Números 15:4 - La'aqtaqa Ñim Lo'onatac 'Enauacna 2013

⁴ nache que'eca ỹaneuo ca lachetaqtaxanaxat, iuen da ỹaneuo ca dos kilos ca ỹataqta no'on 'ayiiña maye qairaqneguet ca un litro na aceite.

Números 15:4 Iomraidhean Croise

Esdras 7:17

Qaq ana'ana anom plata, nache lasheue 'anqa'en da 'ausheenaxanaique ca huaca llalec, qagueta lhuaraic, qagueta llalec, qataq huaqta'aguet 'anqa'en aca nachetaqtaxanaqte maye ala na trigo, qataq ca lataxa da qaỹachalec aca nca'atoxonaxalate maye lalamaqte Ñim Nataxala' maye huaña aca atamnaxaqui maye lalamaqte Ñim Qanatamnaxala'ai maye naña ye Jerusalén.

Éxodo 29:40

Qataq que'eca qagueta maye la'auaxanec da qoỹaneuo, nache lỹateuo ca dos kilos ca ỹataqta no'on 'ayiiña maye qairaqneguet ca aceite, qataq ca 'oonolec litro ca lataxa da yaqto' qaicorelec aca nca'atoxonaxalate.

Isaías 66:20

Qataq anac naqa'en nam qarhuo'oi le'ecpi maye ỹalectaigui nam ỹotta'a't shiỹaxauapi, da yaqto' Aỹem naua'a, da 'eeta'am aca nachetaqtaxanaqte. Naua'a añim qui'itta ñeqasoxonaxa maye naña ye Jerusalén, huota'a na lalo caipi, naigonapi, qataq ana nauogonñiguishepi, 'ashenapi qataq ana nauanaxanaxapi, qaq nachetac nam qui'itta nhuenecpi da 'eeta'am naxa nam llalaqpi so Israel, da ndoua'a na lachetaqtaxanaxatpi ñi ima'. Qaq 'era da ỹa'aqtac Aỹem Nataxala'.

Ezequiel 46:14

Qaq nataqa'en ye nte'eta nache qoỹanot qome Ñim Nataxala' da nachetaqtaxanaxat ca siete litros ca nañiguishec ala, qataq ca un litro ca aceite, cam qaicorelec qome ca 'ayiiña. Qaq 'era da qalapaxañi lataxac maye qaỹamaxasoxoolec, qaq damaye chochaq tatec qanqa'en.

Levítico 1:13

Ime, nache que'eca ỹaneuo ca lachetaqtaxanaxat, camaye nacheca ca iỹo ca lauel le'ecpi, qataq caua lapia'ate que'eca shiguiỹac, ỹauota'a ca 'etaxat, qaq ca ntaxaỹaxanaxanec nache ỹavigaxat 'enauac camaye ỹachalec añi nca'atoxonaxalate, cha'aye nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'.

Levítico 14:10

Qaq da ivireuga ca na'a'q ocho, nache camaye ỹaconeua'alo caua dos qagueta llalqa maye qaica ca lque'emaxa, qataq aca 'oonolec qagueta llale maye ñaq 'oonolec vi'i, qataq ca seis kilos y medio ca ỹataqta no'on lsoche na ala na nañiguishec, da yaqto' lachetaqtaxanaqte maye ndaqñiguishec lalegue ca aceite, qataq ca ỹaqauga laỹolec ca aceite.

Levítico 2:1

Qaq da huo'o ca 'oonolec da qoñiita da ỹanot Ñim Nataxala' aca lachetaqtaxanaqte, da chegaqaigui ana ala na nañiguishec maye ishet da qaỹo'ot na lsoche, nache icorelec ca aceite qataq ỹachalec ca qo'oipaq lcha'q nchenaxanaxat ama na laita.

Levítico 2:15

Qataq nache icorelec ca aceite qataq ỹachalec ca qo'oipaq lcha'q nchenaxanaxat ama na laita, cha'aye acamaye qaỹauo'o nachetaqtaxanaqte chegaqaigui ana ala ca nañiguishec.

