Números 18:8 - La'aqtaqa Ñim Lo'onatac 'Enauacna 2013

⁸ Ñim Nataxala' 'enapega so Aarón, 'eeta': «Aỹem, 'am sepa'axana'aguet da 'aulotague' 'enauac na nachetaqtaxanaxatpi maye Aỹem qoỹanot. Nache 'enauac na qaiỹotauga nachetaqtaxanaxatpi maye Aỹem ỹanot na Israel le'ecpi, namaye 'am sanem qataq na 'aỹa'alaqpi da yaqto' qaralamaxache, qaq de'era lataxac nache 'eetai' qome.

Números 18:8 Iomraidhean Croise

2 Reyes 12:16

Qaq aso anom maye nachetaqtaxanaqte naxa da lasheue da qaỹapalaxat ca npe'enaxanaxac, qataq ca nasouaxashet, asomaye saishet da qairoua'a aso atamnaxaqui, cha'aye lalamaqte som ntaxaỹaxanaxanecpi.

2 Crónicas 31:4

Qaq nataqa'en 'enapega so shiỹaxauapi maye hueta'a ye Jerusalén, da ỹanem so ntaxaỹaxanaxanecpi, qataq so leviitapi aso ntaunaqte naqa'en somayepi da yaqto' nalemaqte' da ỹo'ot nam lqataxacpi Ñim Nataxala'.

2 Crónicas 31:5

Qaq co'ollaq mashe qaỹaỹaten se'eso namaxasoxonaxac, nache so Israel le'ecpi ỹataqta lhuotta da ỹan so no'on la'auaxanec ala so lañiguishec trigo, lataxa, aceite, dapic lli'i, qataq 'enauac so laỹepi maye qaỹachegoxotalec so no'onaxa. Nataqa'en qalota aso irouo ndiezmo maye ỹachegoxotaigui ana ala so lañiguishecpi.

Éxodo 28:43

yaqto' ñi Aarón qataq ñeua llalqa, nache ỹaatrañi caamaye da taua'alo ca npe'l maye huaña qome da nauaare' Ñim Nataxala', huo'otaq da taua'alo aca nca'atoxonaxalate da ỹacooleguete da lo'onataxanaxa'c, yaqto' qaica ca ne'enaxa'c qataq saishet da ileu'. Qaq 'era da chochaq tatec namaxasoxonaxac maye qoỹanem ñi Aarón, qataq cam chegoxoguetpi.»

Éxodo 29:21

Qaq ca no'onañi que'eca ntago'q, nache 'aucorot na pa'aguiñi aca nca'atoxonaxalate, qataq 'auacona ca laỹolec ca aceite, nache 'achegoxolec na lqaic ñi Aarón qataq caua alogo, qataq ñeua llalqa qataq caua alogo. Cha'aye seỹotaugalo da Aỹem do'onataxanoto.

Éxodo 29:28

Qaq damaye lalamaxat qome ñi Aarón qataq ñeua llalqa. Qaq 'era qome da chochaq tatec lataxac, qataq llec aca nachetaqtaxanaqte maye qaỹamaxalec na Israel le'ecpi. Qaq 'enauac aca'aca nachetaqtaxanaqte da nhuaachigui qome da ỹan na Israel le'ecpi, acamaye qoỹaasheguem da qoỹanot Ñim Nataxala'.

Éxodo 29:29

Qaq que'ecaua alogo da ntaxaỹaxanaxanec ñi Aarón, nache talec qome ca chegoxoguetpi qom ivita da talec da lo'onataxanaxac da ntaxaỹaxanaxanec.

Éxodo 40:13

qaq ñi Aarón nache 'auamaxalec da ỹaayiñi caua alogo da ntaxaỹaxanaxanec. Ime, nache 'aucorelec ca ncoraxanaxat yaqto' 'anagui da lo'onataxanaxac da itaxaỹaxanaxanec.

Éxodo 40:15

Nache 'aucoreleguete nataqa'en ca ncoraxanaxat, nache qoneteguema 'anqa'en ñi Aarón, da yaqto' itaxaỹaxanaxanqa. Qaq de'era 'eetec da qaicoreleguete ñiimaye, nachera da chochaq tatec llecỹaxac qome cam chegoxoguetpi.»

Isaías 10:27

Qaq que'eca na'a'q nache 'am ñeqateeguesop qome, nam qapa'atta 'aya'ac maye huetalec na 'arallac, qataq sacagaxachigui qome na nauegaxanaxaqui 'epaq maye huetalec na 'arana'q.

