Números 18:9 - La'aqtaqa Ñim Lo'onatac 'Enauacna 2013

⁹ Qaq na nachetaqtaxanaxatpi maye qaỹavigaxat, qaiỹotauga qome da 'am taỹot 'enauac na chegaqaigui na ala na nañiguishec, qataq na sa imauaq da qaỹavigaxat, qataq na nachetaqtaxanaxat da qaỹapalaxat ca nasouaxashet maye Aỹem ỹanot qome na Israel le'ecpi, qataq 'enauac na nachetaqtaxanaxatpi maye sa qaishetapec, namayepi 'aralamaxatpi qome qataq na 'aỹa'alaqpi.

Números 18:9 Iomraidhean Croise

Levítico 7:7

Qataq aca'aca nachetaqtaxanaqte maye sa imauaq da qaỹavigaxat qataq aca lỹa nachetaqtaxanaqte maye nataqa'en sa imauaq da qaỹavigaxat, caamaye, nache 'eeta'a't da llecỹaxa'c. Qataq que'eca ntaxaỹaxanaxanec maye ỹaneuo que'eca shiguiỹac, camaye nacheca ca taỹot acamaye.

Levítico 14:13

Qataq ipelecot na lqosot ca qagueta huaña naqa'en ye nalaataqa' na shiguiỹac maye qoỹaneuo da qaỹavigaxat. Qaq aca nachetaqtaxanaqte maye sa imauaq da qaỹavigaxat, nache lalamaqte ca ntaxaỹaxanaxanec. Qaq acamaye ỹataqta sa qaishetapec.

Levítico 4:27

Da huo'o ca 'oonolec ne'ena Israel le'ecpi da sa nanoma da huo'o ca npe'eelec nam lamaxasoxonaxacpi Ñim Nataxala', souaxat da ỹo'ot ca sa qaỹashen da qaỹo'ot, nache camaye huo'o ca lasouaxashet.

Levítico 4:22

Qaq da huo'otaq nataxala' que'eca npe'eelec na lqataxacpi Ñim Nataxala' maye Natamnaxala', souaxat da ỹo'ot ca sa qaỹashen da qaỹo'ot, nache camaye huo'o ca lasouaxashet.

Levítico 10:17

«¿Ta'ainco' ye saishet da huaigui ñi npe'l da qollequi aso nachetaqtaxanaqte maye sa imauaq da qaỹavigaxat? Ye asomaye ỹataqta sa qaishetapec, qataq Ñim Nataxala' qami' ỹanema da yaqto' qaỹapalaxat na lasouaxashetpi na Israel le'ecpi.

Levítico 7:1

Qaq 'era da llec aca nachetaqtaxanaqtepi maye sa imauaq da qaỹavigaxat, acamaye ỹataqta sa qaishetapec.

Levítico 5:6

Nache camaye ỹanot Ñim Nataxala' aca qagueta, huo'otaq quetaq da lachetaqtaxanaqte maye sa imauaq da qaỹavigaxat. Qaq 'era da 'eetec da ỹo'ot ca ntaxaỹaxanaxanec da yaqto' qaỹapalaxat ca ilamaxata'a lasouaxashet que'eca shiỹaxaua.

Levítico 5:1

Qaq da huo'o ca shiỹaxaua qaiỹaxana da yaqto' ỹa'axat cam nasouaxashet maye ỹauaachigui, huo'otaq hua'aqchigui co'ollaxa, qaq camaye da saishet da da'aqtaxan, nache camaye nque'etaxangui que'eca lasouaxashet.

Levítico 6:17

Qataq saishet da qaỹauot aca laỹepi aca'aca nachetaqtaxanaqte maye ỹaleeguet ana ỹasheeraxachigui ca ndaqñiguishec, cha'aye acamaye lalamaqte ñeua llalqa so Aarón. Qaq aca'aca laỹepi, acamaye ỹataqta sa qaishetapec, 'eeta'am aca nachetaqtaxanaqte maye sa imauaq da qaỹavigaxat.

Levítico 6:30

Qalaxaye saishet da ỹe'egueeta'a da chec aca nachetaqtaxanaqte maye sa imauaq da qaỹavigaxat maye mashe qairoua'a ñi npe'l ca ltago'q acamaye, cha'aye nachetaqtaxanaqte da yaqto' qaỹapalaxat ca nasouaxashet. Ỹoqo'oye acamaye iuen da ỹataqta imauec da qaỹavigaxat.

