Números 12:2 - La'aqtaqa Ñim Lo'onatac 'Enauacna 2013

² Soomaye nataqa'en 'ena'apo': «Ñim Nataxala' saishet da nachesota so Moisés, da detaqtague', cha'aye nataqa'en qomi'». Qaq Ñim Nataxala' hua'aqtegalo co'ollaxa soomaye.

Números 12:2 Iomraidhean Croise

Génesis 29:33

Qaq co'ollaq qaỹata'ague de'era, nache aso Lea qaltaq huo'o so lỹa llalec, nache ỹanagui da le'enaxat Simeón, nache 'enapeco': «Ñim Nataxala' hua'aqtega co'ollaxa da ño'otanaguec, ỹoqo'oye qaltaq aỹem ỹanem na lỹa ỹalec.»

2 Samuel 11:27

Qalaxaye co'ollaq ime dam lasouaxac asomaye, nache so David damaxasoxoneuga asomaye da yaqto' qaỹauegueua'a so lma' lta'araic, nache so David ỹauo'o lhua asomaye, qaq co'ollaq qaỹata'ague de'era, nache asomaye ñiguiñi so llalec. Qalaxaye Ñim Nataxala', ỹataqta sa ỹaỹamaxaren de'era ỹo'ot so David.

2 Reyes 19:4

Qaq 'onaxaictaxa da Ñim Nataxala' maye 'Anatamnaxala', ishet da hua'aqchigui da la'aqtac so 'amaqtaqaic nataxala' maye lamaxashec ñi nta'a ye Asiria, maye anaga da isheueetac Ñim Lo'onatac 'Enauacna. Qaq 'onaxaictaxa da Ñim Nataxala' maye 'Anatamnaxala' ỹauo'o ca nhuaxanaguec, souaxat de'era la'aqtac maye hua'aqchigui. Qaq ñaq 'anqouagaxaueelec qome nam shiỹaxauapi maye no'onañipi.»

Éxodo 4:14

Nache Ñim Nataxala', dalemataỹa so Moisés, nache 'enapego', 'eeta': «¿Peta'a saisheto' da 'arqaỹa ñi Aarón maye leviita? Aỹem saỹaten da ñimaye ỹataqta ỹaỹaten da ltaxaỹaxac. Qataq ñimaye 'am huaqatta'aguet qome qataq ỹataqta machiguiñi qom 'am nauane'.

Éxodo 4:30

Nache so Aarón ỹa'axat 'enauac na la'aqtacpi Ñim Nataxala' maye ỹami' so Moisés, nataqa'en ỹo'ot na na'anecpi maye ỹo'ot da na'aalaxa, ỹauaachigui naqa'en so shiỹaxauapi.

Éxodo 5:1

Qaq co'ollaq ime de'era, nache so Moisés qataq so Aarón, nqo'ooreua'a da detaxairapegue' so faraón, nache 'ena'apo': «Ñim Nataxala' maye Natamnaxala' na Israel le'ecpi, da la'aqtac 'eeta': ‹'Aua'aqta'a qome na ỹalamaxatpi da taỹa ye toolec 'alhua, da yaqto' ỹo'ot ca llo'oxonnataxanaxac da aỹem ỹo'oxoren.›»

Éxodo 7:10

Nache so Moisés qataq Aarón je'c da nqo'ooreua'a so faraón. Ime, nache ỹo'o't 'enauac dam ỹamaxaleguete Ñim Nataxala'. Nache so Aarón, ỹasaxauec aso lashelte, ỹauaachigui naqa'en so faraón qataq so ltauapi. Nache asa'aso nashelte nañigui na na'araxanaq.

Proverbios 13:10

Da 'amqaanaxac ỹo'oteua'a da loquiaxac, qaq da naỹaanec qalaq hueta'aguet ca sa na'amaqten.

Isaías 37:4

Qaq 'onaxaictoxo' da Ñim nataxala' maye 'anatamnaxala', da hua'aqchiguilo naua la'aqtaqa som lataxala' na alleppi maye lamaxashec ñim nta'a ye Asiria, cha'aye anac da isheueetac Ñim Lo'onatac 'Enauacna maye nca'altauec, qataq 'onaxaictoxo' da ỹauo'o ca nhuaxanaguec souaxat nam qauem la'aqtacpi, maye yo'oqta da hua'aqchigui Ñim 'Anatamnaxala'. Ñaq 'auo'ot taxa ca 'anatanmaxac da 'auỹaxaalec nam no'onañi nhuo' le'ecpi maye ña nca'altauecpi.»

Miqueas 6:4

Aỹem, qami' ñeqateeguesopa co'ollaxa ye Egipto, qataq qami' sesoueeguesopa da qanlataguiiqui, aỹem samaq co'ollaxa so Moisés, Aarón qataq aso María, da yaqto' qami' ỹaueca'agueta.

Números 11:1

Huo'o so na'a'q, nache so Israel le'ecpi quetapeguelec Ñim Nataxala', souaxat da huaigui nque'eenaxac somayepi. Nache Ñim Nataxala' hua'aqtega co'ollaxa somayepi, nache ỹataqta dalemata, huaña nache ỹavigoigui naqa'en naua loiguiye so lpe'lpi somayepi.

Números 11:29

Nache so Moisés 'eeta': ¿Peta'a aỹem 'auca'alaxaatapeguelec? ¡Qamaq da iyaxa ctaxa da 'enauac ne'ena nhuo' le'ecpi, talec so laỹe so Saqcha'a La'añaxac Ñim Nataxala', nache 'enauac da na'aqtaxanaxanecpi!

Números 12:3

Qalaxaye so Moisés ỹataqta huesota da lataxac, qaica ca 'ena'am na shiỹaxauapi, maye netalec ana 'alhua.

Números 16:3

Nache 'enauac somayepi huaxaỹa't da dataỹa'aguet so Moisés qataq so Aarón, nache 'enapegalo soomaye, 'eeta': ¡Nache a'aye ctaxa da qauapaquiitapeguec qami'! Cha'aye 'enauac ne'ena shiỹaxauapi, mashe qaiỹotauga da lalamaxat Ñim Nataxala'. Qataq Ñimaye hueta'aguet namayepi. ¿Qaq ta'ainco' da ỹataqta qanpa'axañiilec da qaralamaxache qanqa'eñi na lalamaxatpi Ñim Nataxala'?

Romanos 12:10

Ñi 'oonolec ỹataqta ỹauotec ca lỹa 'eeta'am ca ỹoqta lqaỹa, qataq ñi 'oonolec huo'o naq 'enec naqa'en ca lỹa.

Romanos 12:3

Qaq Ñim Lo'onatac 'Enauacna ỹachegoxotchigui da lqouagaxanaqtaic da aỹem ỹanagui da lamaxashec Ñimaye, qaq ỹoqo'oye qami' shenapegalo da saishet qome da qauapagaqñiiteguec da qoñiitega qami' no'o'n. Nachaqrata da maiche qanloila't, maicheye cam nalotaua'a cam ỹami' Ñim Lo'onatac 'Enauacna ñi 'oonolec da qoñiita maye qoquiitague' So Cristo.

Filipenses 2:14

Qaq da huo'o ca qauo'oche, qalaq saishet da qautaqaitac, qataq saishet da qancotaitega't,

Filipenses 2:3

Qataq da huo'o ca qauo'oche qalaq saishet da qami' ño'oxonnaxaiqa, huo'otaq da choche qancotaitapigui. Nachaqrata da qauroilec da huesota qarataxaqui, qataq saishet da qaica ca qa'añiỹaigui ca qarỹai da qoñiitega saishet da qoñiita'am.

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»