Números 21:7 - La'aqtaqa Ñim Lo'onatac 'Enauacna 2013

⁷ Nache somayepi nqo'oneua'a co'ollaxa so Moisés nache, 'eeta': ¡Qomi' huo'o da qarasouaxashet souaxat da qolaqtapeguelec Ñim Nataxala', qataq 'am! ¡Qaq no'on da 'anachoxonnot qome Ñim Nataxala' da yaqto' qomi' ca'aisalo naqa'en na na'araxanaqpi! Nache so Moisés nachoxonnot co'ollaxa Ñim Nataxala'.

Números 21:7 Iomraidhean Croise

Génesis 20:17

Qaq huaña, nache so Abraham nqouagaxaunot Ñim Lo'onatac 'Enauacna, nache Ñimaye qaltaq no'oita naqa'en so Abimelec, qataq aso lhua. Qataq nataqa'en nataren 'enauac aso l-latapi da yaqto' ishet da huo'o ca llalec.

Génesis 20:7

Qalaxaye nagui aña'añi 'alo 'avi'eguelaxatem qome ñi lhua, cha'aye ñimaye na'aqtaxanaxanec, qaq 'am nqouagaxaueelec qome da yaqto' 'anca'alec. Qalaxaye qom saishet da 'avi'eguelaxatem ñimaye, nache 'am 'aleu qome, qocañi' na 'aralamaxatpi.»

1 Reyes 13:6

Nache so nta'a 'enapega co'ollaxa so la'aqtaxanaxanec Ñim Lo'onatac 'Enauacna, 'eeta': Ñaq aỹem 'anqouaguec taxa da 'auỹaxanot Ñim Nataxala' maye 'Anatamnaxala', da yaqto' no'oita na ihuaq. Nache so la'aqtaxanaxanec Ñim Lo'onatac 'Enauacna natamnot Ñimaye, nache so lhuaq so nta'a qaltaq no'oita.

2 Reyes 13:4

Huaña, nache so Joacaz natamnot Ñim Nataxala', nache Ñimaye hua'axaỹa co'ollaxa da natamnaxac somaye, cha'aye ỹataqta imeteetac da lachoxoyec so Israel le'ecpi, souaxat so nta'a ye Siria da ỹataqta saiyacnapec somayepi.

Da na'aqtaguec so Job 42:10

Qaq so Job co'ollaq ime da natameeleguete soua nauochaxau', nache Ñim Lo'onatac 'Enauacna, ỹe'eguelaxatot somaye da lsallaxa, nache ỹataqta ỹagaqteetec 'enauac nam ỹami', napacalec so hua'auchiguiñi lsallaxa.

Da na'aqtaguec so Job 42:8

Qaq qauacoñiiua'alo qome caua siete huaca llalqa, qataq caua siete qagueta lhuaraiqa, nache qanqo'oñiỹa qome ñi ỹamaxashec Job, yaqto' qaỹa'añiiuo da nachetaqtaxanaqte qaỹavigaxatta, qaq ñi ỹamaxashec Job, qami' natameeleguete qome. Nache aỹem saconeguet qome ca nqouagaxaunaxac ñimaye nache saishet da huo'o ca qami' shena'aque, souaxat da saishet da qaua'axache da ỹaỹamaqchiguiñi ỹataxac, cha'aye qami' saishet da qoñiita'am ñi ỹamaxashec Job.»

Salmos 106:23

Nache Ñim Lo'onatac 'Enauacna detaxaỹa co'ollaxa da ilaxachigui somayepi, qalaxaye souaxat so Moisés maye lca'aguishec Ñimaye, dataỹa'aguet co'ollaxa da yaqto' nqanaxat da lalemataic, nache Ñimaye saishet da ipaca'a da ilaxachigui.

Salmos 78:34

Ñim Lo'onatac 'Enauacna naxa da ỹo'otec da l-leuaxa somayepi, nache somayepi qaltaq ỹe'eguelaxa da nmittaique Ñimaye.

Éxodo 10:17

Qalaxaye qami' ñachoxonnoto da chaqnatac nagui da aỹem qauchoxoyiñi souaxat da ỹasouaxashet. Qataq aỹem qanqouagaxauñiilec qome da qanqouagaxauñiỹot Ñim Nataxala' maye Qanatamnaxala'ai, da yaqto' nqateeguesop aỹem de'era lhuaxanaxanaxac maye dalaataxanapec.»

Éxodo 32:11

Qalaxaye so Moisés ỹauo'o da la'aqtac, huotaique da nmanaqchet Ñim Nataxala', 'eeta': «'Am Nataxala', ¿Ta'ainco' da huotaique nnoxotasheguem 'anqa'en da 'arayeloxo da 'aualemataỹa ye 'aralamaxat nhuo' le'ecpi, maye 'aurolec co'ollaxa da ỹataqta lta'araic 'ara'añaxac co'ollaq 'anqateeguesop ye Egipto?

Éxodo 32:30

Qaq so lỹa na'a'q, nache so Moisés 'enapega na shiỹaxauapi, 'eeta': «Qami' ỹataqta lta'araic da qarasouaxashichi. Qalaxaye nagui aỹem sasheguema ye hueta'a Ñim Nataxala', shapegueto' da sañoxot da choche qami' ichoxore'n da ỹapalaxat da qarasouaxashichi.»