Levítico 7:6

Qaq 'enauac ca ỹalleppi maye ntaxaỹaxanaxanecpi ishet da chec acamaye. Qataq da chec, nache huaña ca ỹaqauga ye nqasoxoc ñi npe'l, cha'aye acamaye ỹataqta sa qaishetapec.

Números 18:10

Nache 'am qataq 'enauac na ỹalleppi, ishet qome da qollequi anamaye, qalaxaye huaña qanqa'eñi ye nqasoxoc ñi npe'l, cha'aye ỹataqta sa qaishetapec.

Ezequiel 42:13

Qaq se'eso shiỹaxaua aỹem 'enapega, 'eeta': «Yi'iye nỹecpi maye pa'aỹa'ague da sheu', qataq ye pa'aỹa'ague da taguiñi maye datateuga ye qasoxoc maye napotaua'a, yemayepi saqaishetapec. Qaq nache huaña yemaye da na ntaxaỹaxanaxanecpi maye nquigueua'a Ñim Nataxala', chec na nachetaqtaxanaxatpi maye saqaishetapec. Qaq nataqa'en nache ỹachaña ana nachetaqtaxanaqtepi ala na nañiguishec, qataq ana nachetaqtaxanaqtepi souaxat na nasouaxashetpi, qataq ana nachetaqtaxanaqtepi souaxat ca lỹa nasouaxashet, cha'aye yi'iye ndaqa' ỹataqta qui'itta.

Ezequiel 44:29

Namayepi, ishet qome da chectac nam ala na nañiguishec, maye Aỹem ỹanot na Israel le'ecpi, qataq na shiguiỹacpi maye qoỹaneuo da nachetaqtaxanaxatpi souaxat na nasouaxashetpi, qataq ca nachetaqtaxanaxat souaxat ca lỹa nasouaxashet. Qataq 'enauac qome nam iỹotauga na Israel le'ecpi da Aỹem ỹanot, nache lalamaxat qome namayepi.

Levítico 2:10

Qaq ca no'onañi laỹepi aca'aca nachetaqtaxanaqte maye chegaqaigui ana ala ca nañiguishec, nache taỹot ñi Aarón qataq na llalaqpi. Cha'aye aca'aca qaiỹotauga nachetaqtaxanaqte maye qaỹavigaxat da qoỹanot Ñim Nataxala', acamaye ỹataqta sa qaishetapec.

Levítico 6:19

Nache Ñim Nataxala' 'enapega so Moisés, 'eeta':

Levítico 22:7

Qaq da inoxooñi añi nala', nache camaye qui'itta. Ime, nache ishet da qaltaq chec ca nachetaqtaxanaxat maye qoỹaneuo, cha'aye maiche lalamaxat aloq.

Levítico 22:11

Qalaxaye ca ntaxaỹaxanaxanec da desheenaxana ca nlatac, ỹauota'a aca maiche alom, nache que'eca nlatac ishet da chec ca laỹe aca nachetaqtaxanaqte. Qataq ca lañoqo' ca lma' camaye, nataqa'en ishet da chec ca laỹe que'eca nallec.

Deuteronómio 18:1

Qaq na ntaxaỹaxanaxanecpi leviitapi, maye chegoxoguetpi so Leví, namayepi qaica qome ca taỹot da yaqto' lalamaxat, da 'eeta'am na laỹe Israel le'ecpi. Nachaqrata da taỹot ca nachetaqtaxanaxat maye qoỹanot Ñim Nataxala' da yaqto' lalamaxat.

2 Reyes 12:17

Qaq se'eso na'a'q, so Jazael maye nta'a ye Siria, taỹa co'ollaxa ye Gat da iloquiaxan nache loxonec. Qaq co'ollaq ime, nache qaltaq naỹamaxat da taỹa ye Jerusalén da iloquiaxan.

Nehemías 10:36

Nataqa'en seroxoua'a so ntaxaỹaxanaxanecpi so qara'auaxanec qoyalaqpi, da yaqto' qoỹanot Ñim Lo'onatac 'Enauacna. Nataqa'en seroxoua'a so la'auaxanec llalaqpi so qana'atetpi, huaca, qataq aso qagueta da yaqto' qaipacchigui da 'enapec naua nanettrañi nqataxaco.