Levítico 23:13

Nataqa'en qaroiuo ca cuatro kilos ca ỹataqta no'on 'ayiiña maye qairaqneguet ca aceite, yaqto' qoỹanot Ñim Nataxala' da nachetaqtaxanaxat maye qaỹavigaxat, yaqto' da ama laitaỹaxac ỹamaateguet Ñim Nataxala'. Qataq qaroiua'a nataqa'en aca 'oonole laỹe' ca lataxa da nachetaqtaxanaxat maye qaicoraxana.

Levítico 3:7

Qaq da ỹaneuo ca qagueta llalec da lachetaqtaxanaxat da ỹanot Ñim Nataxala',

Levítico 6:14

Qaq 'era da llec aca nachetaqtaxanaqte maye chegaqaigui ana ala ca nañiguishec, 'eeta': Ne'enaua llalqa so Aarón, nache ỹaareuo qome acamaye huaña añi nca'atoxonaxalate ỹauaachigui naqa'en Ñim Nataxala'.

Malaquías 1:11

Cha'aye ỹataqta 'enauac na ỹotta'at shiỹaxauapi ana 'alhua, ỹataqta huo'o naq 'enec naqa'en Aỹem; qataq 'enauac na pa'aiguelo da qaỹavigaxat na nchenaxanaxat da qaỹo'oxoren da ỹe'enaxat, qataq Aỹem qandoua'a ana no'on nachetaqtaxanaqte.

Números 28:12

Qataq da qoỹaneuo ca 'oonolec huaca, nache qoỹaneuo ca seis kilos ca ỹataqta no'on 'ayiiña, qairaqneguet ca aceite,

Números 28:4

qaq 'oonolec ca ỹaneuo ye nte'eta, qaq ca lỹa qalaq ỹaneuo ye avit.

Números 29:6

Nache ca nachetaqtaxanaxat maye nache 'eetai' naxa da qoỹaatapegueuo da dalaxaic so ca'agoxoic, qataq ca qoỹaategueuo naxa 'enauaque naua na'axa'te, qataq ca lỹateuo nachetaqtaxanaxat 'ayiiña, qataq ca lataxa, maye qaỹamaxasoxoolec da qoỹaneuo. 'Enauac camaye nachetaqtaxanaxat qaỹavigaxatta yaqto' da ama laitaỹaxac ỹamaateguet Ñim Nataxala'.

Números 7:13

Nache somaye ỹaneuo so nquia'axaqui lta'araic lcat plata maye ivi' mil cuatrocientos treinta gramos, qataq aso 'oonole ỹomaxaqui late'erai maye ivi' setecientos setenta gramos, cha'aye nachañi añi lasheue na qoỹaneua'a so npe'l. Qaq soomaye nlaqchiguilo so ỹataqta no'on 'ayiiña maye qairaqneguet na aceite, qaq somaye nachetaqtaxanaxat maye chegaqaigui na ala so nañiguishec,

Romanos 15:16

qataq aỹem lca'aguishec da so'onataxanot So Jesucristo da yaqto' setauan nam saishet da judiopi. Qaq aỹem sheeta'am ca ntaxaỹaxanaxanec da sa'axatem namayepi da no'on na'axaỹaxac maye chegoqo'ot Ñim Lo'onatac 'Enauacna, qataq seroua'a Ñimaye da 'eeta'am aca nachetaqtaxanaqte maye ỹaỹamaxareeta Ñimaye, cha'aye So Saqcha'a Na'añaxac Qui'itta iỹotauga da yaqto' lalamaqte.

Hebreos 13:16

Qataq saishet qome da qaucoviỹa'ai da qauo'oche ca ỹaỹamaqchiguiñi, qataq da qautauañi ca qarỹai maye huo'o da lhuenaxanaxa. Qaq 'ena nam nachetaqtaxanaxat maye ỹaỹamaxareeta Ñim Lo'onatac 'Enauacna.

Jueces 9:9

Qalaxaye aso olivo 'enapeco': Saishet, cha'aye qom aỹem lta'a ana qo'oipaqpi, nache huaña qaq saxaañi da so'ottac na aceite, maye ỹauo'o da lamaicỹaxac na shiỹaxauapi, qataq da qaỹo'oxoren Ñim Lo'onatac 'Enauacna.