Números 23:8 - La'aqtaqa Ñim Lo'onatac 'Enauacna 2013

⁸ Qalaxaye ¿Ca 'eeteco' da sasaxalec ca qauem ỹa'aqtac, ne'ena shiỹaxauapi maye Ñim Lo'onatac 'Enauacna saishet da ỹasaxalec ca qauem la'aqtac? ¿Qataq ta'ainec taxa da sasaxalec ca nhuaxanaguec, ye Ñim Nataxala' saishet da ỹo'ot ca nhuaxanaguec?

Números 23:8 Iomraidhean Croise

Proverbios 26:2

Nache 'eeta'am ca qoỹo maye nỹec le'ec da choche taỹa'aicra' da huaỹotac, huo'otaq ca mayogotolec maye qaica ca lpata'c, qaq nache 'eetec de'era qauem da saishet da choche anac.

Isaías 44:25

Aỹem saishet da ipacchigui ñaqa'en nam ỹa'axatta'api na na'aqtaxanaxanecpi maye saq'en, qataq na ilaviigui ca lỹa so'otec da santouen. Qataq na ỹaanaxanaxaicpi so'otec da nquictañi na laỹaanecpi.

Números 22:12

Nache Ñim Nataxala' 'enapega so Balaam, 'eeta': Saishet qome da 'auca'ategue namayepi, qataq saishet da 'auasaxalec ca qauem 'ara'aqtac yi'iye nhuo' le'ecpi, cha'aye yemayepi mashe sanem da no'on da llecỹaxac.

Números 22:6

Ỹoqo'oye 'am ñachoxonnot da sa 'anaỹaloxon qome da 'auanac, yaqto' 'auasaxalec qome ca qauem 'ara'aqtac namayepi, cha'aye namayepi ỹataqta napacalec da qara'añaxac. Shapegueto' qom ishet da so'orauec da yaqto' ca'ai ne'ena 'alhua. Cha'aye aỹem saỹaten da huo'o ca 'auasaxalec ca no'on 'ara'aqtac, nache talec ca no'on, qaq ca 'auasaxalec ca qauem 'ara'aqtac, nache talec ca qauem.»

Números 23:20

Qataq Ñimaye aỹem ỹamaxalec da san ca no'on ỹa'aqtac, qaq Ñim Lo'onatac 'Enauacna da ỹan ca no'on la'aqtac, nache aỹem saishet da sataỹa'aguet.

Números 23:23

Nache qaica ca ishet da ỹo'otec ca qauem so Jacob, huo'otaq camachaqca ne'enaxanaxac na Israel le'ecpi. Qaq da qaitaxaỹa so Jacob qataq na Israel le'ecpi nache qoỹeeta': Ña qauloỹa da ỹo'otec Ñim Nataxala' namayepi.

Números 23:7

Qaq huaña nache so Balaam do'onaxaataueeguelo naua la'aqtaqa, 'eeta': So Balac maye lta'a na netaña na Moab. Aỹem ỹachegoqchiguiña aye qasoxonaxapi maye pa'aigue da nala' lliguisheguem ye Aram, da aỹem nauega ne'ena 'alhua. Nache aỹem 'enapega 'eeta': Ña 'auanac qome da yaqto' 'auasaxalec ca qauem 'ara'aqtac so Jacob, qataq 'auasaxalec ca nhuaxanaguec na Israel.