Números 2:3 - La'aqtaqa Ñim Lo'onatac 'Enauacna 2013

³ Nache na chegoxoguet so Judá, ỹanaña qome ca lpe'lpi da pa'aigue da nala' lliguisheguem, nache ỹaatasheguem aca la'anaqte na maiche lalamaxat lauo' le'ecpi. Qataq nalochiguiñi naqa'en ca nalleppi maye lataxala' so Naasón, som llalec so Aminadab.

Números 2:3 Iomraidhean Croise

Génesis 35:22

Nache so Israel co'ollaq mashe netaña se'eso 'alhua, nache so Rubén lauañe' co'ollaxa aso Bilá, asom ỹaqauga lhua so lta'a. Qalaxaye so Israel ỹaỹaten co'ollaxa de'era. Qaq soua llalqa so Jacob soomaye ivi' doce.

Génesis 35:23

Qaq soua llalqa aso Lea, le'enaxat da Rubén so la'auaxanec, qataq jec so Simeón, Leví, Judá, Isacar qataq so Zabulón.

1 Crónicas 2:10

Qaq so Ram nacheso so lta'a so Aminadab, qaq so Aminadab, nacheso so lta'a so Nasón, som lataxala' co'ollaxa som chegoxoguetpi so Judá

1 Crónicas 5:2

Qaq na'aictaxa da so Judá ivira'a co'ollaxa da ỹataqta 'añaxaic, napacaleguete soua lqaỹa't, qataq ivira'a da lataxala' somaye soua lqaỹa't, qalaxaye dam 'enec cam ñalec ỹe mashe talec so José.

Éxodo 6:23

Qaq so Aarón nache huaroneguet aso Eliseba, asom llale so Aminadab, qataq lqaỹa so Nasón, qaq asomaye nachaso aso late'e so Nadab, Abiú, Eleazar qataq so Itamar.

Números 1:5

Qaq 'ena na le'enaxatpi na lataxala'pi na maiche nalamaxat nhuo' le'ecpi, maye qami' itaua'n qome: Elisur, som llalec so Sedeur, maye chegoxoguet so Rubén.

Números 1:7

Nasón, som llalec so Aminadab, maye chegoxoguet so Judá.

Números 10:5

Qaq da lỹateueegue' ca lta'araic na'alaxac que'eca l-lamaxa caua nasheerel, nache naỹamaxat da jec qome ca netaña na pa'aỹa'ague da yo'oxoñi,

Números 2:4

Qaq que'eca nalleppi ivi' setenta y cuatro mil seiscientos ye lcata ca ỹalleppi maye ñiyiguishecpi co'ollaq qaỹo'ottac so naneraguec namayepi.

Números 3:38

Qaq so Moisés, Aarón qataq so llalaqpi, nache netaña co'ollaxa da pa'aỹa'ague da nala' lliguisheguem, maye datateuga so npe'l, qaq nacheso somayepi so ipataxalec co'ollaxa so Israel le'ecpi da ilotague' se'eso npe'l. Qaq ỹoqo'oye da huo'o ca chegaqauec da saishet da ntaxaỹaxanaxanec da ỹacoolec de'era no'onataxanaxac, nache camaye qaỹalauat.

Números 7:12

Nache so la'auaxanec na'a'q, ỹaneuo so lachetaqtaxanaxat so Nasón, som llalec so Aminadab maye chegoxoguet na lauo' le'ecpi so Judá.

Números 7:17

qataq soua dos nauegaxanaxala'ate huaca, qataq soua cinco peenaq, qataq soua cinco quetaq, qataq soua cinco qagueta llalqa maye ivi' ye 'oonolec vi'i, da yaqto' nachetaqtaxanaxat qanhuaachigui. Qaq 'eso som lachetaqtaxanaxatpi so Nasón, maye llalec so Aminadab.

Mateo 1:4

Aminadab, Nasón, Salmón.

Rut 4:20

qaq so Aminadab nache llalec so Nasón, qaq so Nasón nache llalec so Salmón,