Números 23:1 - La'aqtaqa Ñim Lo'onatac 'Enauacna 2013

¹ Nache so Balaam 'enapega so Balac, 'eeta': 'Ano'oxooyishegue'm qome ne'ena, caua siete nca'atoxonaxalate, qataq 'auqataxanai'salo caua siete huaca llalqa, qataq caua siete qagueta lhuaraiqa.

Números 23:1 Iomraidhean Croise

2 Reyes 18:22

Qaq da qoñiỹapec: Qomi' sepi'iỹaqtega Ñim Nataxala' maye Qanatamnaxala', qaq ¿peta'a saisheto' da nacheñi ñi Ezequías da nlaxaañi so atamnaqa'pi qataq aso nca'atoxonaxalatepi maye lalamaqte que'eca Atamnaxala', qataq ỹamaxalec na Judá le'ecpi, qataq na Jerusalén le'ecpi, da nachaqañeta añi nca'atoxonaxalate maye naña ye Jerusalén, da huaña naqa'en da yo'oxonnataxan?

1 Crónicas 15:26

Qaq souaxat da Ñim Lo'onatac 'Enauacna da itauaatac som leviitapi maye ỹachetac aso laỹe' soua lqataxaco Ñim Nataxala', nache qoỹanot Ñimaye so siete huaca llalqa qataq so siete peenaqpi.

2 Crónicas 29:21

Qataq ỹache so siete huaca llalaqpi, siete peenaqpi, siete qagueta llalaqpi, qataq siete quetaq llalaqpi, da lachetaqtaxanaxatpi da yaqto' qaỹapalaxat na lasouaxashetpi so llalaqpi so nta'alpi, atamnaxaqui, qataq na lasouaxashetpi so Judá le'ecpi. Ime, nache so nta'a ỹamaxalec so ntaxaỹaxanaxanecpi maye chegoxoguetpi so Aarón, da ỹaneuo aso nachetaqtaxanaqte da qaỹapalaxat na nasouaxashet, ỹachalec aso nca'atoxonaxalate maye lalamaqte Ñim Nataxala'.

Da na'aqtaguec so Job 42:8

Qaq qauacoñiiua'alo qome caua siete huaca llalqa, qataq caua siete qagueta lhuaraiqa, nache qanqo'oñiỹa qome ñi ỹamaxashec Job, yaqto' qaỹa'añiiuo da nachetaqtaxanaqte qaỹavigaxatta, qaq ñi ỹamaxashec Job, qami' natameeleguete qome. Nache aỹem saconeguet qome ca nqouagaxaunaxac ñimaye nache saishet da huo'o ca qami' shena'aque, souaxat da saishet da qaua'axache da ỹaỹamaqchiguiñi ỹataxac, cha'aye qami' saishet da qoñiita'am ñi ỹamaxashec Job.»

Éxodo 20:24

Qauo'oche qome aca nca'atoxonaxalate 'alhua, nache qauachiỹalec acamaye cam Aỹem qaỹa'añiỹot qarachetaqtaxanaxache qaỹavigaxatta, qataq qanhuaachigui chegaqaigui nam shiguiỹacpi maye qaralamaxache, qagueta, huaca. Nache Aỹem ñanac qome da qami' sanema ca ichoxonnataxanaxa da huaña na 'alhuapi maye huaña da qaiuennate da ỹe'enaxat.

Proverbios 15:8

Ñim Nataxala' saisheteguet aca lachetaqtaxanaqte na qauemaicpi, qalaxaye ỹamaateguet da natamnaxac na no'on da lataxac.

Ezequiel 33:31

Qaq 'era da 'eetec naxa na ỹalamaxat nhuo' le'ecpi, da anac nache nso'ooñi 'am datato'ot da na'axaỹaxanalo naua 'ara'aqtaqa, qalaxaye saishet da ỹo'o't. Nacherata da ỹe'eguelaxattaleguete 'eeta'am naqa'en ca no'onec maye huetaigui da nauotaxanaqtaic, qalaxaye da lquiyaqteỹaxac quetague' da lauotaxanaqtaic ana anom plata.

Ezequiel 45:23

qaq ye 'oonolec na'a'q, que'ecaua siete na'axa'te maye huaiguilo que'eca naponaxac, nache ỹaareuo qome da lachetaqtaxanaxat qaỹavigaxatta da ỹanot Ñim Nataxala' caua siete huaca llalqa, qataq siete qagueta lhuaraiqa, qaq camayepi 'enauac qome qaica ca lque'emaxa. Qaq nataqa'en ye 'oonolec na'a'q, nache ỹaneuo ca 'oonolec quetaq lhuaraic da yaqto' qaỹapalaxat na nasouaxashetpi.

Números 22:41

Qaq so lỹa na'a'q, nache so Balac ỹauec so Balaam da tasheguema ye Bamot Baal. Qaq huaña yemaye nache so Balaam ila'a so netaña so lpe'lpi so Israel le'ecpi.

Números 23:2

Nache so Balac ỹo'ot da la'aqtac so Balaam, nache 'enauaque soomaye da ỹaareuo soua huaca llalqa, qataq soua qagueta lhuaraiqa, nache ñi 'oonolec huaca llalec qataq 'oonolec qagueta lhuaraic, ỹachaleguete añi 'oonole soua nca'atoxonaxalate.

Números 23:29

Nache so Balaam 'enapega so Balac, 'eeta': 'Ano'oxooyisheguem qome caua siete nca'atoxonaxalate, qataq 'auqataxanai'salo caua siete huaca llalqa, qataq caua siete qagueta lhuaraiqa.

Números 23:30

Nache so Balac ỹo'ot da la'aqtac so Balaam, nache ñi 'oonolec huaca llalec qataq 'oonolec qagueta lhuaraic, ỹachalec añi 'oonole soua nca'atoxonaxalate.

Números 29:32

Qaq ca na'a'q siete nache qaỹa'añiireuo caua siete huaca llalqa, qataq caua dos qagueta lhuaraiqa, qataq caua catorce qagueta llalqa maye ivi' ye 'oonolec vi'i, qataq qaica ca lque'emaxa.

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

Judas 1:11

Qaq ỹataqta ¡choxoraxaso' namayepi! Cha'aye da lataxac 'eeta'am so Caín, qataq souaxat da lyaxa da nauec aca anom, nache 'eeta'am da lataxac so Balaam. Ỹataqta ỹaguec da qauemaicpi, ỹoqo'oye da l-leuaxa 'eeta'am da l-leuaxa so Coré souaxat da npa'aguenaxac.

1 Samuel 15:22

Huaña nache so Samuel, 'enapeco': «Ñim Nataxala' ỹataqta ỹactec da ỹaỹamaxareeta da qaỹalaxaguet, saq 'ena'am da qoỹanot aca nachetaqtaxanaqte qaỹavigaxatta qataq 'onaxaic naqa'en da qaỹalaxalec qataq da qailoolec ca 'enapec Ñimaye saq 'ena'am da qoỹanot aca nachetaqtaxanaqte huo'otaq da qaỹavigaxat na lcheta ca qagueta.