Números 12:8 - La'aqtaqa Ñim Lo'onatac 'Enauacna 2013

⁸ ỹoqo'oye da setaxaỹapegue', qalaq ỹataqta satata'aguet, nache qaica ca soxocheesop, nache damaye ishet da aỹem iloto'ot ¿Qalaq ta'ainco' da saishet da qayi'iỹai da qoquiiteguelec da ỹamaxashec Moisés?»

Números 12:8 Iomraidhean Croise

Génesis 32:30

Qaq so Jacob, nache ỹanagui da le'enaxat «Peniel» yi'iye 'alhua, cha'aye 'enapeco': «Aỹem ñema'ai' da ñauane' Ñim Lo'onatac 'Enauacna, qalaq ñaq 'eetalec da ñeca'altauec.»

Salmos 17:15

Qalaxaye aỹem, qom saỹaten da qaica ca sasouaxat nache samachiguiñi da selogui da 'arashiguiỹaxac, na'aictaxa da choche 'am samato'ot da ñelouec.

Salmos 49:4

Aỹem ñasaxarec qome naua na'aqtaqa ỹaanaxanaxaiqa, qataq sa'axat na saqcha'a iuennataxacpi da ñaq qaivictapigui ana nvique.

Éxodo 19:19

Nache na l-lamaxa aso nasheerepi nataqa'en nquictauec, nache so Moisés detaqtac. Qaq Ñim Lo'onatac 'Enauacna ỹasattapeeguet somaye, qaq naua la'aqtaqa Ñimaye da ỹasat qalaq 'eeta'ama na nalataxa.

Éxodo 20:4

Saishet qome da 'auauo'o ca 'are'enaqtac 'anatamnaxala' da 'eeta'am na hueto'ot na piguem, huo'otaq ca huetalec ana 'alhua, huo'otaq ca huetaña na pa'aguiñi na 'etaxat.

Éxodo 33:11

Nache so Moisés ỹataqta nma'ai' da datata'aguet Ñim Nataxala' da na'aqtaxane', 'eeta'am da na'aqtaxaatague' ca nauochaxaua, qaq da ime naxa, nache so Moisés ỹe'eguelaxauga so nanataqa' maye qanayeuta'a. Qaq so nsoqolec Josué, som llalec so Nun, som ltaua somaye, ỹataqta saq ỹoxouga da ñaq pa'ataua'a so pa'auo so npe'l so Moisés.

Éxodo 33:19

Qalaxaye Ñim Nataxala' 'enapeco': «Aỹem, 'am sachaxana qome 'enauac da ỹoqouagaxanaqtaic, qataq 'am sa'aqtaxanem qome da ỹe'enaxat. Qataq Aỹem sechoxoren ca taalec da sechoxoren, qataq ñeqouaguec cam taalec da ñeqouaguec.

Éxodo 33:23

Qaq da ime, nache ñeqatec na ihuaq, nache ishet da 'aula'ague na ilaq, qalaxaye da ỹashiguiỹaxac, qalaq saishet da 'aulogui.»

Éxodo 34:30

Nache so Aarón qataq 'enauac so Israel le'ecpi co'ollaq ila'a so Moisés da 'ettaigui da lashiguiỹaxac, nache huo'o da lcolanaxa. Nache saishet da qanquigueua'a somaye.

Proverbios 1:6

da yaqto' qaỹaỹateete' naua la'aqtaqa ca ỹaanaxanaxaic, qataq naua lleco naua la'aqtaqa, qataq na laloqnaxanaxatpi, huo'otaq naua ỹoxottrañi, la'aqtaqa.

Isaías 40:18

Qaq ¿negue't ca ishet da qanaloqñeeguet Ñim Lo'onatac 'Enauacna? Qataq ¿negue't ca ne'enaqtac cam ishet da 'ena'am qanqa'eñi Ñimaye?

Isaías 46:5

Qaq ¿negue't cam ishet da Aỹem qanaloqñeeguet? ¿Negue't cam qaupicheetega da sheeta'am?

Ezequiel 17:2

«'Am shiỹaxaua 'aua'aqtaxanem qome na nhuo' Israel le'ecpi, 'auauota'a ca 'araloqnaxanaxat.

Ezequiel 20:49

Nache aỹem Ezequiel sasat, sheeta': «¡Aicoue 'Am Nataxala', 'enauac na shiỹaxauapi aỹem na'aqtaxaatapigui da nam sa'axattacpi qaica ca ỹaỹaaneguet!»

