Números 12:3 - La'aqtaqa Ñim Lo'onatac 'Enauacna 2013

³ Qalaxaye so Moisés ỹataqta huesota da lataxac, qaica ca 'ena'am na shiỹaxauapi, maye netalec ana 'alhua.

Números 12:3 Iomraidhean Croise

Salmos 147:6

Ñim Nataxala', nauaxaỹaxaasheguem na choxoraqpi, qalaxaye huetaiya' naqa'en na qauemaicpi.

Salmos 149:4

Cha'aye Ñim Nataxala', ỹamaateguet na lalamaxat nhuo' le'ecpi, qataq no'on naqa'en da lca'alaxa ca qaica ca la'amaqchec.

Números 12:4

Ỹoqo'oye Ñim Nataxala' 'enapega so Moisés, Aarón qataq aso María, 'eeta': «Qami' tres qanqo'oñeeua'a ñi npe'l maye naỹonqa'». Nache 'enauaque soomaye co'ollaxa da je'c.

Mateo 11:29

Qaualaqaiguet na ỹamaxasoxonaxacpi qataq qavi'inaxache Aỹem, cha'aye Aỹem hualaxauaic qataq ỹataqta 'eesa da saishet da llateela't. Da nache qoñiitec de'era nache ishet da qauanachiỹa ca qanmataxaqui.

Mateo 21:5

«Qaua'aqtaxañim nam shiỹaxauapi maye hueta'a ye Jerusalén qoñiita': ¡Ñaq qauloỹeeguet, 'ena cha'aguet na qarta'ai! Namaye ỹataqta qaica ca la'amaqchec, anacta netalec na 'ashena, na 'ashena llalec.»

Mateo 5:5

Ñim Lo'onatac 'Enauacna ỹaalec da nqouagaxa nam qaica ca la'amaqchec, cha'aye namayepi ỹaconeguet cam 'alhua maye ỹachaxanapec Ñimaye.

2 Corintios 10:1

Aỹem qoỹeetegacnaxa da qaica ca ỹa'amaqchec da qami' sootaiguilo, qalaxaye naxa da aỹem qaỹoqta, qalaq ỹataqta saq llivigui ye iuel. Qaq aỹem qami' ñachoxonnoiguilo chegoqchigui da lsoxosoxonaxac qataq da lauotaxanaqtaic So Cristo, da qom qami' sevitalo, qalaq saishet da aỹem qauamaqỹalec, da yaqto' sa sareno'ot da shenapega nam qomi' quetapegueleguete, cha'aye namayepi 'eetega da so'otaqtac damaye, cha'aye huo'o cam yo'oqchigui ñaquitaqtaique, shenaqta'am nam laỹepi shiỹaxauapi maye huetalec ana 'alhua.

2 Corintios 11:5

Cha'aye aỹem sela'a da saishet da aỹem napacalec nam qoquiitague'pi maye 'eetega da nataỹaña nam Jesús lamaxashecpi.

2 Corintios 12:11

Aỹem saỹaten da maiche ño'oxoreetapeguela't, nache damaye ỹa'axat da qaica ca saỹaanapec, qalaxaye qami' aỹem qauamaqỹalec da so'ot damaye. Qamaq qami'ctaxa maye qavio'oxoyiñiitac aỹem, cha'aye sela'a da saishet da aỹem napacalec nam qoquiitague'pi maye 'eetega da nataỹaña nam Jesús lamaxashecpi, na'aictaxa da aỹem qaica ca shenec.

1 Ts 2:7

Qaq cha'aye souaxat da qomi' lamaxa'she So Cristo, nache qomi' seshetaqtaxa da qami' shenaqapegalo da qomi' qautauañi', qalaxaye saishet da so'otaq damaye. Nachaqrata da co'ollaq qami' souaqta'agueta, nache ỹataqta huo'o da qarsoxosoxonaxac da qoñiita, shenaqta'am da lauotaxanaqtaic aca nate'e maye ntela'a qataq ỹaqchet ca llalec.

Santiago 3:13

Da huo'o ca 'oonolec da qoñiita da ỹataqta ỹaanaxanaxaic qataq sa nqalat, nache iuen da ỹachaxan ca ỹaỹamaqchiguiñi maye ỹo'ot qataq ỹachaxan da saishet da na'amqaanaxaic.