Números 11:7 - La'aqtaqa Ñim Lo'onatac 'Enauacna 2013

⁷ Qaq aso maná 'eeta'am ana ala ana cilantro, qataq qovialec da lo'oxoỹaxac, 'eeta'am na qo'oipaq lcha'q.

Números 11:7 Iomraidhean Croise

Génesis 2:12

Qaq nam oro maye huaña yi'iye 'alhua qalaq ỹataqta no'on, nataqa'en huaña na no'on qo'oipaq lcha'q, qataq na no'on coma' maye le'enaxat ónice.

Éxodo 16:23

Qalaxaye so Moisés 'enapega somayepi, 'eeta': «'Era da la'aqtac Ñim Nataxala'. Qonte' laloxoqui da mataxac, qataq da qaỹo'oxoren Ñimaye. Qaq ỹoqo'oye nagui qauauoche qome cam qauauoitaique da qauauoche, qataq qaỹa'añiiuaq cam qauauoitaique da qaỹa'añiiuaq. Ime, qaq qauaỹamaxache ca no'onañi da taỹaigui imauec qonte'».

Éxodo 16:31

Nache so Israel le'ecpi ỹamata'ac maná se'eso nallec maye natotac. Asomaye lapagaxai, 'eeta'am ana ala ana cilantro, qataq ỹataqta ama 'eeta'am ana sanquesaxan nauole 'ayiiña da qaỹalecneguet na te'esaq lli'i.

Números 11:8

Qaq so shiỹaxauapi ỹe'egueetegueuga naxa aso maná, ime nache ilaxachigui ỹauota'a na coma', huo'otaq ana 'araxanaxaqui, qaq naxa da ime, nache ỹaneuaq ỹachangui ana taxaqui da ỹo'ot nauolepi.

Apocalipsis 2:17

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»