Números 19:12 - La'aqtaqa Ñim Lo'onatac 'Enauacna 2013

¹² Nache camaye nqui'itaxaala't ca na'a'q tres, nachelgui que'eca 'etaxat, qaq ca na'a'q siete nache qui'itta. Qaq da huo'otaq saishet da nỹo que'eca na'a'q tres, nache camaye saishet da qui'itta da lataxac ca na'a'q siete.

Números 19:12 Iomraidhean Croise

Salmos 51:7

¡Aỹem 'auqui'itaxatta qome, aỹem 'aurolec ana nquetegaxanaqte hisopo yaqto' aỹem qui'itta! ¡Aỹem 'auỹo yaqto' aỹem qui'itta, nache ñapacalec da lapagaxa ana aloñi!

Éxodo 19:11

qataq naỹamaxatta'aguet ca lỹa na'a'q, cha'aye nache huaigui da Aỹem Nataxala' senotec qome, sachiguiña añi qasoxonaxa Sinaí, qaq Nachaỹem ỹauaachigui qome 'enauac ye shiỹaxauapi.

Éxodo 19:15

Nache so Moisés 'enapeco': «Qanaỹamaxacheetai' qome, yaqto' qami' lhuotte' qonte', qataq ca lỹa na'a'q, qataq saishet qome da huo'o ca hue'eguet aca 'alo».

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Oseas 6:2

Nache sa qaỹaloq qome da qomi' no'oite' naqa'en, qataq sa qaỹaloq qome da qomi' nauaxaỹaxaayeshegue'm da yaqto' ñachaataqto'ot Ñimaye.

Levítico 14:7

Ime, nache siete da ichegoxolec ca shiỹaxaua maye huec ca qauem nhuetaxanaxa da yaqto' qui'itta, nache ỹa'axatem da no'oita camaye. Qaq ca qoỹo maye ña nca'altauec, nache ỹaxanec da huaỹo.

Levítico 7:17

Qalaxaye da ivirauga ca na'a'q tres, da ñaq huo'o ca no'onañi lapat aca nachetaqtaxanaqte, nache camaye iuen da qaỹalat qataq qaỹavigaxat.

Números 31:19

Qataq 'enauac de'era qoñiita da huo'o ca dalaataxan, huo'otaq ỹasheltapigui ca leuaxaic, nache pa'atauga qome qanqa'eñi na pa'auec na qoñiitaña nanataqa' ivittrec caua siete na'axa'te. Qaq ca na'a'q tres, qataq ca na'a'q siete, nache qami' qataq na qoroxoñiqui, qanqui'itaxacheeta qome.

Hechos 15:9

Ñim Lo'onatac 'Enauacna saishet da qomi' lca'ataguilo, da yaqto' iỹotauga namayepi, cha'aye namayepi nataqa'en qaỹapalaxat na lasouaxashetpi co'ollaq ỹa'amaqten So Jesús.

Apocalipsis 7:14

Nache aỹem sasateguet somaye sheeta': –'Am ỹataxala', 'am maye 'auaỹaten. Nache somaye 'eeta': –«Qomye ne'ena, nachena nam saishet da ileu co'ollaq huaigui so lta'araic que'eenaxac ana 'alhua. Namayepi ỹataqta huo'o da lpi'iỹaxac Ñim Lo'onatac 'Enauacna. Qaq Ñimaye nache ỹapalaxat na lasouaxashetpi, chegoqchigui da l-leuaxa Ñi Qagueta Llalec.