Levítico 21:10

Qaq ca lataxala' na ntaxaỹaxanaxanecpi maye qoỹami' da ỹataqta huo'o da 'enec da ỹaayiñi caua alogo na ntaxaỹaxanaxanec, chegoqta'a co'ollaq qaicorelec na lqaic ca aceite, nache camaye saishet da isotagui na laue, qataq saishet da colaqta'ape naqa'en caua alogo da yaqto' la'anaxat ca lasouaxac.

Levítico 23:20

Qaq ca ntaxaỹaxanaxanec, nache ỹaayishegue'm da ỹaareuo que'ecaua qagueta llalqa, da nachetaqtaxanaqa'ate da huaña ye lanataqa' Ñim Nataxala', qataq lỹateuo naqa'en aca nauole 'ayiiña maye chegaqaigui aca la'auaqteguishe ala ca nañiguishec, qataq caua dos qagueta llalqa. Nache ỹanoto Ñim Nataxala'. Ime, nache taỹot ca ntaxaỹaxanaxanec.

Levítico 6:16

Qaq ca no'onañi laỹepi aca'aca nachetaqtaxanaqte, nache qoỹanem da chec ñi Aarón qataq ñeua llalqa. Qalaxaye saishet da che'c aca huo'o aca lalegue maye ỹasheeraxachigui ca ndaqñiguishec, da huaña ca ỹaqauga ndaqa' ye nqasoxoc ñi npe'l.

Levítico 6:18

Qataq 'enauac na llalaqpi ỹalleppi ñi Aarón, ishet da chec acamaye. Qaq 'era qome da nache 'eetai' lataxac da qoyecỹaxaqui, na qaỹa'alquipi qataq ca qami' chegoxogueta, da qaỹo'ot aca nachetaqtaxanaqte maye qaỹavigaxat da qoỹanot Ñim Nataxala'. Qalaxaye 'enauac ca ỹaqauga, saishet da ipoteua'a, cha'aye acamaye sa qaishetapec.»

Levítico 6:20

«Qaq da ivita ca na'a'q da qoỹanaguilo da lo'onataxanaxa'c ñi Aarón qataq ñeua llalqa, nache ñiimaye ỹaarot qome Ñim Nataxala' ca lachetaqtaxanaxa't, ỹauotra'a dos kilos ca lsoche ana ala ca nañiguishec, nache ỹaareuo ca 'oonolec laỹe ca nte'eta, qaq ca lỹa laỹe qalaq ỹaareuo ca avit. Qaq 'era da 'eetra'ac qome 'enauaque naua na'axa'te.

Levítico 6:26

Qaq que'eca ntaxaỹaxanaxanec maye ỹaneuo que'eca shiguiỹac maye sa imauaq da qaỹavigaxat, camaye nacheca ca ishet da chec ca laỹe camaye, qalaxaye nache hueta'a ye ỹaqauga nqasoxoc ñi npe'l.

Levítico 7:14

Qaq nache 'enauac acamayepi, ñi 'oonolec laỹe qaỹacona da qoỹaasheguem da qoỹanot Ñim Nataxala', qataq nache taỹot ca ntaxaỹaxanaxanec maye ichegoxouec ca ltago'q ca shiguiỹac nachetaqtaxanaxat maye qanhuaachigui.

Levítico 7:28

Nache Ñim Nataxala' 'enapega so Moisés, 'eeta':

Levítico 7:6

Qaq 'enauac ca ỹalleppi maye ntaxaỹaxanaxanecpi ishet da chec acamaye. Qataq da chec, nache huaña ca ỹaqauga ye nqasoxoc ñi npe'l, cha'aye acamaye ỹataqta sa qaishetapec.

Levítico 8:30

Ime, nache so Moisés ỹacona aso laỹe' so aceite maye ncoraxanaxat da huo'o na qaicorelec, qataq aso laỹe' so ntago'q maye netaleguete aso nca'atoxonaxalate, nache ichegoxoleguete soua Aarón qataq soua llalqa, nataqa'en soua alogo so ntaxaỹaxanaxanec da qaitaxaỹapegue' Ñim Nataxala'. Qaq 'era da 'eetec co'ollaxa da qoỹaneuo da ntaxaỹaxanaxanec so Aarón, qataq soua llalqa da yaqto' qui'itta da lataxa'c qataq soua alogo.

Números 18:9

Qaq na nachetaqtaxanaxatpi maye qaỹavigaxat, qaiỹotauga qome da 'am taỹot 'enauac na chegaqaigui na ala na nañiguishec, qataq na sa imauaq da qaỹavigaxat, qataq na nachetaqtaxanaxat da qaỹapalaxat ca nasouaxashet maye Aỹem ỹanot qome na Israel le'ecpi, qataq 'enauac na nachetaqtaxanaxatpi maye sa qaishetapec, namayepi 'aralamaxatpi qome qataq na 'aỹa'alaqpi.