Éxodo 8:28

Nache so faraón 'enapeco': «Aỹem qami' sasheetrec da qanqo'oñiỹa ye toolec 'alhua, da yaqto' qauavigaxache aca qarachetaqtaxanaqche da qaỹa'añiỹot Ñim Nataxala' maye Qanatamnaxala'ai. Qalaxaye saishet da ỹapactec qami' qaỹoqteguelo. Qaq nataqa'en aỹem qanqouagaxauñeelec qome».

Éxodo 8:4

Qataq tasheguemec qome ye 'arma' aca miỹo qataq na 'artauapi qataq 'enauac na 'arhuo' le'ecpi.»

Éxodo 8:8

Nache so faraón damaxasoxoneugalo soua Moisés qataq so Aarón, nache 'enapegalo', 'eeta': «Qanqouagaxauñiỹot qome Ñim Nataxala', da yaqto' nqateeguesop aỹem ana miỹo qataq 'enauac na ihuo' le'ecpi, yaqto' aỹem sasheetec qome da jec na 'arhuo' le'ecpi, da yaqto' ỹo'ot aca lachetaqtaxanaqte da ỹanot Ñim Nataxala'».

Isaías 26:16

'Am Nataxala', co'ollaq souaqaigui so qanqui'ic nache 'am ñimitaqaique, qataq 'am seỹaxanaqot co'ollaq qomi' 'auaxaata'ape.

Jeremías 15:1

Ñim Nataxala' aỹem 'enapega, 'eeta': «Qaq na'aictaxa da aỹem nachaateua'alo nagui ca Moisés qataq ca Samuel, qalaxaye Aỹem saishet da sechoxoreetac qome ne'ena nhuo' le'ecpi. Qonapega qome namayepi da Aỹem ca'ai, 'enauac qome da jec.

Jeremías 37:3

Nacherata da so nta'a Sedequías ỹamaq so Jucal, som llalec so Selemías qataq so ntaxaỹaxanaxanec Sofonías som llalec so Maseías, da nqo'ona so na'aqtaxanaxanec Jeremías, da yaqto' 'enapega, 'eeta': «Qomi' 'anatameeleguete qome, 'auỹaxanot Ñim Nataxala' maye Qanatamnaxala'.»

Oseas 5:15

Qaq ime qome, nache she'eguelaxa ye ima', choche ivitta'a qom nauattoola't namayepi da huo'o da lasouaxashet, nache aỹem nmitaique. ¡Qaq qom huetaigui ca lta'araic lhuogoxo, nache aỹem nmittaique qome!

Números 11:2

Nache so nhuo' le'ecpi ỹa'alaqtagui co'ollaxa, nache iỹaxanot so Moisés da yaqto' itauan, nache so Moisés natamnot Ñim Nataxala', nache se'eso norec no'omñi.

Mateo 27:4

nache 'eetega somayepi, 'eeta': –Aỹem huo'o da ỹasouaxashet hueto'ot Ñim Lo'onatac 'Enauacna, cha'aye saneguet da nalaataguec So Jesús, qaq Somaye qaica ca ỹasouaxat. Qalaxaye somayepi 'enapeco': –Aque', ¡Damaye saishet da saqtegueua'a! ¡Damaye maiche 'arasouaxashet!

Hechos 8:24

Nache so Simón 'enapeco': –Aỹem qanqouagaxauñiilec, qauỹaxañiỹot Ñim Lo'onatac 'Enauacna, da yaqto' saishet da huo'o ca aỹem tagui 'enauac nam qaua'axacheetac.

Romanos 10:1

Qami' ỹaqaỹa't maye qaua'amaqchiñiitac So Cristo, ỹataqta imauec da iquiyaqteỹaxac da huo'o da iyaxa qataq ñeqouagaxaueetacot Ñim Lo'onatac 'Enauacna da Ñimaye nca'alaxateeguesop da nhuaxanaguec na Israel le'ecpi.

Deuteronómio 9:20

Ñim Nataxala' ỹataqta dalemataỹa nataqa'en so Aarón, nache huotaique da ỹalauat. Qalaxaye aỹem ñachoxoreetapeguelec somaye,

Santiago 5:16

Qaq ỹoqo'oye ñi 'oonolec da qoñiita da'aqtaxanem ca lỹa ca lasouaxashet, qataq ñi 'oonolec nqouagaxaueetalec ca lỹa, yaqto' Ñim Lo'onatac 'Enauacna qami' natare'n. Da nqouagaxaunaxac ca no'on shiỹaxaua ỹataqta huo'o da la'añaxac, cha'aye Ñim Lo'onatac 'Enauacna ỹataqta hua'axaỹa.

1 Samuel 15:24

Nache so Saúl 'enapega so Samuel, 'eeta': Aja', 'eesa da huo'o da ỹasouaxashet, cha'aye aỹem ñapacalec da lamaxasoxonaxac Ñim Nataxala', qataq da 'arapaxaguenataxanaxac, souaxat da shi'iỹa'aguet caillaye na ñalleppi, nache so'ot dam la'aqtac.

1 Samuel 15:30

Nache so Saúl 'enapeco': «Aỹem 'eesa da huo'o da ỹasouaxashet. Qalaxaye 'am ñachoxonnot da ỹauaachigui 'anqa'en 'enauac na nqueroxonecpi na Israel, qataq 'enauac na shiỹaxauapi, da nache 'eetai' qome da huo'o 'anqa'en da shenec da aỹem nta'a. Qaq ỹoqo'oye aỹem 'annaicapegue', da yaqto' ñatamnot Ñim Nataxala' maye 'Anatamnaxala'.»