Números 14:11 - La'aqtaqa Ñim Lo'onatac 'Enauacna 2013

¹¹ nache Ñim Nataxala' 'enapega so Moisés, 'eeta': «¿Che laguio' da ỹaxaañi da Aỹem inogoqchettac ne'ena shiỹaxauapi? Qataq ¿Chaq laguio' da ỹaxaañi da Aỹem sa ỹa'amaqten, qamaq qalota so sachaxana na'anecpi?

Números 14:11 Iomraidhean Croise

Salmos 106:24

Qataq co'ollaq qaỹata'ague nache somayepi ỹo'otan yi'iye 'onaxaic 'alhua, qataq saishet da ỹa'amaqte'n naua ỹa'n la'aqtaqa Ñim Lo'onatac 'Enauacna.

Salmos 78:22

Souaxat da saishet da pi'iỹa'a Ñim Lo'onatac 'Enauacna, qataq sa ỹa'amaqten da ltaunaxanaxac Ñimaye.

Salmos 78:32

Qalaxaye ñaqaiyeta namayepi qaltaq ỹe'eguelaxalec da ỹo'ot na lasouaxashetpi, saishet da ỹa'amaqte'n naua qaỹa'aalaque ỹo'o't Ñim Lo'onatac 'Enauacna.

Salmos 95:8

«Saishet qome da qaua'añaxachiiguilo naua qarquiyaqchilli', da 'eeta'am co'ollaq huaña ye Meribá, qataq da 'eeta'am so na'a'q co'ollaq huaña ye Masah, yem huaña ye toolec 'alhua,

Éxodo 10:3

Nache so Moisés qataq so Aarón, nqo'ooreua'a so faraón nache 'enapegalo', 'eeta': «Ñim Nataxala' maye Natamnaxala' na hebreopi da la'aqtac, 'eeta': ¿Chaq lagui qaq 'am ishet da 'aỹa'axaañi da 'anapagaqaanaxac? 'Aua'aqta'a qome da jec na ỹalamaxatpi, da yaqto' Aỹem natamnot.

Éxodo 16:28

Nache Ñim Nataxala' 'enapego' so Moisés, 'eeta': «¿Chaq laguio', qaq qami' qaỹa'axañiiñi da sa qaualaqailec na ỹamaxasoxonaxacpi qataq na ỹapaxaguenataxanaxacpi?

Éxodo 23:21

Qalaxaye saishet qome da qauỹochiiuec somaye, qataq qaualaqaiguet, cha'aye somaye ỹo'ot ca samaxalec, qataq saishet da ichoxonnai' ca qarasouaxashichi.

Éxodo 32:9

Qaq Ñim Nataxala' nataqa'en 'enapeco' co'ollaq 'eetega so Moisés, 'eeta': Aỹem mashe sauatton da lataxac yi'iye nhuo' le'ecpi da ỹataqta saishet da ỹalaq.

Proverbios 1:22

«Qami' nsoxoppi maye qami' 'enaqaicpi, 'enaxanaxaicpi maye qaica ca qauaỹaañiỹa'a, ¿Che laguio' qaq qaỹa'axañiiñi da qoquiitalec da qaica ca qauaỹaañiỹapec? Qataq ¿che laguio' da qaỹa'axañiiñi da qoquiitalec da qare'enaxanaxaqui, qataq ỹataqta qauo'otañi da naỹaanec?

Jeremías 13:10

Ne'ena nhuo' le'ecpi qauemaicpi, maye saishet da ỹalaxaguet nam ỹamaxasoxonaxacpi, qataq quetagueto naua qauema lhuennataxaco da lquiyaqteỹaxac. Namayepi quegue na ỹaqa'a atamnaxala'pi da do'onataxanot, qataq ỹo'oxoreetac. Nache 'eeta'am som saataxaqui maye saishet da qaltaq ỹe'eguelaxa da qaiuen.

Jeremías 4:14

'Am Jerusalén, ñaq 'auỹoueeguesop na qauem añi 'arquiyaqte, yaqto' 'anca'alec. ¿Chaq laguio', qaq 'axanec na qauem nhuennataxacpi maye huetaigui na 'arqaic?

Ezequiel 20:13

Qalaxaye namayepi Aỹem dataỹa'aguet co'ollaq huaña ye toolec 'alhua, nache sa ỹalaxaguet na iqataxacpi, qataq saỹaconeguet nam ỹamaxasoxonaxacpi maye sanem co'ollaxa, da yaqto' da ipaqueelec namayepi nache huo'o da lca'alaxa, qataq ishepaxanaqchet co'ollaxa ye na'a'q mataxaqui maye ỹalamaxat. Qaq huaña co'ollaxa nache huo'o da iuennataxac da sematalec namayepi da ỹayeloxo, qataq da ñematchiguiñi da huaña ye toolec 'alhua,

Oseas 8:5

Qaq qami' maye qarmaye na Samaria, aỹem ỹataqta seqaiga ñim ne'enaqtac huaca llalec, maye qanatamñeetacot. Nache aỹem ỹataqta 'eroigui da ỹalemataic da qami' salemataỹalo. ¿Chaq laguio' da qaviyiỹa da qami' qui'itte'?

