Números 12:6 - La'aqtaqa Ñim Lo'onatac 'Enauacna 2013

⁶ nache Ñim Nataxala', 'eeta': «Ña qana'axaỹaxañiỹa da ỹa'aqtac: Da huo'o naxa na ỹa'aqtaxanaxanec da qoñiita, nache Aỹem setaxaỹapegue', huaigui ñaqa'en da lauanaqchec, qataq lchoxonaxac,

Números 12:6 Iomraidhean Croise

Génesis 15:1

Qaq co'ollaq ime de'era, nache Ñim Nataxala' detaxaỹot so Abram, huaigui naqa'en so lauanaqchec, 'eeta': «Abram, saishet da 'añi'i, cha'aye aỹem 'arpaqtaxanaxat. Ca 'ansheetenaguec ỹataqta lta'araic qome.»

Génesis 20:7

Qalaxaye nagui aña'añi 'alo 'avi'eguelaxatem qome ñi lhua, cha'aye ñimaye na'aqtaxanaxanec, qaq 'am nqouagaxaueelec qome da yaqto' 'anca'alec. Qalaxaye qom saishet da 'avi'eguelaxatem ñimaye, nache 'am 'aleu qome, qocañi' na 'aralamaxatpi.»

Génesis 28:12

Qaq huaña yemaye, nache huo'o so lchoxonaxac, dechoxootega da ilota'a so napiaxala', na'attalec ana 'alhua, nache iviro'ot na piguem, qaq som lamaxashecpi Ñim Lo'onatac 'Enauacna, naguinguicnaxa somaye qataq ỹe'eguelaxasheguem.

Génesis 28:16

Qaq so Jacob, co'ollaq nlouec, nache deuennataxan, nache 'enapeco': «Ỹoqta 'eesa da Ñim Nataxala' hueta'a ne'ena 'alhua, qaq aỹem sa saỹaten co'ollaxa.»

Génesis 37:5

Qaq huo'o so na'a'q, nache so José huo'o so lchoxonaxac, nache da'aqtaxanema soua lqaỹa't. Qalaxaye soomaye nquictec da lquiỹaqa' somaye.

Génesis 37:9

Qaq co'ollaq qaỹata'ague, nache so José qaltaq huo'o so lỹa lchoxonaxac, qaq nataqa'en da'aqtaxanema soua lqaỹa't, nache 'eeta': «Aỹem huo'o so lỹa ichoxonaxac, qaq se'eso ichoxonaxac selota'a aso nala', qataq so ca'agoxoic, qataq soua once huaqaañi, nache soomaye aỹem natameetracot.»

Génesis 46:2

Qaq se'eso pe, nache Ñim Lo'onatac 'Enauacna detaxaỹapegue' so Israel, huaigui naqa'en so lo'ochaxa, da iỹaxana da le'enaxat, 'eeta' ¡Jacob! Nache somaye ỹasat, 'eeta': «Aja', aỹem soota'a ne'ena.»

2 Samuel 7:4

Qalaxaye se'eso pe, Ñim Nataxala' nachaxana so Natán, nache 'enapega 'eeta':

1 Reyes 3:15

Qaq co'ollaq nlouec so Salomón, nache nanoma da dechoxootac. Huaña nache ỹe'eguelaq, taỹa ye Jerusalén, qaq co'ollaq ivireuo nache taua'a ye netaña aso arca maye laỹe' da naỹamaxataxac Ñim Nataxala', nache ỹaneuo aso lachetaqtaxanaqte qaỹavigaxatta, qataq aso qanhuaachigui. Qaq ime, nache ỹo'ot so nquia'axac, nache dequi'iỹa'ai' 'enauac so ltauapi.

1 Reyes 3:5

Qaq huo'o so pe, co'ollaq huaña ye Gabaón, nache Ñim Nataxala' nachaxana so Salomón, huaigui so lchoxonaxac, nache 'eeta': «Ñaq aỹem 'auỹaxanot nagui, qaq Aỹem, 'am sanem qome cam 'auỹaxanaique.»

Da na'aqtaguec so Job 33:15

Cha'aye huo'o naxa da huaigui da qarchoxonaxac ye pe, qataq huo'o da huaigui naqa'en da qarloxoc da so'ochaqta.

