Números 23:9 - La'aqtaqa Ñim Lo'onatac 'Enauacna 2013

⁹ Huaña ana'ana qaỹoqotcheguemec coma' nache ishet da sela'a, qataq da sootaña ne'ena ỹataqta pa'asheguem ana qasoxonaxapi, nache semeteetac yi'iye nhuo' le'ecpi, maye ỹataqta qaiỹotauga, qataq saishet da 'eeta'am da lataxac na laỹepi shiỹaxauapi.

Números 23:9 Iomraidhean Croise

Esdras 9:2

Qaq namayepi qataq na llalaqpi huaroneguet na llalpi ne'ena shiỹaxauapi, qaq ỹoqo'oye ne'ena nhuo' le'ecpi maye lalamaxat Ñim Lo'onatac 'Enauacna, ỹaleeguet 'enauac ne'ena ỹotta'a't shiỹaxauapi. Qaq na la'auaxanec da ỹo'ot de'era nasouaxashet, nachena nam nta'alpi, qataq nam 'amaqtaqaic nataxala'pi.»

Ester 3:8

Qaq huaña nache so Amán 'enapega so nta'a Asuero, 'eeta': 'Enauac na nhuo' le'ecpi maye hueta'a nam 'alhuapi maye 'aulotague' 'am nta'a, huo'o na nhuo' le'ecpi maye saishet da nhuoiguet na laỹepi, huo'o na maiche lalamaxat nqataxacpi maye saishet da nateneguet na nqataxacpi maye lalamaxat na laỹepi nhuo' le'ecpi, qaq namayepi saishet da ỹalaxaguet na 'aramaxasoxonaxacpi 'am nta'a. Qaq saỹaỹamaxañi da ne'ena nhuo' le'ecpi, nache queta da 'aulotague' 'am nta'a.

Éxodo 33:16

Cha'aye da saishet da qomi' 'annaicapegueto, nache ¿chaq 'eeteco' da aỹem, qataq na nhuo' le'ecpi da ishet da saỹatenaq da qomi' hueta'agueta da 'archoxonnataxanaxa? Da yaqto' saishet da shenaqta'am na laỹe nhuo' le'ecpi ana 'alhua.»

Jeremías 46:28

'Am Jacob, maye 'am ỹamaxashec saishet qome da 'añi'i, cha'aye Aỹem 'am soota'aguet. Qaq 'era da ỹa'aqtac Aỹem Nataxala'. Qaq na'aictaxa da ñematchiguiñi qome nam ỹotta'a't shiỹaxauapi maye 'aỹa ñaqa'en co'ollaxa. Qalaxaye 'am saishet da 'am selaxachigui, nacherata da 'am serolec da nalochiguiñi lataxac da 'am ñimit. Qalaxaye saishet da sa sauo'o ca 'anhuaxanaguec.»

Jeremías 49:31

Aỹem Nataxala' qami' sama'q sheeta': ¡Qoqui qome da qauloquiaxañi yi'iye nhuo' le'ecpi maye qaica ca ñe'etaique qataq ỹe'emaqtac, qataq qaica ca lapoxot ñi nasom qataq qaica ca la'araxat, qataq ỹataqta ndotec ye hueta'a!

Amós 9:9

Cha'aye aỹem samaxasoxoolec qome da qaichegoq na Israel le'ecpi da ỹalectaigui na ỹotta'a't shiỹaxauapi, 'eeta'am da qaichegoq na trigo da qanqateua'a na lvi, qaq nache saishet da huo'otaq 'oonole ala aca naañi qanqa'en da talec na 'alhua.

Miqueas 7:14

'Am Nataxala', ña 'alo'ogue qome ne'ena 'aralamaxat nhuo' le'ecpi, anam 'aralamaqte qaguetapi maye ndauec da huetaigui na aviaq, maye coleesop na no'on 'alhua, qaq ña 'auauega qome 'anamayepi ye 'auaqpisat ye Basán qataq ye Galaad, 'eeta'am soua hua'au' vi'iye.

2 Corintios 6:17

Qaq ỹoqo'oye nataqa'en Ñim Nataxala', 'eeta': «Qoquiỹa'ai qome namayepi, qataq qauỹocheelec; qataq saishet qome da qa'aitapegueua'a ca ishet da deshepaxanaqtaxan. Yaqto' Aỹem ishet da qami' saconegueta.

Deuteronómio 32:8

Huo'o so na'a'q da Ñim Qaỹoqotcheguemec, icolaxachigui na nhuo' le'ecpi, qataq na ỹotta'a't shiỹaxauapi, qataq ỹauo'oi naua loga'te naua lma'ate na nhuo' le'ecpi, qalaxaye naloqchiichigui ye lcata na llalaqpi so Israel.

Deuteronómio 33:28

Nache na Israel le'ecpi ỹataqta qome qaica ca ỹauotaique. Qataq na chegoxoguetpi so Jacob, netalec qome ca 'alhua maye sa qoue na trigo qataq ana uva, qaq na piguem qalaq nache chegoqtacot na 'aỹa.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.