Números 12:1 - La'aqtaqa Ñim Lo'onatac 'Enauacna 2013

¹ Aso María qataq so Aarón quetapeguelguete co'ollaxa so lqaỹa Moisés, souaxat somaye da huaroneguet co'ollaxa aso lma' ye Cus, maye saishet da lauo' lashe.

Números 12:1 Iomraidhean Croise

Génesis 24:3

nache 'aỹa'anot ca 'ara'aqtac Ñim Nataxala' maye lo'onatac na piguem qataq ana 'alhua, da yaqto' saishet da 'auashenem ñi ỹalec Isaac, da huaroneguet aca 'alo maye lma' na 'alhua Canaán, maye soota'a nagui,

Génesis 24:37

Qaq ñi ña'aco' aỹem ỹamaxalec da sanot ñimaye da ỹa'aqtac, nache aỹem 'enapega, 'eeta': Saishet qome da 'auasheneguet ñi ỹalec da huaroneguet aca 'alo maye lma' na Canaán maye soota'a nagui,

Génesis 27:46

Qaq ime, nache aso Rebeca 'enapega so Isaac, 'eeta': «Aỹem mashe ỹataqta ñasamñi souaxat ñeua hitiita maye huaronegueta ñi Esaú. Qaq ñi Jacob da huo'otaq huaroneguet aca hitiita da 'eeta'ama ñiimaye, anam hueta'a ne'ena Canaán, qaq no'on da seleu.»

Génesis 41:45

Nache so faraón ỹanagui so José da le'enaxat Safenat Paneaj, qataq ỹaronaxanaxaneguet aso Asenat, asom llale so Potifera, som ltaxaỹaxanaxanec na shiỹaxauapi maye lma' ye On. Qaq 'era da 'eetec so José da ilo'ogue co'ollaxa ye Egipto.

Éxodo 2:16

Qaq se'eso na'a'q nache soua siete llale so Reuel maye ntaxaỹaxanaxanec ye Madián, soomaye naraxaama aso ñi'illoxoqui da yaqto' nỹoxosheguem so 'etaxat da nỹomaxan aso lalo qaguetapi so lta'a.

Éxodo 2:21

Qaq co'ollaq deque'etac somaye, nache so Reuel 'enapega da nache hua'a ye lma' somaye, nache so Moisés ỹaỹamaxareeta. Qaq co'ollaq mashe qaỹoqteguelo soua na'axa'te nache so Reuel ỹanem so Moisés da lhua aso llale Séfora.

Éxodo 34:16

huo'otaq da ỹaronaxanaxan ca llalpi, nache ỹaronaxaneguet ca qaỹa'alquipi, qaq aca llalpi yemayepi da huo'otaq nquisheshe da natamnot na natamnaxala'pi, nache acamayepi ishet da nquisheshaxanaxan ca qaỹa'alquipi da huo'otaq ỹo'ot de'era quishishaxac maye ỹo'ottac acamayepi.

Levítico 21:14

Qataq saishet qome da huaroneguet aca pa'ai, huo'otaq aca qaỹalat, huo'otaq aca mashe ỹauana na ỹale, huo'otaq aca quisheguetaxai. Nacherata da huaroneguet aca saxanaxa da ỹauana na ỹale, qataq chegoxoguet na maiche lauo' le'ecpi,

Números 14:22

nache qaica ca 'oonolec nam ỹauaachigui da ỹo'oxoyec, qataq na na'anecpi maye so'ot co'ollaq huaña ye Egipto, qataq so huaña ye toolec 'alhua, qataq nam qalota da Aỹem ỹe'eguen, qataq na saishet da aỹem ỹalaxaguet,

Números 16:2

soomaye dataira'aguet co'ollaxa so Moisés, nache huaxaiguet so doscientos cincuenta Israel le'ecpi. Qaq se'eso ỹalleppi ỹataqta huo'o naq 'enec, qataq nataxala'pi.

Números 26:59

Qaq so Amirán huaroneguet co'ollaxa aso Jocabed, maye llale so Leví, co'ollaq ñaq netaña ye Egipto. Nache so Amirán qataq aso Jocabed nachesoua soua lta'al so Aarón, Moisés qataq aso María.

Mateo 10:36

Cam ỹataqta qanpa'aguenaxauai, nacheca ca maiche qaralamaxache qarhuo'oi le'ec.

Mateo 12:48

Qalaxaye Somaye denataxan, 'eeta': –¿Negue't acam ỹataqta 'eesa da ỹate'e qataq ỹaqaỹañicpi?

Juan 15:20

Qaq qauennachiỹa'a da ỹa'aqtac maye qami' sanema quiye da sheeta': «Qaica ca nlatac da huo'otaq ishet da napacalec ca na'aco'.» Qaq da huo'otaq Aỹem qaicaatac, qaq nataqa'en da qoñiita huo'o da qancanaguiiqui. Qaq da ỹataqta ỹalaxalec da ỹapaxaguenataxanaxac na shiỹaxauapi, qaq nataqa'en ỹataqta ỹalaxaguet da qarapaxaguenataxanaxaqui.

Juan 7:5

Qaq la'aqta'c de'era soomaye, cha'aye nataqa'en saishet da huotaique da ỹa'amaqte'n So Jesús.

Gálatas 4:16

¡Qaq nagui, souaxat da qami' sa'aqtaxaateguema dam ỹataqta 'eesa, nache damaye aỹem ỹo'otec da 'eeta'am da qami' ñepa'aguenaxau'!