Zacarías 8:14

'Era da la'aqtac Ñim Nataxala' maye Qaica ca Ỹaqalanapec 'eeta': «Aỹem maiche iuennataxac co'ollaxa, da sauo'o da nhuaxanaguec som qauachegoqoiguet qarta'ailpi, co'ollaq aỹem inogoqchet, nache saishet da ñetogottac.

Números 14:23

namayepi saishet qome da imeten ye 'alhua maye sachaxanapeguem co'ollaxa da sanem so hua'au lta'alpi. Nache na aỹem ỹo'otan qaica qome ca 'oonolec namayepi da imeten yemaye.

Números 14:27

«¿Chaq laguio' da ime da lleueeta'agueta naua qauema ltaxaỹaxaco ne'ena qauem shiỹaxauapi? Cha'aye Aỹem mashe ña'axaỹaxaategalo naua ỹataqta qauema ltaxaỹaxaco da Aỹem quetapeguelec ne'ena Israel le'ecpi.

Números 32:10

Ỹoqo'oye Ñim Nataxala' ỹataqta dalemata co'ollaxa, nache ỹan da la'aqtac, 'eeta':

Mateo 17:17

Nache So Jesús 'enapeco': –Qami' ỹataqta saishet da qauaỹachiñi ca qoñiitec qataq saishet da huo'o ca qarpi'iỹaxaqui Ñim Lo'onatac 'Enauacna. ¿Peta'a ỹapacteco' da sa qauañoxoche da huo'o ca qauo'oche da saishet da qami' soota'agueta? ¿Cam laguio' nache ishet da qauaỹaanataxañi? ¡Ña qanaviquicna'a da nsoq!

Marcos 9:19

Nache So Jesús 'enapeco': –¿Ta'ainco' ye sa qauaỹaañi da qaupi'iỹa'ai Ñim Lo'onatac 'Enauacna? ¿Peta'a ỹapac da saishet da huo'o ca qauañoxoche da saishet da qami' soota'agueta? ¡Ñaq Aỹem qanaviquiỹa na nsoq!

Juan 10:38

Qalaxaye da huo'otaq so'ottac damaye, nache na'aictaxa da Aỹem sa qaua'amaqchiñi, qalaxaye qaua'amaqchiñi nam so'otpi, yaqto' ishet da imauec da qauaỹaañi da Ñim Ita'a qataq Aỹem 'oonolec da qarataxac.

Juan 12:37

Qaq na'aictaxa da So Jesús ỹataqta qalota na ỹo'ot na'anec maye sa qaỹauanapega da ỹauaachigui naqa'en somayepi, qalaxaye ñaqaiyeta saishet da qaỹa'amaqten Somaye.

Juan 15:24

Qataq namayepi saishettaxa da huo'o ca lasouaxashet, da saishet da huangui ñaqa'en namayepi da so'ot nam saishet da huo'o ca ỹañoxot da ỹo'ot; qaq namayepi sogote da ỹauaachigui ne'ena so'otpi, qalaxaye ñaqaiyeta Aỹem nquiỹa, qataq Ñim Ita'a.

Deuteronómio 1:32

Qalaxaye ñaqaiyeta saishet co'ollaxa da qaua'amaqchiñi Ñim Nataxala' maye Qanatamnaxala'ai,

Hebreos 3:16

Qaq ¿chaq negue't co'ollaxa som hua'aqchigui da la'aqtac Ñim Lo'onatac 'Enauacna, nache sa ỹalaq? ¡Qomye 'enauac som nqateeguesop co'ollaxa ye 'alhua Egipto so Moisés!

Hebreos 3:18

Qataq ¿chaq negue't som detaxaỹa co'ollaxa Ñim Lo'onatac 'Enauacna da yaqto' saishet da huo'o ca nmataxac naqa'en da hualec ye 'alhua Canaán? ¡Qomye som saishet co'ollaxa da ỹalaq!

Hebreos 3:8

qalaq saishet da qami' qaramchiguilo, da qoñiita'am da 'eetec co'ollaxa so Israel le'ecpi, maye saishet da huotaique da ỹalaq co'ollaq hualec so toolec 'alhua. Somayepi huotaique da ỹaỹaten ca tachiguiña da Ñim Lo'onatac 'Enauacna na'añaxateguet dam lataxac somayepi maye sa ỹalaq. Qaq ỹoqo'oye Ñim Lo'onatac 'Enauacna 'enapega somayepi, 'eeta':