Números 16:10 - La'aqtaqa Ñim Lo'onatac 'Enauacna 2013

¹⁰ Qataq Ñim Nataxala', ỹo'ot da sa qaỹapeque naqa'en 'am, qataq na 'arqaỹañecpi leviitapi, ¿Qaq nagui qalaq nataqa'en qansheetaique da qami' ntaxaỹaxanaxanaqa?

Números 16:10 Iomraidhean Croise

3 Juan 1:9

Aỹem sauo'o co'ollaxa aso ỹere da samaxa na ỹa'amaqten so Jesús, qalaxaye so Diótrefes saishet da ỹaconeguet da ỹamaxasoxonaxac, cha'aye somaye nqopita da nachaqsota da damaxasoxootac.

Filipenses 2:3

Qataq da huo'o ca qauo'oche qalaq saishet da qami' ño'oxonnaxaiqa, huo'otaq da choche qancotaitapigui. Nachaqrata da qauroilec da huesota qarataxaqui, qataq saishet da qaica ca qa'añiỹaigui ca qarỹai da qoñiitega saishet da qoñiita'am.

Romanos 12:10

Ñi 'oonolec ỹataqta ỹauotec ca lỹa 'eeta'am ca ỹoqta lqaỹa, qataq ñi 'oonolec huo'o naq 'enec naqa'en ca lỹa.

Lucas 22:24

Huaña, nache soua napaxaguenataqa ncotatrapigui da chaq negue't ca ỹoqta ỹactec da la'amaqchec soomaye.

Proverbios 13:10

Da 'amqaanaxac ỹo'oteua'a da loquiaxac, qaq da naỹaanec qalaq hueta'aguet ca sa na'amaqten.

Números 18:7

Qaq 'am qataq na 'aỹa'alaqpi maiche qoviỹapegue' qome da qaro'onataxanaxaqui da qami' ntaxaỹaxanaxanaqa, qataq na no'onatacpi añi nca'atoxonaxalate, qataq na pa'auo ñi napoxonaxat. Nache de'era no'onataxanaxac qauo'oche, cha'aye qami' sanaguilo da qami' ntaxaỹaxanaxanaqa. Qaq da huo'o ca ỹacoolec de'era no'onataxanaxac da saishet da qoỹanagui co'ollaxa da ntaxaỹaxanaxanec, nache camaye qaỹalauat.»

Números 3:10

Qaq so Aarón qataq na llalaqpi, nache 'anagui da lo'onataxanaxac na ntaxaỹaxanaxanec. Qaq da huo'o ca chegaqauec da ỹacoolec de'era no'onataxanaxac, da saishet da ntaxaỹaxanaxanec, nache camaye qaỹalauat.»

Números 18:1

Ñim Nataxala' 'enapega so Aarón, 'eeta': «'Am qataq na 'aỹa'alaqpi, nataqa'en na 'arhuo' le'ecpi maye chegoxoguet so Leví, qami' qapa'aiỹa'aguet da huo'o ca nasouaxashet ñi npe'l, qataq 'am, nataqa'en naua 'aỹa'alqa, maiche qapa'aỹeeguet da huo'o ca lasouaxashet na ntaxaỹaxanaxanecpi.

Jueces 17:12

Nache so Micaía ỹanagui da ntaxaỹaxanaxanec somaye, nache somaye nache naña ye lma' so Micaía.

Números 3:6

«'Auỹaxaneuga qome na maiche lalamaxat lauo' le'ecpi so Leví, nache qonapega namayepi da ỹalaxaguet qataq do'onataxanot so ntaxaỹaxanaxanec Aarón.