Números 18:2 - La'aqtaqa Ñim Lo'onatac 'Enauacna 2013

² Nataqa'en 'aỹaxana qome nam laỹe 'arhuo' le'ecpi maye chegoxoguet so Leví, maye nataqa'en chegoxoguet so 'arta'a, da yaqto' 'am itauan qataq naua 'aỹa'alqa da qauo'ocheetac na no'onatacpi ñi npe'l maye netaña añi arca maye laỹe' da aỹamaxataxac.

Números 18:2 Iomraidhean Croise

Génesis 29:34

Qaq ime co'ollaxa nache qaltaq huo'o so llalec, nache ỹanagui da le'enaxat Leví, cha'aye 'enapeco': «Nagui so ihua ỹataqta aỹem ỹauotec, cha'aye mashe tres naua llalqa.»

2 Crónicas 30:16

Qaq ime, nache somayepi naña so maiche lo'onataxanaqa'pi, nache ipacchigui da lataxac da lo'onataxanaxac maye ỹalectaigui so lqataxacpi so Moisés, maye lamaxashec Ñim Lo'onatac 'Enauacna. Qaq som ntaxaỹaxanaxanecpi nache iquetegaxaalec aso nca'atoxonaxalate na ltago'q so shiguiỹacpi maye irotegueuo som leviitapi.

Ezequiel 44:11

Namayepi iuen da huetague' qome añi ỹalamaqte atamnaxaqui da nauaatalec na lasompi, qataq na laỹepi no'onatacpi añi atamnaxaqui, qaq nachena namayepi da ỹalauattac qome ca shiguiỹacpi, maye qoỹaneuo da nachetaqtaxanaxatpi qaỹavigaxatta, qataq cam ỹaneuo na nhuo' le'ecpi da lachetaqtaxanaxat, qataq nataqa'en iuen da lhuotta namayepi da huapegue' na nhuo' le'ecpi.

Ezequiel 44:15

Na ntaxaỹaxanaxanecpi leviitapi maye chegoxoguet so Sadoc, nam queto'ot co'ollaxa da Aỹem do'onataxaatacot da huaña aso ỹalamaqte atamnaxaqui, co'ollaq na Israel le'ecpi ca'ai da ñeqa'aicỹaxac, namayepi ishet da Aỹem naua'a da Aỹem do'onataxanot. Namayepi ishet da aỹem nachaateua'a da Aỹem ỹanot na lcheta, qataq na ltago'q nam nachetaqtaxanaxatpi. Qaq 'era da ỹamaxasoxonaxac Aỹem Nataxala'.

Malaquías 2:4

Qaq huaña qome, nache qauaỹacheñi da nache Aỹem maye qami' sanema de'era namaxasoxonaxac da yaqto' de'era ñaỹamaxataxac, co'ollaq ñaỹamaxate' so Leví, nache 'eetai' qome. Qaq 'era da la'aqtac Ñim Nataxala' maye Qaica ca Ỹaqalanapec.

Números 1:53

Qaq na leviitapi, nache neta'asop qome naua loiguiye que'eca npe'l, maye netaigui aca arca maye laỹe' da aỹamaxataxac. Nache nauaatalec que'eca npe'l, yaqto' Ñim Nataxala' saishet da dalemataỹa na Israel le'ecpi.»

Números 16:40

yaqto' so Israel le'ecpi saishet da icoua'ai de'era, da ca chegaqauec shiỹaxaua da saishet da chegoxoguet so ntaxaỹaxanaxanec Aarón, nache saishet da ỹo'ot ca nchenaxanaxat da ỹanot Ñim Nataxala', cha'aye ishet da 'eeta'am da huaigui so Coré qataq so laỹepi. Cha'aye nache la'aqtac Ñim Nataxala' co'ollaq hueqattega so Moisés.

Números 17:7

Nache so Moisés ỹachaña ye lanataqa' Ñim Nataxala' asomayepi, so npe'l maye huaña naxa da qanauane' Ñimaye.

Números 18:4

Nache namayepi 'am itauan qome da 'auo'ottac na no'onataxanaxacpi da qonetaña ñi npe'l, qataq na laỹe no'onataxanaxacpi. Qalaxaye saishet da qami' taua'alo ca chegaqauec shiỹaxaua.

Números 3:5

Nache Ñim Nataxala', 'enapega co'ollaxa so Moisés, 'eeta':

Números 4:15

Nache ñi Aarón qataq ñeua llalqa, da ime da laỹona't 'enauac cam nogoxoshetpi maye sa qaishetapec, nache na Israel le'ecpi ishet da jec, nache anac na chegoxoguet so Quehat da ỹache 'enauac ca nogoxoshetpi. Qalaxaye saishet da ỹasheleua'a ca camachaqca que'eca nogoxoshetpi maye sa qaishetapec, yaqto' saishet da ileu. Qaq 'enauac que'eca logoxoshetpi que'eca npe'l maye naỹonqa', da nachena nam chegoxoguetpi so Quehat nam ishet da ỹache camaye.

Números 8:19

Nache ne'ena leviitapi, sanem ñi Aarón qataq na llalaqpi, 'eeta'am ñaqa'en da lachetaqtaxanaqte na Israel le'ecpi, da yaqto' ỹo'ot na no'onatacpi ñi npe'l maye naỹonqa', qataq da qaỹapalaxat na lasouaxashet na Israel le'ecpi. Yaqto' saishet da huo'o ca huaigui qauem na Israel le'ecpi da nqo'oneua'a ñi npe'l.»

Números 8:22

Nache co'ollaq ime de'era, nache so leviitapi, taua'a so npe'l maye naỹonqa' da yaqto' ỹacoolec da lo'onataxanaxac, qaq so Aarón qataq so llalaqpi ilotague' da lo'onataxanaxac somayepi. Nache qaipacchigui da lamaxasoxonaxac Ñim Nataxala' maye ỹamaxalec co'ollaxa so Moisés.

Hebreos 9:6

Qaq 'era da 'eetec da lataxac se'eso npe'l. So ntaxaỹaxanaxanecpi ima'ape naua na'axa'te da huenoxootegueua'a ye ndaqa' maye qui'itta, da ỹo'oxoren Ñim Lo'onatac 'Enauacna.