Números 2:2 - La'aqtaqa Ñim Lo'onatac 'Enauacna 2013

² «Na Israel le'ecpi netañalo qome naua loiguiye ca netaña que'eca npe'l maye huaña naxa da qanauane' Ñim Nataxala', qataq ñi 'oonolec ca lpe'l namayepi, nache netasheguem naqa'en aca la'anaqte na maiche lauo' le'ecpi maye chegoxoguet so lta'alpi.

Números 2:2 Iomraidhean Croise

Salmos 74:4

Qaq na 'ampa'aguenaxauapi do'onaxaatalec da lauegaxanaxac, da hueta'a añi atamnaxaqui maye 'aralamaqte, nache ỹanalec ana la'anaxanaqtepi maye chegaqauec,

Salmos 76:11

Qami' qaỹa'añiỹot ca qara'aqtaqui Ñim Nataxala', maye Qanatamnaxala'ai, qalaxaye qaupaquiichigui. Nataqa'en qami' maye qoñiitaña na saqaỹapeque, qandoiua'a qome aca qarachetaqtaxanaqche, ñim ỹataqta huo'o da lchec.

Isaías 12:6

Qauo'onaxañi qataq qantoñiỹapigui' qami' maye qarma'ai na Sión, cha'aye Ñim Qui'itta Natamnaxala' so Israel maye qami' netanguilo ỹataqta lta'araic da la'amaqchec.»

Isaías 18:3

Qaq 'enauac qami' maye qoñiitalec ana 'alhua, qauloỹa'a qom qanauaxaỹaxaasheguem aca na'ana netalec añi qasoxonaxa, qataq qaua'aqaichigui qome da l-lamaxa aca nasheerepi.

Ezequiel 43:7

nache, 'eeta': «'Ena na lma' añi ñeso'onaxaqui, qataq nachena na ỹapiaqa', nachena na huaña da chochaq tatec da soota'aguet na Israel le'ecpi. Qaq namayepi qataq ca lta'alpi, qalaq saishet qome da ỹe'eguelaxalec da ishepaxanaqchet da ỹe'enaxat souaxat da saỹalaq: qataq saishet qome da ỹe'eguelaxalec da no'oxoosheguem ca le'enaqtac maye lqui'ipi so lta'alpi maye mashe ileu,

Zacarías 9:16

Que'eca na'a'q, Ñim Nataxala' maye natamnaxala' namayepi, nca'alaxatec qome nam lalamaxat nhuo' le'ecpi, 'eeta'am naqa'en aca nlo qaguetapi, huaña nache qashelectapiguiñi na lalamaxatpi da hueta'a ye maiche na'alhua, 'eeta'am aca no'on coma' maye llo'oxoraqte aca aro'o.

Números 1:50

Nacherata da 'anem qome da ilo'ogue ca npe'l, maye huetaigui aca laỹe da aỹamaxataxac, qataq 'enauac na logoxoshetpi, qataq ca lalamaxatpi camaye. Qataq namayepi nachena na ỹachetac qome ca logoxoshetpi da qalachaxan que'eca npe'l, qataq huapegue' que'eca nanataqa'. Qataq nache netañalo naua loiguiye camaye da nauaatalec.

Números 10:14

qaq hua'autec so alleppi maye ỹachetac aso la'anaqte nam chegoxoguetpi so Judá, qaq somayepi nache lataxala' so Nasón, som llalec so Aminadab.

Números 10:18

Ime, qataq jec so alleppi maye ỹachetac aso la'anaqte na chegoxoguetpi so Rubén, qaq so lataxala' somayepi, nacheso so Elisur, som llalec so Sedeur.

Números 10:22

Ime, qaltaq jec so alleppi maye ỹachetac aso la'anaqte na chegoxoguetpi so Efraín, qaq so lataxala' somayepi nacheso so Elisama, som llalec so Amiud.

Números 10:25

Pa'atec nache nalochiguiñi da jec so alleppi maye ỹachetac aso la'anaqte na chegoxoguetpi so Dan, ca'attaueegue da nauaatalec 'enauac so laỹepi alleppi. Qaq so lataxala' somayepi nacheso so Ajiezer, som llalec so Amisaday.

Números 2:1

Ñim Nataxala' 'enapega so Moisés qataq so Aarón, 'eeta':

Números 2:10

Qaq aca la'anaqte na maiche nalamaxat nhuo' le'ecpi, maye chegoxoguet so Rubén, nache netaña qome da pa'aigue da taguiñi. Qaq camayepi, nache lataxala' so Elisur, som llalec so Sedeur.

Números 2:3

Nache na chegoxoguet so Judá, ỹanaña qome ca lpe'lpi da pa'aigue da nala' lliguisheguem, nache ỹaatasheguem aca la'anaqte na maiche lalamaxat lauo' le'ecpi. Qataq nalochiguiñi naqa'en ca nalleppi maye lataxala' so Naasón, som llalec so Aminadab.

Números 24:2

Qaq so Balaam co'ollaq ila'a so Israel le'ecpi da ỹataqtac so netañapi so lpe'lpi so maiche nalamaxat nhuo' le'ecpi, nache so Saqcha'a La'añaxac Ñim Lo'onatac 'Enauacna taigui somaye.

1 Corintios 14:33

cha'aye Ñim Lo'onatac 'Enauacna saishet da lauela ca qaica ca laỹamqa' qataq da cotaxac, nachaqrata da nlagaxayec qataq ca ỹaỹamaqchiguiñi lataxac. Cha'aye da lataxac 'enauac na ỹa'amaqten So Jesús, 'eeta':

1 Corintios 14:40

Qalaxaye qauaỹamaxachiichiguiñi da llecỹaxac 'enauac namayepi.

Filipenses 1:27

Qaq nachaqrato' da qanpogoxoiñiỹapegue' da yaqto' da qarataxaqui nateeteguet da lapaxaguenataxanaxac So Cristo. Qaq yaqto' qom qami' sevitalo, huo'otaq da saishet, qalaxaye ñaqaiyeta ñeshetaique da aỹem nvira'a qome ca ỹa'axaỹaxac da qoñiita da saishet da qanañaxañiiñi, qataq da qanhuooñeta't, qataq da qanaỹaañeta't da qauloquiitapeguelec da qaua'axacheetac da no'on na'axaỹaxac.

Colosenses 2:19

Cha'aye namayepi saishet da na'attaua'a So Cristo som ilotague' 'enauac nam ỹa'amaqten qataq nquigaxattauec da la'añaxac. Somaye ỹami' na 'amqaanataxanaxaicpi 'enauac na iueetac, qataq ỹataqta na'atta't naqa'en namayepi, ipagaqchiichigui dam ỹoqta 'eetapeguec Ñim Lo'onatac 'Enauacna.

Josué 3:4

Yaqto' ishet da qauaỹachiñi ca qa'aiteuga qome, cha'aye qaica da huo'otaq huo'o ca 'oonolec da qoñiita da mashe tateuga se'eso nqa'aic. Qalaxaye saishet qome da ỹapac sa qauỹochiỹapeque aso laỹe' da aỹamaxataxac, nachaqrato' da qauca'achiitalec asomaye, qalaxaye qami' qaỹoqtegueta qome.»