Oseas 12:13

Qaq Ñim Nataxala' ỹachegoxotchigui so 'oonolec na'aqtaxanaxanec, da nqateeguesop ye Egipto na Israel le'ecpi, qataq do'ogoxona so 'oonolec na'aqtaxanaxanec da ilotague' namayepi.

Números 14:14

nache yemayepi da'aqtaxanem qome na lma' ne'ena 'alhua, maye hua'aqteguelec naxa da 'Am Nataxala', qoueta'aguet ne'ena nhuo' le'ecpi, qataq da 'anachaxana qalaq ỹataqta 'auatata'aguet, qataq so lo'oc maye 'aralamaxat ipelteetalec 'anqa'en namayepi, qataq ye na'a'q hua'auta'ague da taỹa'ague, qaq ye pe qalaq 'ettaigui 'anqa'en somaye.

Números 7:89

Nache so Moisés co'ollaq taua'a so npe'l da yaqto' detaxaỹapegue' Ñim Nataxala', nache hua'aqtega co'ollaxa Ñim Nataxala' chemaqtapoiguilo soua ne'enaqtaqa shiỹaxau' maye netaleguete so lapo' aso laỹe' da aỹamaxataxac. Qaq 'era da 'eetec co'ollaq detaqtague' so Moisés Ñim Nataxala'.

Mateo 13:35

Qaq 'eetec de'era yaqto' ipacchigui da ỹiyiñi co'ollaxa so la'aqtaxanaxanec Ñim Lo'onatac 'Enauacna maye, 'eeta': «Sa'aqtaxanem na shiỹaxauapi, qalaxaye sauota'a na ỹaloqnaxanaxatpi, qataq sa'axat nam lataxac maye Ñim Lo'onatac 'Enauacna saishet da ỹachaxan chegoqta'a co'ollaq cheta'ague da ỹo'ot ana 'alhua.»

Lucas 10:16

Ime, nache So Jesús 'enapegalo soua lapaxaguenataqa, 'eeta': «Camachaqca ca qami' na'axaỹaxanalo, qaq nache Aỹem maye Aỹem na'axaỹaxana. Qaq cam sa qami' ỹaconegueta, qaq nache Aỹem maye saq Aỹem ỹaconeguet; qaq cam saq Aỹem ỹaconeguet, qaq nacheñi Ñim Lo'onatac 'Enauacna maye sa ỹaconeguet Ñim Aỹem namaq.»

Juan 1:18

Qaica ca ishet da nma'ai' da ila'a Ñim Lo'onatac 'Enauacna, qalaxaye so 'oonolec Llalec maye ỹataqta neto'ot Ñimaye, Somaye nacheso so qomi' ỹauattonaxanaxaneque Ñimaye.

Juan 15:15

Nagui saishet da qami' samata'aque da qami' nlataqa, cha'aye ca choche nlatac saishet da ỹaỹaten cam ỹo'ot ca na'aco'. Qaq nagui qami' samata'aque da qami' ñauochaxau', cha'aye qami' sa'aqtaxaatema 'enauac nam la'aqtacpi Ñim Ita'a maye Aỹem ỹami'.

Juan 15:24

Qataq namayepi saishettaxa da huo'o ca lasouaxashet, da saishet da huangui ñaqa'en namayepi da so'ot nam saishet da huo'o ca ỹañoxot da ỹo'ot; qaq namayepi sogote da ỹauaachigui ne'ena so'otpi, qalaxaye ñaqaiyeta Aỹem nquiỹa, qataq Ñim Ita'a.

1 Corintios 13:12

Nagui da qarauattonaxanaxac Ñim Lo'onatac 'Enauacna, damaye saxanaxa da yo'oqoolec, 'eeta'am da seloqtalec aca tannaxai da 'omalec. Qalaxaye da nauattonaxanaxac qom ivita da nalochiguiñi, huaña nache selaqa'a Ñim Lo'onatac 'Enauacna. Nagui da ỹauattonaxanaxac saxanaxa da nalochiguiñi. Qalaxaye qom ivita da nalochiguiñi, huaña nache sauattoota Ñimaye, 'eeta'am da 'eetec da aỹem ỹauattoota Ñimaye.

