Números 18:5 - La'aqtaqa Ñim Lo'onatac 'Enauacna 2013

⁵ Cha'aye ndotrec qami' da qauloitague' qome 'enauac na sa qaishetapec qataq añi nca'atoxonaxalate. Yaqto' saishet da talec ca nhuaxanaguec na Israel le'ecpi.

Números 18:5 Iomraidhean Croise

1 Crónicas 23:24

Qaq se'esopi nacheso som chegoxoguetpi so Leví, ỹataqtac som chegoxoguet lta'alpi co'ollaq qoỹerelec aso ne'enaxat lmalate da yaqto' lataxala' nam maiche llalaqpi, maye napactelec ye veinte vi'iye da nachaalataxac. Qaq somayepi, nacheso som huetague' na no'onatacpi aso atamnaxaqui maye lalamaqte Ñim Nataxala'.

1 Crónicas 23:32

Qaq somayepi nataqa'en ilotague' so npe'l maye naỹonqa', qataq so ndaqa' maye sa qaishetapec, qataq da ỹo'ottac na no'onatacpi da huaña aso atamnaxaqui, nache ntaueetague' som lqaỹañecpi maye chegoxoguetpi so Aarón.

1 Crónicas 24:5

Qaq co'ollaq qanaloqchiiñi somayepi, nache maicheye ñim taalec da lo'onataxanaxac, qaq cha'aye som chegoxoguetpi so Eleazar, qataq som chegoxoguetpi so Itamar, huo'o som taalecpi da nataxala'pi da huapegue' so ndaqa' maye sa saishetapec, qataq so 'amaqtaqaicpi nataxala'pi aso atamnaxaqui maye lalamaqte Ñim Lo'onatac 'Enauacna.

1 Crónicas 9:19

Qaq so Salún, som llalec so Coré, maye llalec so Eliasaf, som llalec so Coré, qataq som lauo' le'ecpi coreiitapi, somayepi nacheso som ilotague' yem ñegueuo so npe'l maye naỹonqa', qaq nache 'eeta'am co'ollaxa som hua'au lta'alpi da ilotague' so ñegueuo som lanataqa' Ñim Nataxala'.

1 Crónicas 9:23

Qaq somayepi qataq so llalaqpi, nacheso so lasom lo'opi, qataq nmeeta'a't da ilo'ogue som ñegueuo asom atamnaxaqui maye lalamaqte Ñim Nataxala'.

1 Crónicas 9:33

Qaq nataqa'en huo'o so 'onaxanaxaicpi, maye lataxala'pi se'eso nhuo' le'ecpi leviitapi, som hueta'a naxa se'eso nỹecpi asa'aso atamnaxaqui. Qaq somayepi nache saishet da ỹacootegueua'a nam laỹepi no'onatacpi, cha'aye ye na'a'q qataq ye pe, nache huetague' da maiche lo'onataxanaxac.

Éxodo 27:21

Qaq so Aarón qataq soua llalqa nache huapegueto da yaqto' nache 'eetai' da 'ettaigui ye na'a'q qataq ye pe aca ncoỹaraxanaxaquipi maye netaña ca pa'aueegue da laỹe ca netaña aca laỹe' caua aỹamaxataxaco. Qaq 'era qome, da nache 'eetai' lataxac da ipacchigui da ỹo'ot na Israel le'ecpi, qataq cam chegoxoguetpi qome».

Jeremías 23:15

Qaq ỹoqo'oye, Aỹem Nataxala' maye qaica ca Seqalanapec, 'era da ỹa'aqtac da sataỹa'aguet ne'ena na'aqtaxanaxanecpi. Aỹem sequia'axanec qome ca nallec maye ỹataqta chem, qataq ñeỹomaxangui ca 'etaxat maye huo'o lalegue maye qanlem, cha'aye chegoqchigui na na'aqtaxanaxanecpi na Jerusalén da laguelec 'enauac ne'ena 'alhua da qauem.»

Ezequiel 44:15

Na ntaxaỹaxanaxanecpi leviitapi maye chegoxoguet so Sadoc, nam queto'ot co'ollaxa da Aỹem do'onataxaatacot da huaña aso ỹalamaqte atamnaxaqui, co'ollaq na Israel le'ecpi ca'ai da ñeqa'aicỹaxac, namayepi ishet da Aỹem naua'a da Aỹem do'onataxanot. Namayepi ishet da aỹem nachaateua'a da Aỹem ỹanot na lcheta, qataq na ltago'q nam nachetaqtaxanaxatpi. Qaq 'era da ỹamaxasoxonaxac Aỹem Nataxala'.

Ezequiel 44:16

Nataqa'en ishet qome da huenoxonoigui aca ỹalamaqte atamnaxaqui qataq nquigueua'a aca ỹalamaqte nca'atoxonaxalate da Aỹem do'onataxanot, qataq nache huetague' qome nam ỹo'onataxanaxacpi.

Levítico 10:6

Ime, nache so Moisés 'enapega so Aarón qataq soua no'oirañi llalqa, Eleazar qataq so Itamar, 'eeta': «Qami' saishet da huesotagui qanqa'eñi na qaravi, qataq da qaucolaxachiỹa'aguelo naua qorogolli' da la'anaxat da qarasouaxaqui, yaqto' saishet da qaullivi, cha'aye saishet da ivirauga na laỹe Israel le'ecpi da layeloxo Ñim Nataxala'. Nacherata da huo'o da 'eeta namayepi souaxat yeua lauo' lashe', cha'aye Ñim Nataxala' Nacheñi Ñim anacot so norec.

