Números 21:4 - La'aqtaqa Ñim Lo'onatac 'Enauacna 2013

⁴ Nache so Israel le'ecpi ca'ai añi qasoxonaxa ye Hor, nache quetegue so nqa'aic maye taỹa'a aso Auaxai Togaxarai, nache queto'ot na loigue ye 'alhua Edom. Qalaxaye co'ollaq ñaq qanayectalec so nqa'aic, nache so shiỹaxauapi huo'o da lqalviaxa,

Números 21:4 Iomraidhean Croise

2 Reyes 3:8

Qataq nataqa'en 'eeta': ¿Qaq hua'ago' cam saqteuga qome? Nache so Jorán, 'enapeco': «Qomye saqteuga so nqa'aic ye toolec 'alhua ye Edom».

Éxodo 6:9

Nache so Moisés ỹa'axatem de'era so Israel le'ecpi. Qalaxaye somayepi saishet co'ollaxa da ỹoqocha'a, cha'aye mashe saqca ca la'añaxac souaxat da qapa'atta nlataguec.

Números 14:25

Qalaxaye souaxat na amaleciitapi qataq na cananeopi maye netalec na ca'amapega't 'alhua, nache qami' qavi'iguelaqai qonte', qalaxaye qoquiitelec qome ye toolec 'alhua maye taỹauga aso auaxai Togaxarai.

Números 20:27

Nache so Moisés ỹo'ot de'era la'aqtac Ñim Nataxala', qataq ỹauaachigui naqa'en 'enauac so Israel le'ecpi, da tayesheguema aso qasoxonaxa Hor.

Números 32:7

¿Ta'ainco' da huotaique da deqalvi qanqa'eñi na laỹe Israel le'ecpi, da yaqto' saishet da taitague da le'ego da ỹacona yem 'alhua maye ỹanem Ñim Nataxala'?

Números 32:9

Nache ivira'a co'ollaxa so la'auaxac Escol da imeteetac yi'iye 'alhua, qaq co'ollaq ñe'eguelaq nache ỹo'ot da lqalviaxa na Israel le'ecpi, da yaqto' saishet da taỹa ye 'alhua maye ỹanem co'ollaxa Ñim Nataxala'.

Números 33:41

Qaq somayepi qaltaq jec, chegoqchiguiña añi qasoxonaxa Hor, qaq co'ollaq ivita ye Salmoná, nache hua'a yemaye.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

Deuteronómio 1:40

Qalaxaye qami' qavi'iguelaqỹa nagui ye toolec 'alhua, qoquiitegue so nqa'aic maye taỹa'a aye Auaxai Togaxarai.

Deuteronómio 2:1

«Qaq co'ollaq qolaq, nache saqtelec ye toolec 'alhua maye tateuga aso Auaxai Togaxarai, ipacchigui da aỹem ỹanem la'aqtac Ñim Nataxala'. Qaq mashe qaỹoqteguelo soua na'axa'te da seconnaqtacot aye qasoxonaxapi ye Seír.

Jueces 11:18

Huaña nache qaltaq qolaqtalec ye toolec 'alhua, nache qolaqto'oto naua loiguiye ye na'alhua ye edomiitapi qataq ye moabiitapi. Nache co'ollaq seviraxa yem na'alhua ye moabiitapi maye pa'aỹa'ague da nala' lliguisheguem, nache souaqa'a yemaye, yem pa'aỹa'atague da le'ego so tala Arnón. Cha'aye se'eso tala, nache loga't na na'alhua ye moabiitapi ỹoqo'oye saishet da senoxonaxaua'a yemaye.