Números 21:1 - La'aqtaqa Ñim Lo'onatac 'Enauacna 2013

¹ Qaq so nta'a Canaán le'ec maye ilotague' na netaña ye Arad, somaye netaña ye Néguev, qaq co'ollaq la'axaỹaxac da so Israel le'ecpi nateuga ye Atarín, nache ca'ata'aguet da iloquiaxan somayepi, nache huo'oi soua loxonqa.

Números 21:1 Iomraidhean Croise

Génesis 12:9

Qaq ime co'ollaxa nache so Abram qaltaq jec, nqocheeta choche ivitta'a ye 'alhua Néguev.

Números 14:45

Nache huenotec co'ollaxa so amaleciitapi qataq so cananeopi maye netasheguema aso qasoxonaxa, nache le'enec qataq huo'o so ique'emaqchetpi qataq icaatac so Israel le'ecpi, iviraxatta'a ye Jormá.

Números 33:40

Qaq so nta'a cananeo maye ilotague' so netaña ye Arad, somaye netaña co'ollaxa ye Néguev ye 'alhua Canaán, nache la'axaỹaxac co'ollaxa da lviraxac so Israel le'ecpi.

Deuteronómio 2:32

Qaq so Sijón qomi' ca'ata'agueta, nnaictague' co'ollaxa so nalleppi da yaqto' qomi' deloguito huaña ye Yahás,

Josué 12:14

so nta'a ye Jormá, qataq so nta'a ye Arad,

Josué 7:5

nache so Ai le'ecpi ỹalauat co'ollaxa so treinta y seis Israel le'ecpi, qaq so laỹepi nache ỹachegoxotchiguiña so lasom so lpaqtaxat ye huaqta'a't nỹecpi da icaatac, nache iviraxatta'a so qaỹachegoxottapiguiña na no'oxonaxanaxat coma', qaq co'ollaq huaña ye lca'amaxa nache noxonecpi somayepi. Qaq ỹoqo'oye se'eso shiỹaxauapi nlleuchiguiñi da lquiyaqteỹaxac.

Jueces 1:16

So chegoxoguetpi so Hobab maye queniita, som lacho' so Moisés, somayepi chegoqchiguiña co'ollaxa ye huaqta'a't nỹecpi maye le'enaxat Chaisat, nache lỹatec so maiche nhuo' le'ecpi maye chegoxoguetpi so Judá da nqo'ona ye toolec 'alhua ye Judá, maye pa'aỹa'ague da la'añaxa ye Arad, da yaqto' nache naña, nache lauoreuapi som shiỹaxauapi maye lma' yemaye.