Da na'aqtaguec so Job 4:13

Qaq so pe co'ollaq mashe 'enauac da do'oche so shiỹaxauapi, nache ỹataqta qauem so ỹo'ochaxa.

Salmos 105:15

«Saishet da qaupocheeua'a na lleca'aguishecpi, qataq saishet da qauo'ochec ca qauem na ỹa'aqtaxanaxanecpi.»

Salmos 89:19

Huo'o co'ollaxa so na'a'q da huaigui 'anqa'en so nauanaqchec da 'autaqa, nache 'aua'aqtaxanem na 'aralamaxat nhuo' le'ecpi, maye ỹataqta 'am ỹalaxaguet, qoneta': «Mashe sanem da itaunaxanaxac ñim ỹataqta 'añaxaic, ñim ỹataqta no'on da lataxac ne'ena nhuo' le'ecpi, maye mashe sanagui da la'amaqchec da nta'a.

Éxodo 7:1

Nache Ñim Nataxala', 'enapego' so Moisés, 'eeta': «Qaq 'am qome, nache 'eeta'am da 'eco' nache aỹem qom 'autaxaỹapegue' ñi faraón, qaq so 'arqaỹa Aarón, nache 'artaxaỹaxanaxanec.

Jeremías 23:25

Aỹem, sa'aqtega da nashepegaxanaxac ne'ena na'aqtaxanaxanecpi, da 'eetega ỹa'axattac da ỹe'enaxat, qataq 'eetega ña'aqtaxaatague' da huaigui na lchoxonaxacpi.

Jeremías 23:28

¡Ca na'aqtaxanaxanec da huo'o ca lchoxonaxac, qalaq iuen da ỹa'axatta da choche lchoxonaxac, qalaxaye da ỹaconegueta naua ỹa'aqtaqa qalaq iuen da ipagaqchiichiguilo da ỹa'axa't! Cha'aye, ca 'auaqpi saishet da qanaloqnet ca trigo.

Ezequiel 1:1

So na'a'q cinco so ca'agoxoic cuatro, so vi'i treinta, nache aỹem Ezequiel sooto'ot na loigue ye tala Quebar, salectaigui so ncoñeteguishecpi. Nache nque'elaxatta da nauatoigui na piguem, nache huo'o so ỹauanaqchec chegoqo'ot Ñim Lo'onatac 'Enauacna.

Daniel 10:8

Qaq nache Aỹem 'oonolec da ño'onañi co'ollaq huo'o se'eso lta'araic ỹauanaqchec, nache aỹem ỹataqta ñapagaqtec, qataq ñanomteguet da qaica ca ỹa'añaxac.

Daniel 2:19

Qaq nacheso se'eso pe da so Daniel, qaỹachaxana som saqcha'a, huaigui so lauanaqchec, qaq huaña nache so Daniel ỹo'oxoren Ñim Lo'onatac 'Enauacna maye neto'ot na piguem

Daniel 7:1

Qaq so la'auaxanec vi'i da lo'onataxanaxac so Belsasar ye Babilonia, nache so Daniel huo'o so lchoxonaxac, qataq so lauanaqchecpi. Qaq co'ollaq nlouec, nache ỹiyiñi nam lataxacpi maye ỹataqta huo'o naq 'enec naqa'en. Qaq 'era dam ỹiyiñi somaye:

Daniel 8:2

Qaq so sootaigui so ỹauanaqchec, nache 'eeta'am ñaqa'en da soota'a ye huaqta'a't nỹecpi ye Susa, maye huaigui ye 'alhua Elam, maye hueto'ot na loigue aso tala Ulay.

Oseas 12:11

Ye Galaad, hueta'a na ỹaqa'a atamnaxala'pi, qalaxaye namayepi nda'a't na saq 'en. Qaq ye Gilgal huaña na qoỹaategueuo nachetaqtaxanaxat huaca, ỹoqo'oye ana lca'atoxonaxalatepi dolagui qome, 'eeta'am ca logosheguem coma'pi, maye huetalec ca qanqalagoxotsheguem 'alhua.»

