Números 23:3 - La'aqtaqa Ñim Lo'onatac 'Enauacna 2013

³ Huaña nache so Balaam 'enapega so Balac, 'eeta': Nache qoueta'a qome ne'ena sa qaỹapeque na 'arachetaqtaxanaxat, qaq aỹem qalaq saicra'atai' shapegueto' da ishet da ñauane' Ñim Nataxala'. Qaq ca la'aqtac Ñimaye, nache 'am sa'axatem qome. Nache so Balaam jec, tasheguema aso no'oitelec lcomaraxalate.

Números 23:3 Iomraidhean Croise

Génesis 22:13

Nache so Abraham, namatasheguem nache ila'a so qagueta lhuaraic, ỹemaqtaiguilo soua lcoue so nshe'ela. Qaq huaña nache nqo'ona da ỹaconeua'a somaye, nache ỹavigaxat da ỹauo'o lachetaqtaxanaqte, nmeneguet naqa'en so llalec.

Génesis 22:2

Nache Ñim Lo'onatac 'Enauacna, 'enapego' somaye, 'eeta': «'Auacona qome ñi Isaac ñim 'oonolec 'aỹa'alec, ñim ỹataqta 'arauotaxat. Nache 'anqo'ona ye 'alhua Moriah. Qaq qom 'avita yemaye, nache 'auavigaxat aca 'arachetaqtaxanaqte da Aỹem 'aỹa'anot, huaña 'anqa'en aca qasoxonaxa maye 'am sachaxana qome.»

Génesis 8:20

Qaq ime co'ollaxa, nache so Noé ỹo'ot aso lca'atoxonaxalate, da yaqto' ỹo'oxoren Ñim Nataxala', nache ỹaconeua'a so shiguiỹacpi qataq so maỹopi maye qui'itta, ỹacootaua'a ñi 'oonolec se'eso ỹotta'a'tpi, nache ỹavigaxat ỹauo'o lachetaqtaxanaqte da ỹanot Ñim Nataxala'.

Éxodo 18:12

Ime, nache so Jetro ỹacona so shiguiỹac, nache ỹavigaxat, ỹauo'o lachetaqtaxanaqte da ỹanot Ñim Lo'onatac 'Enauacna, nataqa'en huo'o aso lỹa lachetaqtaxanaqte. Ime, nache anac so Aarón qataq 'enauac so lqueroxonecpi so Israel le'ecpi, anac da qanhuana'ai' so lacho' so Moisés da qaỹo'oxoren Ñim Lo'onatac 'Enauacna.

Levítico 1:1

Ñim Nataxala', iỹaxana so Moisés huaña so npe'l maye huaña naxa da qanauane' Ñimaye, nache 'eeta':

Números 23:12

Nache so Balaam, 'enapeco': Mashe 'am sa'aqtaxaateguem mque' da nachecata ca aỹem ỹanem la'aqtac Ñim Nataxala', nacheca sa'axat.

Números 23:15

Huaña nache so Balaam 'enapega so Balac, 'eeta': Nache qoueta'a qome ne'ena sa qaỹapeque na 'arachetaqtaxanaxat, qaq aỹem qalaq saicra'atai' da yaqto' ñauane' Ñim Nataxala'.

Números 23:2

Nache so Balac ỹo'ot da la'aqtac so Balaam, nache 'enauaque soomaye da ỹaareuo soua huaca llalqa, qataq soua qagueta lhuaraiqa, nache ñi 'oonolec huaca llalec qataq 'oonolec qagueta lhuaraic, ỹachaleguete añi 'oonole soua nca'atoxonaxalate.

Números 23:26

Nache so Balaam 'enapeco': ¿Peta'a saisheto' da 'am sheetega co'ollaxa, da nachecata ca aỹem ỹanem la'aqtac Ñim Lo'onatac 'Enauacna maye ishet da sa'axat?

Números 23:4

Nache Ñim Nataxala', nachaxana so Balaam, nache so Balaam 'enapeco': Aỹem samaxasoxooleguete da qano'oxoyishegue'm ñeua siete nca'atoxonaxalate, nache añi 'oonole ñiimaye, sachalec ñi 'oonolec huaca llalec, qataq 'oonolec qagueta lhuaraic, da yaqto' 'Am sanot da ỹachetaqtaxanat.

Números 24:1

Qalaxaye so Balaam co'ollaq ila'a da Ñim Nataxala' ỹaỹamaxareeta da somaye ỹasaxalec da no'on la'aqtac so Israel le'ecpi, nache somaye saishet da 'ena'am so hua'auñi ỹo'ot da ichemaxata ca la'aqtac Ñimaye, nacherata da ỹamatalec da pa'aigue ye toolec 'alhua.

Mateo 4:8

Qaq pa'atec nache so pa'aguenataxanaxaic ỹauega So Jesús aso qaỹoqotcheguemec 'alhua. Nache hualec asomaye da imeenaxanaxanec na 'alhuapi maye hueta'a na sallaxanecpi qataq 'añaxaicpi.

Josué 24:10

Qalaxaye aỹem sa sashenem somaye da qami' ỹasaxaleguete ca qauem, nacherata da qami' ỹasaxaleguete ñaqa'en da qanchoxonnataguiiqui. Qaq 'era co'ollaxa da 'eetec da qami' ñeca'alaxatrec.