Levítico 24:3

Qaq ñi Aarón nacheñi ñi huapegue' qome da ỹaỹamaxaañi ayemayepi, da yaqto' palom 'ettaigui da netaigui ñi npe'l, ye npa'auec ñi napoxonaxat maye netaña añi arca maye laỹe' naua ñaỹamaxataxaco. Qaq 'era qome da nache 'eetai' lataxac da qoyecỹaxaqui qataq cam qami' chegoxogueta.

Zacarías 10:3

Qaq ỹoqo'oye Ñim Nataxala', 'enapec: «Aỹem ỹataqta 'eroigui, da ỹalemataic souaxat da salemataỹa na qagueta lo'opi, qataq sauo'o qome ca nhuaxanaguec na lataxala'pi na ỹalamaxat nhuo' le'ecpi.» Qaq Ñim Nataxala' maye Qaica ca Ỹaqalanapec, maye ilotague' ana lalopi, maye nachena nam chegoxoguet so Judá. Ñimaye ỹo'otec qome namayepi, da 'eeta'am da la'añaxac ca caaỹo maye alaataxala'.

Números 1:50

Nacherata da 'anem qome da ilo'ogue ca npe'l, maye huetaigui aca laỹe da aỹamaxataxac, qataq 'enauac na logoxoshetpi, qataq ca lalamaxatpi camaye. Qataq namayepi nachena na ỹachetac qome ca logoxoshetpi da qalachaxan que'eca npe'l, qataq huapegue' que'eca nanataqa'. Qataq nache netañalo naua loiguiye camaye da nauaatalec.

Números 1:53

Qaq na leviitapi, nache neta'asop qome naua loiguiye que'eca npe'l, maye netaigui aca arca maye laỹe' da aỹamaxataxac. Nache nauaatalec que'eca npe'l, yaqto' Ñim Nataxala' saishet da dalemataỹa na Israel le'ecpi.»

Números 16:46

Nache so Moisés 'enapega so Aarón, 'eeta': 'Auacona aca nchenaxanaxat laỹe', nache 'auachangui aca poqo maye chegaqalec añi nca'atoxonaxalate, qataq 'auachangui ca nchenaxanaxat, nache 'anqalgoqta'a qome ye hueta'a da lapoota'a't shiỹaxauapi, nache 'auo'ot ca 'archenaxanaxat da yaqto' qaỹapalaxat na lasouaxashet, ten mashe ỹapacauec da layeloxo Ñim Nataxala', nache talec naqa'en da nhuaxanaguec damayepi.

Números 18:4

Nache namayepi 'am itauan qome da 'auo'ottac na no'onataxanaxacpi da qonetaña ñi npe'l, qataq na laỹe no'onataxanaxacpi. Qalaxaye saishet da qami' taua'alo ca chegaqauec shiỹaxaua.

Números 4:18

«Saishet qome da qauashiñi da imeuo na maiche nalamaxat nhuo' le'ecpi, maye chegoxoguet so Quehat, da ỹalectaigui na leviitapi.

Números 8:19

Nache ne'ena leviitapi, sanem ñi Aarón qataq na llalaqpi, 'eeta'am ñaqa'en da lachetaqtaxanaqte na Israel le'ecpi, da yaqto' ỹo'ot na no'onatacpi ñi npe'l maye naỹonqa', qataq da qaỹapalaxat na lasouaxashet na Israel le'ecpi. Yaqto' saishet da huo'o ca huaigui qauem na Israel le'ecpi da nqo'oneua'a ñi npe'l.»

Números 8:2

«Qonapega ñi Aarón, da ivita da ỹe'eraxatoigui ñeua siete ncoỹaraxanaxaquipi, nache natatec naqa'en.»

1 Timoteo 1:18

'Am ỹalec Timoteo, 'am sami' da iqataxac, cha'aye ñeshetaique da qoquetalec dam na'aqtac maye 'am qoỹami' so lỹa na'a'q chegoqo'ot Ñim Lo'onatac 'Enauacna. Qaq ỹataqta 'aupacchigui damaye da 'aloclec qoneta'am ca no'on ale maye ỹaỹaten da l-loquiaxac.

1 Timoteo 3:15

yaqto' da aỹem lcopa'aguet, qalaxaye mashe lhuotta da 'auaỹaten ca lataxac ca 'oonolec nam llalaqpi Ñim Lo'onatac 'Enauacna, maye nachena nam ỹa'amaqten Ñim Lo'onatac 'Enauacna maye ỹataqta nca'altauec. Namayepi nachena na nlletañi qataq npaxattalec da 'eesa lataxac.

1 Timoteo 5:21

Da iqataxac maye 'am sami' nagui ỹataqta qomi' ỹauaachiguilo Ñim Lo'onatac 'Enauacna qataq So Qarataxala' Jesucristo, nataqa'en na chegaqasheguem lamaxashecpi maye lca'aguishecpi Ñim Lo'onatac 'Enauacna. Ỹataqta 'aualaxaleco' qome da iqataxac. Saishet da huo'o ca 'amatalec da 'arauotaxat, qataq saishet da 'alca'agui na shiỹaxauapi.

1 Timoteo 6:20

'Am Timoteo, ỹataqta 'ampogoxoinapegue' da 'auaỹamaxatchiguiñi da 'aro'onataxanaxac. Saisheto' da 'ana'axaỹaxaategalo naua ltaxaỹaxaco nam saishet da ỹa'amaqten So Jesucristo, qataq saishet da 'auqocha'a nam dataỹa'agueta qataq quetapegueleguete naua qarapaxaguenataxanaxaco. Ne'ena shiỹaxauapi 'eetega da ỹaỹaten dam 'eesa lataxac,