Joel 3:1

Qaq que'ecaua na'axa'te qom ivita ca laloqo' da ñe'eguelaxat nam noxonecpi Judá le'ecpi qataq nam Jerusalén le'ecpi,

Zacarías 1:8

Qaq huo'o so pe, nache huo'o so ỹauanaqchec: Aỹem sela'a so ỹale netalec so caaỹo togaxaraic. Somaye netangui so ca'amegue nachattanguilo soua 'epaq le'enaxat arrayanes, qataq hueta'ague na l-laq somaye so laỹepi caipi, huo'o so togaxaraicpi, tocalecpi, qataq so lapaxaxaicpi.

Números 24:4

nam hua'aqchiguilo naua la'aqtaqa Ñim Lo'onatac 'Enauacna, qataq ila'alo naua lauanaqcheco Ñim Lo'onatac 'Enauacna maye Qaica ca Ỹaqalanapec, nam huo'oi naua lauanaqcheco maye ỹataqta yo'oqteguelo.

Mateo 1:20

Qaq co'ollaq ñaq tatapigui lauel de'era so José, nache anac so lamaxashec Ñim Lo'onatac 'Enauacna, huaigui naqa'en so lo'ochaxa da nachaxana somaye. Nache 'enapega, 'eeta': –José, 'am maye 'auachegoxoguet so nta'a David, saishet qome da 'añi'i da 'apaca'aguet añi María da 'arhua. Cha'aye dam llalec maye huetaigui añimaye, chegoqchigui da la'añaxac So Saqcha'a Na'añaxac Qui'itta.

Mateo 2:19

Qalaxaye co'ollaq mashe ileu so Herodes, nache huaña ye Egipto da qaltaq nachaxana so José so lamaxashec Ñim Lo'onatac 'Enauacna, huaigui naqa'en so lo'ochaxa. Nache 'enapega, 'eeta':

Mateo 23:31

Qalaxaye da qarataxaqui ỹoqta 'eesa da 'eeta'am somayepi.

Mateo 23:34

Aỹem samaq qome ca ỹa'aqtaxanaxanecpi qataq ca ỹaanaxanaxaicpi qataq ca napaxaguenataxanaqpi. Qalaxaye huo'o qome ca qaualauache camayepi qataq qauaxañiiguet ca npe'enaxaqui; qataq huo'o qome na qauaxañiitac da huaigui ana qanapaxaguenaxaqui, qataq huo'o qome ca laỹepi da qaviraxachiỹa'a na laỹepi nỹecpi da qaucañiitac.

Mateo 23:37

¡Qami' shiỹaxauapi maye qoñiitaña na Jerusalén! ¡Qami' shiỹaxauapi maye qoñiitaña na Jerusalén! Qami' qaualauache co'ollaxa so la'aqtaxanaxanecpi Ñim Lo'onatac 'Enauacna qataq so lamaxashecpi maye qami' namaxalo Ñimaye. Aỹem ỹataqta qalota naxa da sauotaique da qami' ñepaxattaleguete da sheeta'am aca 'olgaxa da ltelaxa ca llalaqpi da nqapaxaatalec, qalaxaye qami' saishet da Aỹem qauaqaita'a.

Mateo 27:19

Qaq so Pilato co'ollaq ñaq nmittac de'era, nache aso lhua namaxai' da la'aqtac, 'eeta': «Saishet qome da 'aỹapegueua'a que'eca ỹale maye no'on da lataxac, cha'aye so pe ỹataqta qaica ca 'ena'am da lchec so ichoxonaxac, souaxat camaye.»

Lucas 1:11

Nache nque'elaxatta da so lamaxashec Ñim Lo'onatac 'Enauacna nachaxana so Zacarías, netaua'a na aloic aso nca'atoxonaxalate.

Lucas 1:22

Qaq co'ollaq nnoxonec so Zacarías, nache saishet da detaqa, nachaqrata da ỹauota'aisalo naua lhuaxaye. Nache so shiỹaxauapi ỹaỹaten da so Zacarías huo'o so lauanaqchec.

Lucas 20:6

Qaq da huo'otaq shenaqapec da choche shiỹaxaua ca ỹamaxalec, qaq 'enauac na shiỹaxauapi ỹoqta qome da qomi' ỹasa'q na coma' da qomi' ỹalaua't, cha'aye ỹoqta 'eesa da na shiỹaxauapi ỹa'amaqten da so Juan, somaye la'aqtaxanaxanec Ñim Lo'onatac 'Enauacna.

