Números 16:3 - La'aqtaqa Ñim Lo'onatac 'Enauacna 2013

³ Nache 'enauac somayepi huaxaỹa't da dataỹa'aguet so Moisés qataq so Aarón, nache 'enapegalo soomaye, 'eeta': ¡Nache a'aye ctaxa da qauapaquiitapeguec qami'! Cha'aye 'enauac ne'ena shiỹaxauapi, mashe qaiỹotauga da lalamaxat Ñim Nataxala'. Qataq Ñimaye hueta'aguet namayepi. ¿Qaq ta'ainco' da ỹataqta qanpa'axañiilec da qaralamaxache qanqa'eñi na lalamaxatpi Ñim Nataxala'?

Números 16:3 Iomraidhean Croise

Esdras 9:2

Qaq namayepi qataq na llalaqpi huaroneguet na llalpi ne'ena shiỹaxauapi, qaq ỹoqo'oye ne'ena nhuo' le'ecpi maye lalamaxat Ñim Lo'onatac 'Enauacna, ỹaleeguet 'enauac ne'ena ỹotta'a't shiỹaxauapi. Qaq na la'auaxanec da ỹo'ot de'era nasouaxashet, nachena nam nta'alpi, qataq nam 'amaqtaqaic nataxala'pi.»

Salmos 106:16

Qaq co'ollaq hueta'a so nmataqa' somayepi, nache nquiỹa so Moisés qataq so Aarón maye iỹotauga Ñim Nataxala'.

Salmos 68:17

Ñim Lo'onatac 'Enauacna ỹataqta qalota ana laigonapi maye nalaataxaquipi, qaq nache chegoqchiguiña añi qasoxonaxa Sinaí da netangui anamayepi da naỹa añi lalamaqte atamnaxaqui.

Éxodo 19:6

Nache qami' ltaxaỹaxanaxanecpi ñaqa'en na ỹotta'a't shiỹaxauapi da Aỹem qaitaxaỹapegue', qataq qami' nhuo' le'ecpi maye seỹotauga da Aỹem do'onataxanot. Qaq 'era qome da 'aua'axatem na Israel le'ecpi».

Números 14:14

nache yemayepi da'aqtaxanem qome na lma' ne'ena 'alhua, maye hua'aqteguelec naxa da 'Am Nataxala', qoueta'aguet ne'ena nhuo' le'ecpi, qataq da 'anachaxana qalaq ỹataqta 'auatata'aguet, qataq so lo'oc maye 'aralamaxat ipelteetalec 'anqa'en namayepi, qataq ye na'a'q hua'auta'ague da taỹa'ague, qaq ye pe qalaq 'ettaigui 'anqa'en somaye.

Números 16:11

Cha'aye 'am qataq na 'araỹepi qalaỹoñiita'a't da qauataiỹa'aguet Ñim Nataxala', qaq ¿Negue'to' so Aarón da qoquiitapeguelec?

Números 16:41

Qaq so lỹa na'a'q nache 'enauac se'eso Israel le'ecpi, qaltaq quetapeguelec so Moisés qataq so Aarón, nache 'eeta': Qami', qauo'ochec da l-leuaxa se'eso nhuo' le'ecpi maye lalamaxat Ñim Nataxala'.

Números 16:7

nache qauachiỹangui aca poqo, qataq ca nchenaxanaxat, nache qauachiỹaña ye lanataqa' Ñim Nataxala'. Qaq que'eca shiỹaxaua maye lca'ateua'a Ñimaye, nacheca ca iỹotauga. ¡Nache a'aye da qanapagaqaanaxaqui qami' leviitapi!

Números 23:21

Ñimaye saishet da ilalec ca qauem lataxac yi'iye lauo' le'ecpi so Jacob, huo'otaq ca saỹaỹamaxañi lataxac ye Israel le'ecpi. Cha'aye Ñim Nataxala' maye Natamnaxala' hueta'aguet yemayepi, qaq yemayepi da iỹaxana Ñimaye nache 'eetega lta'a.

Números 35:34

Nache saishet da qana'aqchichi ca 'alhua maye qoñiỹalec qome, cha'aye nataqa'en Aỹem sootaña camaye, cha'aye Aỹem, maye nachaỹem Nataxala', nache sootaigui qome na Israel le'ecpi.»

Números 5:3

Qaq na'aictaxa da ỹale huo'otaq 'alo, nache qaỹo'orauec, ca'ai qanqa'en ca qanayeuta'a nanataqa'. Yaqto' saishet da huo'o ca huec ne'ena nalolaxapi que'eca qanayeuta'a nanataqa', maye nataqa'en Aỹem sootaña.»

Hechos 7:39

Qalaxaye som hua'au qarta'alpi co'ollaxa saishet da ỹalaxalec somaye, chaqrata da nshetaique da ỹe'eguelaxague da Egipto.

Hechos 7:51

Qaq ñaq queta da ltaxaỹaxac so Esteban, 'eeta': –Qami' nache 'eetai' da ỹataqta sa qaualaqai, qataq da qana'axaỹaxanaxaqui qataq naua qarquiyaqchilli' 'eeta'am ca saxanaxa da ỹauatton Ñim Lo'onatac 'Enauacna. Qataq nache 'eetai' da qanpa'aguiñiitague' So Saqcha'a Na'añaxac Qui'itta qoñiita'am som hua'au qarta'ailpi.