Números 19:3 - La'aqtaqa Ñim Lo'onatac 'Enauacna 2013

³ Nache qami' qaỹa'añim qome so ntaxaỹaxanaxanec Eleazar, nache somaye ỹauegueega qome ca pa'auec ca qanayeetaña nanataqa', nache damaxasoxoolec da qaipelecot na lqosot acamaye qaq ỹauaachigui somaye.

Números 19:3 Iomraidhean Croise

Levítico 16:27

Qaq ca no'onañi lapat, qataq ca lo'oc, qataq na aloq ca huaca qataq ca quetaq, nache qaỹavigaxat qairouga ye no'onaxa qui'ittelec maye pa'aueege da laỹe ye qanayeuta'a.

Levítico 24:14

«'Auauegueuga qome na pa'auec ye nanataqa' maye qanayeuta'a que'eca shiỹaxaua maye isheuen da ỹe'enaxat. Nache 'enauac na shiỹaxauapi maye hua'aqchigui co'ollaxa, nache ỹashel-lec na lqaic camaye. Ime, nache ỹalauat ỹauota'a na coma' laỹe da ỹasaq.

Levítico 4:11

Qalaxaye ca lo'oc ca huaca, nache lỹaueegue' naqa'en 'enauac ca lapat qataq ca lqaic, qataq caua lapia'ate, qataq ca lauel le'ecpi qataq ca aloq,

Levítico 4:12

nache imauec camaye, da irouga ye no'onaxa qui'ittelec maye lcoraqa' naxa na alo, maye pa'aueegue da laỹe ye qanayeetaña, nache ỹasaxangui ca norec maye 'ettaigui.

Levítico 4:21

Ime, nache nqateeguesop nataqa'en ye nanataqa' maye qanayeeta'a ca huaca, nache irouec da ỹavigaxat, qataq nache ỹe'enaxatchigui da ỹavigaxat ca hua'auchiguiñi huaca. Cha'aye nachetaqtaxanaxat maye sa imauaq da qaỹavigaxat, yaqto' qaỹapalaxat ca npe'enaxac na ỹalecta'a't Israel le'ecpi.

Números 15:36

Nache so Israel le'ecpi ỹauegueuga somaye so pa'auec so qanayeuta'a, nache qairolec so coma'pi da qaỹasaq ivitta'a da ileu, qaq nache ipacchigui da lamaxasoxonaxac Ñim Nataxala' maye ỹamaxalec so Moisés.

Números 19:9

Qaq ca lỹa shiỹaxaua maye qui'itta da lataxac, laỹona't qome ca no'onañi alo aca'aca huaca maye qaỹavigaxat, nache ỹachaña ca qui'ittelec ca pa'auec que'eca nanataqa'. Qaq na Israel le'ecpi ỹaỹamaxat qome que'eca alo, yaqto' do'onataxana da qui'itta naqa'en ca 'etaxat, maye nachelaxat da huo'o ca qaiỹouec na lasouaxashetpi.

Números 3:4

qalaxaye so Nadab qataq so Abiú, ileu' co'ollaxa huaña so lanataqa' Ñim Nataxala', souaxat da deca'atoxoora so ỹaqa'a norec, maye saishet da qaỹamaxaleguete co'ollaxa, huaña ye toolec 'alhua ye Sinaí. Qaq soomaye qaica ca llale'c. Nache soua Eleazar qataq so Itamar ỹacooleguete da lo'onataxanaxa'c soomaye da ntaxaỹaxanaxanaqa, qalaxaye so lta'a Aarón, nache ilotegueto soomaye.

Números 5:2

«Qonapega qome na Israel le'ecpi da ca'ai naqa'en ca qanayeuta'a nanataqa', 'enauac na shiỹaxaua maye hueta'ac na nchega naqa'en na lo'oc, qataq na anactac na lli'i ñi logoxoshet, huo'otaq ca ipoteua'a ca leuaxaic.