxalec ca qauem ỹa'aqtac camayepi, yaqto' da nalaate', nache ishet da ỹo'orauec, ca'ai naqa'en ye 'alhua.

Números 22:17

Cha'aye aỹem ỹataqta lta'araic ñaqa'en qome ca 'ansheetenaguec, qataq so'ot qome 'enauac ca aỹem 'anem 'ara'aqtac, ỹoqo'oye ñaq aỹem 'anqouaguec da 'auanac nagui, yaqto' 'auasaxalec ca qauem 'ara'aqtac ne'ena nhuo' le'ecpi.›»

Números 22:6

Ỹoqo'oye 'am ñachoxonnot da sa 'anaỹaloxon qome da 'auanac, yaqto' 'auasaxalec qome ca qauem 'ara'aqtac namayepi, cha'aye namayepi ỹataqta napacalec da qara'añaxac. Shapegueto' qom ishet da so'orauec da yaqto' ca'ai ne'ena 'alhua. Cha'aye aỹem saỹaten da huo'o ca 'auasaxalec ca no'on 'ara'aqtac, nache talec ca no'on, qaq ca 'auasaxalec ca qauem 'ara'aqtac, nache talec ca qauem.»

Números 23:11

Nache so Balac, iviraxato'ot so Balaam, 'eeta': ¿Ta'ainco' da qonetec de'era? ¡Aỹem, 'am ñauega ne'ena da yaqto' 'auasaxalec ca qauem 'ara'aqtac na ñepa'aguenaxauapi, qaq nagui qalaq talec 'anqa'en da no'on 'ara'aqtac namayepi!

Números 24:11

¡Qaq nagui no'on da 'avi'eguelaxa ca 'arma'! Aỹem 'am sachaxanapecot co'ollaxa da 'am sanem da lta'araic 'año'oxonnataguec, qalaxaye Ñim Nataxala' nqanaxat damaye.

Números 24:9

Qaq da nmatec, qalaq 'eeta'am ca quiyoc da nqapaxaatañi, ¡Nache qaica ca ỹe'egueeta'a da nlouec naqa'en! ¡Ỹataqta talec da nchoxonnataxanaxa ca 'am ichoxoren, qaq saishet da talec da nchoxonnataguec ca 'am saichoxoren!»

Hechos 11:10

Qaq se'eso na'aqtac tres da ỹe'eguelaxalec da aỹem 'enapega. Huaña, nache Ñim Lo'onatac 'Enauacna 'enauac ỹe'egueloqot naqa'en na piguem.

Deuteronómio 23:6

Ỹoqo'oye saishet qome da huo'o qanqa'eñi ca l-lagaxayec, qataq da qaica cara qanqa'eñi namayepi qom ñaq huo'o da qanachaalataxaqui.