Números 5:9

Qataq 'enauac aca qaiỹotauga nachetaqtaxanaqtepi maye ỹaneuo na Israel le'ecpi, acamaye qairoua'a ca ntaxaỹaxanaxanec da yaqto' lalamaqte.

1 Corintios 9:13

Qami' qauaỹaañi da na do'onataxaategueua'a añi no'onaxanaxaqui late'erai, namayepi chectac na nallec maye lalamaxat añi no'onaxanaxaqui. Dam ỹoqta sheetega 'eeta': nam huetapegue' añi nca'atoxonaxalate da ỹavigaxattac na nachetaqtaxanaxat huaca lapat, namayepi chectac na qaiỹotauga lapat.

Deuteronómio 12:11

Nache cam nanataqa' maye lca'ateua'a Ñim Nataxala' da yaqto' huaña da qanauane' Ñimaye, nacheca qome ca qaroiua'a 'enauac na qami' samaxaleguete: nachetaqtaxanaxat qaỹavigaxatta, nachetaqtaxanaxat shiguiỹac, qataq ana diezmopi, qataq aca nachetaqtaxanaqte maye chegaqaigui da qaro'onataxanaxaqui, qataq aca qauachaxañiỹapec da qaỹa'añiỹot Ñim Nataxala'.

Deuteronómio 12:6

Nache camaye nacheca qome ca qairoua'a ca nachetaqtaxanaxat qaỹavigaxatta, qataq ca nachetaqtaxanaxat shiguiỹac, qataq aca diezmopi, qataq aca maiche chegoqchigui da qoỹan, qataq ca la'auaxanec llalec ca 'atetpi, huacapi qataq aca qaguetapi.

Deuteronómio 18:1

Qaq na ntaxaỹaxanaxanecpi leviitapi, maye chegoxoguetpi so Leví, namayepi qaica qome ca taỹot da yaqto' lalamaxat, da 'eeta'am na laỹe Israel le'ecpi. Nachaqrata da taỹot ca nachetaqtaxanaxat maye qoỹanot Ñim Nataxala' da yaqto' lalamaxat.

Deuteronómio 26:13

nache hua'aqchigui 'anqa'en Ñim Nataxala' maye 'Anatamnaxala', da 'anasaxauec ca 'ara'aqtac, 'eeta': Aỹem mashe seỹotauga 'enauac na chegaqaigui na ỹañiguishecpi da yaqto' 'am sanot, nache sanem na leviitapi, qataq na chegaqauecpi, qataq na saploqpi, qataq ana pa'aipi. Nache ỹataqta sepacchigui 'enauac na aỹem 'auamaxalec da so'ot qataq saishet da huo'o ca secoua'ai na 'aramaxasoxonaxacpi.

Hebreos 1:9

Qataq 'anqopita da 'auo'ot ca ỹaỹamaqchiguiñi, qataq ỹataqta sa 'auaỹamaxaren da 'auo'ot ca sa ỹaỹamaxañi. Ñim Lo'onatac 'Enauacna 'am ỹanagui da nta'a lauotaxat, ¡Nta'a maye ỹataqta lta'araic da lamaicỹaxac ana 'alhua!»

1 Juan 2:20

Qalaxaye So Cristo maye Llalec Ñim Lo'onatac 'Enauacna qami' nqateeguesopa ana 'alhua, nache qami' ỹanema So Saqcha'a Na'añaxac Qui'itta, nache 'enauac da qoñiita, qauauattoñiita da 'eesa lataxac.

1 Juan 2:27

Qalaxaye qami' mashe qami' netanguita So Saqcha'a Na'añaxac Qui'itta, som chegoqchigui naqa'en So Cristo da qami' nqateeguesopa ana 'alhua. Qaq ỹoqo'oye saishet da iuen da huo'o ca qami' ỹapaxague'n, cha'aye So Saqcha'a La'añaxac Ñim Lo'onatac 'Enauacna maiche qami' ỹapaxagueneque 'enauac na lataxaguesat. Qaq nam qami' ỹapaxagueneque Somaye, saishet da choche natenataxanaxac, nachaqrata da ỹataqta 'eesa. Qaq ỹoqo'oye qauo'oche nam qami' ỹapaxagueneque So Saqcha'a Na'añaxac Qui'itta, qataq nache 'eetai' da qana'ayeetaua'a So Cristo.