Hechos 10:11

Ila'a na piguem da 'eeta'am da nauatoigui, nache ỹauaateguet so 'eeta'am na hualoq laỹe lta'araic, qaicoñetta'a't naua cuatro ltelal da naỹaña ana 'alhua.

Hechos 10:17

Qaq co'ollaq ña deuennataxaatac so Pedro da chaq 'eetec ca naigui se'eso lauanaqchec, nache mashe nvildeua'a ye lma' so Simón soua ỹale't maye lamaxa'she so Cornelio.

Efesios 4:11

Ime, nache ỹanem ca nme ñi 'oonolec na shiỹaxauapi. Nache huo'o na lamaxashecpi naqa'en Somaye, qataq huo'o na la'aqtaxanaxanecpi qataq huo'o na lataxala'pi naqa'en na 'amqaanataxanaxaicpi, qataq na napaxaguenataxanaqpi.

Deuteronómio 18:15

Qaq Ñim Nataxala' maye Qanatamnaxala'ai qami' chegoqtoiguilo naqa'en qome ca la'aqtaxanaxanec da 'eeta'am aỹem, qaq camaye ỹataqta qaualaqaiguet qome.

Deuteronómio 18:18

Qaq Aỹem, sachegoxottoigui qome namayepi ca ỹa'aqtaxanaxanec maye 'am 'eeta'am, qaq camaye nache ỹa'axat qome ca samaxalec ỹa'aqtac da da'aqtaxanem namayepi.

Hebreos 1:1

Soua ỹataqta qaỹoqteguelo vi'iye, so la'aqtaxanaxanecpi Ñim Lo'onatac 'Enauacna da'aqtaxaateguem som hua'au qarta'alpi. Ỹataqta qalota naxa da da'aqtaxanem da la'aqtac Ñim Lo'onatac 'Enauacna, qataq ỹotta'a't da lataxac naqa'en da da'aqtaxanem somayepi.

Apocalipsis 11:10

Qaq 'enauac qome nam shiỹaxauapi maye huetalec ana 'alhua ỹataqta huo'o da ntonaxac qome da ilota'alo caamaye qom mashe ileu', nache ỹauo'o ca ntonaxac namayepi da qantootaleguete da l-leuqa't. Qaq souaxat da ntonaxac, nache ñi 'oonolec ỹamaxa ca lachetaqtaxanaxat ca lỹa, cha'aye ỹataqta lta'araic naqa'en co'ollaxa da nque'eenaxac na shiỹaxauapi se'esoua dos na'aqtaxanaxanaqa.

Apocalipsis 11:3

Nache Aỹem sama'q caua dos ỹa'aqtaxanaxanaqa, da yaqto' ỹa'axa't da ỹataqta 'eesa ỹa'aqtaxanaxac. Qaq caamaye qom sama'q qalaq ỹaatrañi ñaqa'e'n caua alogo lasouaxaqui', da yaqto' ỹa'axat da ỹa'aqtaxanaxac iviraxattre'c que'ecaua tres vi'iye qataq ca laiñi ca lỹa vi'i.»

1 Samuel 28:6

Ỹoqo'oye so Saúl inat co'ollaxa Ñim Nataxala', qalaxaye Ñimaye saishet da ỹasateguet da ỹachegoxotchigui ca lchoxonaxac, huo'otaq so coma' maye le'enaxat urim, huo'otaq so na'aqtaxanaxanecpi.

1 Samuel 3:15

Qaq co'ollaq ime de'era, nache so Samuel ỹe'eguelaxañi da nnaañi, nache ivitta'a so mashe yo'oxoñi nache ñisheguem, nache ỹauatoiguilo soua laso'omi aso atamnaxaqui, qalaxaye saishet da da'aqtaxanem so Elí som lauanaqchec somaye.

1 Samuel 3:21

Qaq Ñim Nataxala', nache queto'ot da nachaxaatac naxa da huaña ye Silo, cha'aye nacheye ye huaña naxa da ỹanem so Samuel da la'aqtac.