Números 19:9 - La'aqtaqa Ñim Lo'onatac 'Enauacna 2013

⁹ Qaq ca lỹa shiỹaxaua maye qui'itta da lataxac, laỹona't qome ca no'onañi alo aca'aca huaca maye qaỹavigaxat, nache ỹachaña ca qui'ittelec ca pa'auec que'eca nanataqa'. Qaq na Israel le'ecpi ỹaỹamaxat qome que'eca alo, yaqto' do'onataxana da qui'itta naqa'en ca 'etaxat, maye nachelaxat da huo'o ca qaiỹouec na lasouaxashetpi.

Números 19:9 Iomraidhean Croise

Levítico 15:20

Qataq 'enauac ca nnaalecpi huo'otaq ca nso'oolec acamaye, ishet da dalolaqtaxan.

Zacarías 13:1

Qaq que'eca na'a'q, qalaq huo'o qome, ca npaxaatasheguem 'etaxat, da yaqto' nỹoxoqui da iỹouec na lasouaxashet qataq na lshepaxanaxa nam chegoxoguetpi so David qataq nam netaña na Jerusalén.

Números 19:13

Qaq da huo'o ca ipoteua'a ca shiỹaxaua leuaxaic, nache da saishet da nỹola't camaye, nache ishet da na'aqchet ñi npe'l maye lanataqa' Ñim Nataxala'. Qaq que'eca shiỹaxaua iuen da ca'ai qanqa'en na Israel, cha'aye saxanaxa da qaiquetegaxaalec que'eca 'etaxat maye ishet da iqui'itaxatta, nache camaye nache 'eetai' da saishet da qui'itta da lataxac.

Números 19:17

Qaq da qaiqui'itaxat da lataxac que'eca shiỹaxaua maye saishet da qui'itta da lataxac, nache qaỹacona ca laỹe ca alo aca'aca huaca maye qaỹavigaxat da yaqto' qaỹapalaxat na nasouaxashet, nache que'eca alo qaỹasaxangui aca naco'oña, nache qaicoyingui ca 'etaxat maye chegaqangui ca la'auaxac.

Números 19:18

Ime, nache cam shiỹaxaua maye qui'itta da lataxac, ỹacona aca nchegoxosoxonaqte, nache ishiiñigui que'eca 'etaxat da ỹapapiaxat, nache ichegoxolec que'eca npe'l, qataq aca naco'oñapi, qataq na laỹepi nogoxoshetpi, qataq ca shiỹaxauapi maye netaigui camaye, nataqa'en ca ipoteua'alo caua npi'ineqa, nalaatac, huo'otaq ca leuaxaic maye maiche ivita ca laloqo' da ileu, huo'otaq aca huachiqui.

Números 19:3

Nache qami' qaỹa'añim qome so ntaxaỹaxanaxanec Eleazar, nache somaye ỹauegueega qome ca pa'auec ca qanayeetaña nanataqa', nache damaxasoxoolec da qaipelecot na lqosot acamaye qaq ỹauaachigui somaye.

Números 19:8

Qaq nataqa'en que'eca ỹavigaxat aca huaca, iỹoi' qome caua alogo qataq nachel, qalaxaye camaye saxanaxa da qui'itta ivitta'a da pe.

Números 6:12

qataq nache chegoqchiguiña da qaltaq qaiỹotauga da lalamaxat Ñim Nataxala', qataq ỹaneuo ca qagueta llalec maye ivi' ye 'oonolec vi'i, da lachetaqtaxanaxat maye sa imauaq da qaỹavigaxat. Nache caua hua'au' na'axa'te saishet qome da qanaloqteereuo souaxat da qana'aqchet da lataxac camaye da qoỹanot Ñim Nataxala'.

Números 8:7

Da lataxac da yaqto' qui'itta namayepi, 'eeta': 'Am 'auquetegaxaalec qome ca 'etaxat maye ishet da qui'itta naqa'en namayepi, qaq da ime, nache namayepi namarec 'enauac ana laso na lo'oc, qataq iỹoi' 'anqa'en naua alogo, nache namayepi ỹataqta qui'itta.

Números 9:13

Qalaxaye da huo'o ca shiỹaxaua qui'itta, qataq da saishet da hueta'a ca qaỹoqta 'alhua, da saishet da ỹo'ot ca llo'oxonnataxanaxac que'eca na'a'q Lapascua, nache camaye qaỹo'orauec, ca'ai qanqa'en na lauo' le'ecpi. Cha'aye camaye huo'o da lasouaxashet, souaxat da saishet da ỹanot Ñim Nataxala' ca lachetaqtaxanaxat que'eca na'a'q, nache camaye huo'o ca nhuaxanaguec.

2 Corintios 5:21

So Cristo ỹataqta qaica ca lasouaxashet. Qalaxaye souaxat qomi', nache Ñim Lo'onatac 'Enauacna, 'eeta'am naqa'en ca 'etaxaloxoic, da yaqto' chegoqchigui Somaye da qomi' ỹaỹamaxareete' Ñimaye.

2 Corintios 7:1

Qaq ỹoqo'oye qami' ñauochaxau' ỹaqaỹa't, 'era da qomi' qaỹachaxanapecoto. Qaq ỹoqo'oye saishet qome da so'otaq ca qauem, nachaqrato' da qomi' huesochiyiñi qataq saishet da huo'o ca qarasouaxashet hueto'ot Ñim Lo'onatac 'Enauacna, yaqto' Ñimaye qomi' ỹaconegueta. Sho'oxorenaq Ñim Lo'onatac 'Enauacna qataq ñepogoxoinaqapegue' da qomi' qui'itte', shenaqta'am Ñimaye.

Hebreos 7:26

Qaq ỹoqo'oye So Jesús nacheso so 'oonolec da Lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna maye seuenaqtac. Cha'aye Somaye ỹataqta qui'itta, saishet da qauem da lataxac, qataq sa nauane' da huo'o ca lasouaxashet. Qaq Ñim Lo'onatac 'Enauacna nqateeguesop co'ollaxa na 'etaxaloxoicpi, nache tasheguema naqa'en ca hueta'a Ñimaye, nache ỹami' da ỹataqta ỹo'oxoraq, napacalec na laỹepi.

Hebreos 9:13

Ỹoqta 'eesa da la'amqaanataxanaxac na judiopi maye 'eeta': ca shiỹaxaua da nshepaxan da lataxac, nache saishet da ỹañoxot da ỹo'oxoren Ñim Lo'onatac 'Enauacna. Qalaxaye nataqa'en ishet da qui'itta da qaicoreleguete naua ltago'q ca quetaq llalec huo'otaq ca huaca llalec, huo'otaq da qaichegoxolec na alo maye chegaqaigui aca huaca llale maye qaỹavigaxat.