Números 19:7 - La'aqtaqa Ñim Lo'onatac 'Enauacna 2013

⁷ Qaq ime, nache so ntaxaỹaxanaxanec iỹoi' caua alogo qataq nachel, qaq da ime, nache ishet da ỹe'eguelaxaua'a ca qanayeetaña, qalaxaye ñaq saxanaxa da qui'itta ivitta'a da pe.

Números 19:7 Iomraidhean Croise

Levítico 11:24

Qaq 'ena na saishet qome da qami' qui'itte' naqa'en: Ca shiỹaxaua da ỹasheleua'a ca shiguiỹac leuaxaic, nache camaye iviraigui ca pe da saishet da qui'itta.

Levítico 11:25

Qaq da huo'o ca ỹacoosop ca 'oonolec na shiguiỹacpi da mashe leuaxaic, nache saishet da qui'itta iviraigui ca pe. Ỹoqo'oye camaye iuen da iỹoi' caua alogo.

Levítico 11:27

Nache 'enauac na shiguiỹacpi maye cuatro naua lapia'ate, qalaxaye dapiaxanalo naua lapia' lavi'illi, namayepi nataqa'en saishet da qui'itta. Qaq ca shiỹaxaua da ỹasheleua'a ca mashe leuaxaic ne'ena shiguiỹacpi, nache nataqa'en saishet da qui'itta iviraigui ca pe.

Levítico 11:28

Qaq ca ỹacoosop ca 'oonolec ne'ena shiguiỹacpi da mashe leuaxaic, nache nataqa'en saishet da qui'itta iviraigui ca pe. Qaq ỹoqo'oye camaye iuen da iỹoi' caua alogo.

Levítico 11:31

Qaq 'ena na shiguiỹacpiolec maye saishet da qui'itta. Qaq ca shiỹaxaua da ỹasheleua'a ca mashe leuaxaic ne'ena shiguiỹacpiolec, nache camaye saishet da qui'itta iviraigui ca pe.

Levítico 11:32

Qaq ca mashe leuaxaic ne'ena shiguiỹacpiolec maye saishet da qui'itta, da talec ca nogoxoshet 'epaq, nogoxot, nogoxoshet maye chegaqaigui na lo'oc na shiguiỹac, huo'otaq ca machaqca na no'onataxanaxatpi, nache camaye saishet da qui'itta iviraigui ca pe, qaq ỹoqo'oye camaye iuen da qaisheraxangui ca 'etaxat, qaq da ime nache qaltaq qui'itta.

Levítico 11:39

Qalaxaye da huo'otaq huo'o ca maiche ileu nam shiguiỹacpi maye ishet da qanallec, nache ca ipoteua'a camaye, nache saishet da qui'itta iviraigui ca pe.

Levítico 11:40

Qaq ca chec na lapat que'eca shiguiỹac maye maiche ileu, camaye iuen da iỹoi' caua alogo, qalaxaye saishet da qui'itta iviraigui ca pe, qataq ca ỹacoosop camaye, iuen da iỹoi' caua alogo qalaxaye saishet da qui'itta iviraigui ca pe.

Levítico 14:46

Qataq 'enauac ca huenoxonoigui que'eca nỹec da mashe damaxasoxoolec ca ntaxaỹaxanaxanec da qaỹapogui, nache camaye saishet da qui'itta ivitta'a ca pe.

Levítico 15:5

Ỹoqo'oye camachaqca shiỹaxaua da ipoteua'a ca lmala' que'eca sa no'oita, nache camaye iuen da iỹoi' caua alogo qataq nachel, qalaxaye camaye saishet da qui'itta ivitta'a da pe.

Levítico 22:6

nache camaye saishet da qui'itta ivitta'a da pe. Ỹoqo'oye camaye saishet qome da chec ca nachetaqtaxanaxat maye qoỹaneuo, da ñaq saxanaxa da nachel da yaqto' nỹola't.

Números 19:10

Nache que'eca shiỹaxaua maye laỹona't ca alo aca huaca, camaye iỹoi' nataqa'en caua alogo, qalaxaye saxanaxa da qui'itta ivitta'a da pe. Qaq 'era lataxac maye nache 'eetai' qome da ỹo'ottac na Israel le'ecpi, qataq ca chegaqauecpi maye ỹalectaigui namayepi.

Números 19:19

Qataq que'eca shiỹaxaua maye qui'itta da lataxac, camaye ichegoxolec nataqa'en ca shiỹaxaua maye saishet da qui'itta da lataxac, ca na'a'q tres qataq ca na'a'q siete. Qaq ca na'a'q siete nache mashe qui'itta naqa'en que'eca shiỹaxaua, qalaxaye que'eca shiỹaxaua maye saishet da qui'itta da lataxac iuen da iỹoi' caua alogo qataq nachel, qalaxaye saxanaxa da qui'itta ivitta'a da pe.

Números 19:21

Qaq 'era da qalapaxañi lataxac maye nache 'eetai' qome da qaỹo'ottac. Qaq que'eca shiỹaxaua maye qui'itta da lataxac maye dechegoxosoxona ca 'etaxat maye ishet da iỹouec ca nasouaxashet, camaye iuen qome da iỹoi' caua alogo. Qaq ca lỹa shiỹaxaua da ỹashelgui ca 'etaxat qui'itta maye iqui'itaxat da nataxac, camaye saishet da qui'itta'a ivitta'a da pe.

Números 19:22

Nache 'enauac na ipoteua'a que'eca shiỹaxaua maye saishet da qui'itta, nache nataqa'en saishet da qui'itta, qataq ca ipoteua'a camaye, nataqa'en saishet da qui'itta da lataxac ivitta'a da pe.»

Números 19:8

Qaq nataqa'en que'eca ỹavigaxat aca huaca, iỹoi' qome caua alogo qataq nachel, qalaxaye camaye saxanaxa da qui'itta ivitta'a da pe.

Hebreos 13:11

Som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, somaye iroua'a naua ltago'q na shiguiỹacpi aso togoshec no'onaxanaxaqui late'erai maye huaña da qaỹo'oxoren Ñimaye, da iỹaxanaua'a da qaỹapalaxat na nasouaxashetpi. Qalaxaye na lapat se'eso shiguiỹacpi maye qaỹalauat, qairoueegue da laỹe yem netaña na shiỹaxauapi, nache qaỹavigaxat.