Números 14:6 - La'aqtaqa Ñim Lo'onatac 'Enauacna 2013

⁶ nache so Josué maye llalec so Nun, qataq so Caleb maye llalec so Jefone maye nqo'oora co'ollaxa da imete'n yi'iye 'alhua, soomaye icolaxata'aguelo soua alogo souaxat da nqui'ic,

Números 14:6 Iomraidhean Croise

Génesis 37:29

Qaq so Rubén co'ollaq ỹe'eguelaxa aso nshere, nache so José mashe saishet da huetangui asa'aso nshere. Huaña, co'ollaxa nache somaye ncolaxata'aisalo soua alogo souaxat da nqui'ic.

Génesis 37:34

Nache so Jacob ncolaxata'aisalo soua alogo. Ime, nache ỹaayiñi soua alogo maye lasouaxaqui'. Nache ỹataqta huo'oi soua na'axa'te da nỹeetapeguelec da l-leuaxa so llalec.

Génesis 44:13

Nache soomaye ncolaxata'aisalo soua alogo, da la'anaxat da nqui'i'c. Qaq ime nache ñi 'oonolec soomaye ỹasaxalec so lla'ac soua lalo 'ashena, nache ỹe'eguelaxareua'a so huaqta'a't nỹecpi.

2 Samuel 3:31

Qaq co'ollaq ime de'era, nache so David 'enapega so Joab, qataq so nnaictague' laỹepi, 'eeta': «Qancolaxachiỹa'aisalo qome naua qorogolli', nache qaỹa'añiiñi na quesaxaguet nogoxot da qauo'oche da lataxac da nasouaxac, souaxat da l-leuaxa ye Abner.» Nache so nta'a David, ca'attaueegue co'ollaxa aso laỹe' so Abner,

2 Reyes 18:37

Huaña nache so Eliaquín, maye ilotague' naxa so nma' lta'araic, qataq so Sebna, som neraxanaxanec maye ỹettapiguiñi 'enauac nam ỹo'otpi so nta'a, qataq so Yoaj, maye leraxanaxanec so nta'a, soomaye ỹataqta daquigoi' co'ollaxa, nache ncolaxata'aisalo soua alogo, nache nqo'ooreua'a so Ezequías da da'aqtaxaarem nam la'aqtacpi so 'amaqtaqai nataxala' maye Asiria le'ec.

1 Crónicas 7:27

Nun qataq so Josué.

Da na'aqtaguec so Job 1:20

Nache so Job nachaañi, ỹataqta lta'araic da nqui'ic, nache ncolaxata'aisalo soua alogo, qataq namarecta na lqaic, nache ỹa'alyiñi naua l-llecte da natamen.

Números 13:30

Ime, nache so Caleb 'enapega se'eso nhuo' le'ecpi maye datato'ot so Moisés da de'enaxaatai', nache, 'eeta': ¡Qomi' qolaq qome, ñeqo'onaxa yi'iye 'alhua, nache saconaxa da sonaqalec, cha'aye qomi' ñapagaqalec da la'añaxac yemayepi!

Números 13:6

Caleb, som llalec so Yefune, maye chegoxoguet na maiche lauo' le'ecpi so Judá,

Números 13:8

Oseas, som llalec so Nun, som chegoxoguet na maiche lauo' le'ecpi so Efraín,

Números 14:24

Qalaxaye so ỹamaxashec Caleb, maye huaỹoqtec da lataxac, qataq ỹataqta Aỹem ỹalaxaguet. Nachesota qome da sasheeteua'a da inoxoneua'a yi'iye 'alhua maye taỹa co'ollaxa da imeten, qataq ca chegoxoguetpi, nache nalec qome yemaye.

Números 14:30

Qaq nachesota so Caleb, som llalec so Yefune, qataq so Josué, maye llalec so Nun, da inoxooreua'a qome yi'iye 'alhua. Qaq qaica ca 'oonolec da qoñiita da inoxoneua'a yi'iye 'alhua maye sachaxanapec co'ollaxa da qami' sanaleguete.

Números 14:38

Qaq 'enauaque se'eso ỹale't maye demeenaxara co'ollaxa yi'iye 'alhua, da nachaqsouate' soua Josué, som llalec so Nun, qataq so Caleb maye llalec so Yefune da saishet da ileu'.

Números 14:5

Nache so Moisés qataq so Aarón ỹa'alyiñi naua l-llectel, nache iviraxatta'agueta naqa'en na lata'api na 'alhua, ỹauaachigui naqa'en so Israel le'ecpi,

Números 14:7

nache 'enapega 'enauac se'eso Israel le'ecpi, 'eeta': «¡Yi'iye 'alhua maye ñeqo'onaxa da semetenaq, yemaye ỹataqta 'onaxaic!

Mateo 26:65

Nache co'ollaq hua'aqchigui de'era som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, nache ncolaxata'aisalo soua alogo da la'anaxat da ỹataqta dalemata, nache 'enapeco': –¡De'era ỹale, damaye ỹataqta isheueetac Ñim Lo'onatac 'Enauacna! Mashe qaica ca lỹa shiỹaxaua da seuenaq da da'aqtaxan. Cha'aye damaye 'eetega da nachera dam Lo'onatac 'Enauacna.

Marcos 14:63

Nache co'ollaq hua'axaỹa de'era som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, nache somaye ncolaxata'aisalo soua alogo. Damaye naigui da ỹachaxan da layeloxo. Nache 'enapeco': –Mashe sa seuenaq ca lỹa da da'aqtaxan.

Hechos 14:14

Qalaxaye soua Jesús lamaxa'she Bernabé qataq Pablo co'ollaq nomalo de'era, nache soomaye ncolaxata'aisalo naua alogo, da ỹachaxa'n da lqaigaqa' dam ỹo'ot nam shiỹaxauapi. Ime, nache tayingui na laiñi, nache ỹa'alaqtai'salo, 'eetra':

Josué 14:6

Qaq huo'oi co'ollaxa soua chegoxogueta so Judá, da nqo'oora ye Gilgal da yaqto' na'aqtaxaneto so Josué, nache so Caleb som llalec so Yefune, so lauo' le'ec so quenezitapi, 'enapego' so Josué, 'eeta': «'Antoueeta'aco' naua la'aqtaqa Ñim Nataxala' co'ollaq 'enapega so lamaxashec Moisés, co'ollaq huaña ye Cadés Barnea, da qomi' detaqtacoto, 'am qataq aỹem.

Josué 7:6

Huaña nache so Josué qataq so nqueroxonecpi maye lataxala' so Israel le'ecpi ncolaxata'aisalo soua alogo, qataq imeeleguete naua lqaigo na 'alhua lsoche da la'anaxat naqa'en da nqui'ic, ime qaq ỹa'aroto naua l-llectel aso arca maye laỹe' da naỹamaxataxac Ñim Nataxala', qataq iviraxata'aguet naqa'en na latap na 'alhua, ivitta'a da inoxooñi aso nala'.

Jueces 11:35

Qaq co'ollaq ila'aguet asomaye, nache ncolaxata'alo soua alogo souaxat da lqaigaxa nache nỹen, nache 'eeta': «¡Aicoue, 'am ỹalole, ỹataqta lta'araic da aỹem 'auo'otec ñiqui'ic! Cha'aye nache 'am maye aỹem 'auo'otec de'era lta'araic ñiqui'ic, souaxat da sanot co'ollaxa so ỹa'aqtac Ñim Nataxala', qaq nagui iuen da sepacchigui da so'ot damaye!»