Números 16:9 - La'aqtaqa Ñim Lo'onatac 'Enauacna 2013

⁹ ¿Peta'a saq 'amaqtaq qanqa'eñi da qami' ỹo'oteque Ñim Nataxala', da qami' ỹachegoxottoiguilo na laỹepi Israel le'ecpi da ỹataqta qami' iỹotaugalo, da yaqto' saqaỹapeque Ñimaye, qataq da qauo'ocheetac na no'onatacpi da huaña ñi npe'l, qataq da qauloitapeeguet ne'ena nhuo' le'ecpi?

Números 16:9 Iomraidhean Croise

Génesis 30:15

Qalaxaye aso Lea, 'enapeco': «¿'Aupi'itaxano' peta'a da saq quia'aq da 'auotaxanec so ihua? ¡Nagui qataq 'anshetaique da 'auotaxanec ana ala ana mandrágoras maye ndouo so ỹalec!» Nache aso Raquel, 'enapeco': «Ne'ena pe, so Jacob 'am lauañi' qome, qalaxaye naiguet aca 'oonole ana mandrágoras maye ndouo so 'aỹa'alec.»

2 Samuel 7:19

¡Qataq 'eeta'amo' da qaica ca la'amaqchec de'era qonapec 'Am Nataxala', cha'aye nataqa'en 'aua'axata'a da lo'onataxanaxac qome na llalaqpi ne'ena 'aramaxashec! ¡'Am Nataxala', ỹataqta qaica ca ishet da 'eetec de'era na shiỹaxauapi!

2 Crónicas 35:3

Qaq nataqa'en so leviitapi maye ỹapaxagueetac so Israel le'ecpi, qataq mashe nañan da do'onataxanot Ñim Nataxala' ỹanem somayepi dam lapaxaguenataxanaxac, 'eeta': «Añi arca maye sa qaishetapec, qauachiỹaigui qome añi atamnaxaqui maye lo'onata co'ollaxa so Salomón, som llalec so David, maye nta'a na Israel. Yaqto' nache tachiguiña da qauachiitaleguete naua qarallacolli' da qauachiitac. Nagui nache qanalemaqaite' da qauo'onataxañiỹot Ñim Nataxala' qataq na Israel le'ecpi, nam nhuo' maye lalamaxat Ñim Nataxala'.

Nehemías 12:44

Qaq se'eso na'a'q nache huo'o so qalca'aua'api shiỹaxauapi da ilo'ogue so naỹamaqtaxaqui so qoỹaneuo nachetaqtaxanaxatpi, maye la'auaxanec ala so nañiguishec qataq aso diezmo da yaqto' qaỹachaigui somaye, yaqto' qaipacchigui da lataxac som qoỹaneuo maye chegaqa'a so huaqta'a't nỹecpi da yaqto' qoỹanem so ntaxaỹaxanaxanecpi qataq so leviitapi. Qaq so netaña ye Judá ỹataqta machiguiñi souaxat de'era lo'onataxanaxac so ntaxaỹaxanaxanecpi qataq so leviitapi.

Isaías 7:13

Qaq huaña nache so Isaías, 'enapec: «Aỹem qana'axaỹaxañiỹa nagui, qami' llalaqpi so David! ¿Peta'a qaupi'itaxañiitega da saq 'amaqtaq da sa qaualemaxache na shiỹaxauapi, ye nataqa'en huotaique da sa qaualemaxache Ñim Ñatamnaxala'?

Ezequiel 34:18

Qami' qalavilỹa da qolliquiitac na no'on 'auaqpi, qalaxaye nataqa'en qauapigui nam no'onañi 'auaqpi. Qataq qalavilỹa da qanỹomigui na chañi 'etaxat, qalaxaye nataqa'en qaumalaxache, qaroita'alo naua qarapia'achilli'.

Ezequiel 44:16

Nataqa'en ishet qome da huenoxonoigui aca ỹalamaqte atamnaxaqui qataq nquigueua'a aca ỹalamaqte nca'atoxonaxalate da Aỹem do'onataxanot, qataq nache huetague' qome nam ỹo'onataxanaxacpi.

Números 1:53

Qaq na leviitapi, nache neta'asop qome naua loiguiye que'eca npe'l, maye netaigui aca arca maye laỹe' da aỹamaxataxac. Nache nauaatalec que'eca npe'l, yaqto' Ñim Nataxala' saishet da dalemataỹa na Israel le'ecpi.»

Números 16:13

Peta'a ¿'Aupi'itaxaatega da saq 'amaqtaq da 'auo'ot, da qomi' 'anqateeguesopa ye 'alhua maye chochaq huañi na huaca lche', qataq na te'esaq lli'i, nache qomi' 'anauegalo na toolec 'alhua, da yaqto' seleuaqaña 'anqa'en, qataq da qomi' 'ampa'axaaleguete da qomi' 'aralamaxatpi?

Números 16:8

Nache so Moisés 'enapega so Coré, 'eeta': ¡Qami' leviitapi, ñaq aỹem qana'axaỹaxañiỹa nagui!

Números 3:6

«'Auỹaxaneuga qome na maiche lalamaxat lauo' le'ecpi so Leví, nache qonapega namayepi da ỹalaxaguet qataq do'onataxanot so ntaxaỹaxanaxanec Aarón.

Números 3:9

Qataq 'auỹotauga qome na leviitapi da yaqto' do'onataxanot so Aarón, qataq na chegoxoguet llalaqpi somaye, cha'aye namayepi nache qaỹachegoxottoigui co'ollaxa na Israel le'ecpi da yaqto' nalemaqte' da Aỹem do'onataxanot.

Hechos 13:2

Qaq huo'o so na'a'q co'ollaq somayepi ỹo'ottac so llo'oxonnataxanaxac Ñim Nataxala', qataq nqouaqchettac, nache So Saqcha'a Na'añaxac Qui'itta 'enapego' somayepi, 'eeta': –Qauỹochiỹauga qome ñi Bernabé qataq ñi Saulo, ime, nache qoñiỹapegalo da je'c do'onataxaaleguete dam sanaguilo lo'onataxanaxa'c maye huo'omshe seỹaxanalo.

1 Corintios 4:3

Aỹem saishet da huo'o ca iuogoxo da aỹem qanmichi, huo'otaq da aỹem qaỹataxanot ca yo'oqchigui nta'a da aỹem nmit. Nache 'ena'am aỹem saishet da sa'aualec da ñimitteguela't.

Deuteronómio 10:8

Nache huaña yemaye da Ñim Nataxala', iỹotauga co'ollaxa na maiche nalamaxat nhuo' le'ecpi maye chegoxoguet so Leví, da yaqto' pa'aiguet da ỹache aso laỹe' da aỹamaxataxac, qataq da ilo'ogue da no'onataxanaxac, qataq da ỹan da nchoxonnataxanaxa chegoqchigui naqa'en da le'enaxat Ñim Nataxala', qaq nachera da 'eeta'ac choche ivitta'a nagui.

1 Samuel 18:23

Nache so ltauapi so Saúl jec nqo'ona so David da da'aqtaxanem 'enauac de'era, qalaxaye somaye 'enapeco': «¿Peta'a qaupi'itaxañiitega da saqalaq da ivira'a da laronaxanec ñi nta'a ca choxoraq, qataq qaica ca ye 'eeta'am aỹem?»