Deuteronómio 18:15

Qaq Ñim Nataxala' maye Qanatamnaxala'ai qami' chegoqtoiguilo naqa'en qome ca la'aqtaxanaxanec da 'eeta'am aỹem, qaq camaye ỹataqta qaualaqaiguet qome.

Deuteronómio 34:10

Qaq nache chegoqchiguiña co'ollaxa da qaica ca lỹa na'aqtaxanaxanec ye Israel da 'eeta'am so Moisés, da ishet da datata'aguet da na'aqtaxaatague' Ñim Nataxala',

Deuteronómio 4:15

Qaq se'eso na'a'q co'ollaq qami' detaqtegueto Ñim Nataxala' huetaigui so norec huaña añi qasoxonaxa Horeb, nache saishet da qauauañiichigui da lataxac. Ỹoqo'oye qanchilliỹa'a qome da qanachaalataxaqui,

Deuteronómio 5:8

Qataq saishet da qauo'oche ca qare'enaqtaqui da 'eeta'am na hueto'ot na piguem, huo'otaq na netalec ana 'alhua, huo'otaq na 'etaxat maye huetaña na ỹataqta pa'aguiñi ana 'alhua.

Colosenses 1:15

So Cristo nacheso som Llalec Ñim Lo'onatac 'Enauacna, Somaye nache 'eetai' da huo'o co'ollaxa saxanaqca 'enauacna. Somaye nactaigui da lataxac Ñim Lo'onatac 'Enauacna maye saishet da qaila'a.

1 Ts 4:8

Qaq ỹoqo'oye ca no'otane' de'era napaxaguenataxanaxac, camaye saishet da nache qomi' da qomi' ỹo'ota'n, maye nacheñi Ñim Lo'onatac 'Enauacna ỹo'otan, Ñim qami' ỹanema So Saqcha'a Na'añaxac Qui'itta.

1 Timoteo 6:16

Ñimaye maye choche tatec, qataq huetaigui na ne'eraxa maye saishet da huo'o ca nhuogoua'a. Qaica ca shiỹaxaua ila'a co'ollaxa Ñimaye, qataq qaica ca ỹañoxot da maiche ila'a nagui. Ñimaye maye hueto'ot da qaica ca 'ena'am llo'oxoyec, qataq da la'añaxac maye chochaq tatec. Aja', nache 'eetec de'era.

Hebreos 1:1

Soua ỹataqta qaỹoqteguelo vi'iye, so la'aqtaxanaxanecpi Ñim Lo'onatac 'Enauacna da'aqtaxaateguem som hua'au qarta'alpi. Ỹataqta qalota naxa da da'aqtaxanem da la'aqtac Ñim Lo'onatac 'Enauacna, qataq ỹotta'a't da lataxac naqa'en da da'aqtaxanem somayepi.

Hebreos 1:3

So Llalec qomi' ỹachaxanalo da la'añaxac qataq da la'amaqchec Ñim Lo'onatac 'Enauacna, cha'aye imatta't da lataxac Ñimaye, qataq do'ogoxona da lta'araic la'añaxac da nlletañi 'enauacna. Qataq chegoqchigui Somaye da Ñim Lo'onatac 'Enauacna ỹapalaxa't naua qarasouaxashe'ete, ime, nache taỹa cam neta'ague Ñimaye da yaqto' nso'ooñi, na'ague da aloic.

2 Pedro 2:10

Que'eca nhuaxanaxanaxac ỹataqta lalamaxat nam saishet da ỹalaxalec nam lamaxasoxonaxacpi Ñimaye qataq huetaigui da ỹo'ottac 'enauac na qauem maye maiche 'eetapeguecpi. Ne'ena dapaxaguenataxaatac maye tenataxanaxaicpi ỹataqta qaramchiguilo naua lquiyaqtel qataq ño'oxonnaxaicpi, qataq saishet da ñi'iỹa da isheueetac na lamaxashecpi Ñim Lo'onatac 'Enauacna maye no'on da lataxac.

Judas 1:8

Qaq de'era nachera nataqa'en da talec nam qauemaicpi maye qami' sa'aqtaxaateguema. Cha'aye chegoqchiguilo naua qauema lhuennataxaco da ỹo'otec da qauem da lo'ocỹaxac, qataq sa ỹaconeguet da lamaxasoxonaxac Ñim Lo'onatac 'Enauacna qataq isheueetac nam lamaxashecpi piguem le'ecpi Ñimaye.