Números 11:16 - La'aqtaqa Ñim Lo'onatac 'Enauacna 2013

¹⁶ Qalaxaye Ñim Nataxala', 'eeta': «'Alaỹona't qome ca setenta nqueroxonecpi Israel le'ecpi, maye lataxala'pi ne'ena nhuo' le'ecpi, nache 'auauegueua'a ye ñegueuo ñi npe'l, nache camayepi qataq 'am, aỹem qauachiỹaique qome.

Números 11:16 Iomraidhean Croise

Génesis 46:27

Qaq so José qalaq dos soua llalqa maye lañoqo't co'ollaxa ye Egipto. Qaq da ima'a't som llalaqpi so Jacob, som ivireua'a co'ollaxa ye Egipto qalaq ivi' setenta shiỹaxauapi.

Éxodo 18:25

Nache lca'aua'a som ỹalleppi Israel le'ecpi maye ỹataqta huo'o na ỹaỹaten. Ime, nache huo'o so ipataxalec da ilo'ogue so mil shiỹaxauapi, qataq so cien, qataq so cincuenta qataq soua diez.

Éxodo 24:1

Nache Ñim Nataxala' 'enapega so Moisés, 'eeta': «'annotsheguemec qome ana qasoxonaxa da yaqto' 'am setaxaỹapegue', 'annaictague' ñi Aarón, Nadab, Abiú qataq ca setenta lqueroxonecpi na Israel le'ecpi, qalaxaye saishet qome da ỹapac saqaỹapeque qanqa'eñi na soota'a, qataq ỹa'attrañi qome naua l-llecte.

Éxodo 24:9

Ime, nache so Moisés tasheguemec aso qasoxonaxa, nnaictague' so Aarón, Nadab, Abiú qataq so setenta lqueroxonecpi so Israel le'ecpi.

Éxodo 4:29

Ime, nache soomaye je'c da laỹona't 'enauac so lqueroxonecpi so Israel le'ecpi.

Jeremías 19:1

Ñim Nataxala' aỹem 'enapega, 'eeta': «Qojec qome nache 'ausheenaxana aca naco'oña 'alhua, nache 'auauo'oi caua 'auỹaxanalo nam nqueroxonecpi maye lataxala' ne'ena nhuo' le'ecpi qataq caua ntaxaỹaxanaxanaqa maye mashe ỹe'.

Ezequiel 8:11

Qaq so Setenta nqueroxonecpi, maye lataxala' na Israel le'ecpi datato'ot se'eso ne'enaqtacpi, qaq somayepi nache ỹalectaigui so Jazanías som llalec so Safán da ỹo'oreettac se'eso nqolacpi. Qaq ñi 'oonolec somayepi nasoqta'a so laỹe' na nchenaxanaxat, qaq nache chegoqtapiguingui da naỹoxoosheguem so sansattec lmala'q na nchenaxanaxat.

Números 11:24

Nache so Moisés pa'auec da da'aqtaxanem se'eso nhuo' le'ecpi de'era la'aqtac Ñim Nataxala'. Ime, nache laỹona't so setenta nqueroxonecpi Israel le'ecpi, nache coleesop naqa'en so npe'l.

Números 16:25

Nache so Moisés qataq so nqueroxonecpi maye lataxala'pi so Israel le'ecpi, nqo'ona co'ollaxa so hueta'a so Datán qataq so Abirán.

Lucas 10:1

Qaq co'ollaq ime de'era, nache So Jesús lca'aua'a so setenta y dos laỹepi lapaxaguenatacpi, nache ỹamaq somayepi dostega't naqa'en, da ỹa'auaxaata'a 'enauac na naña na saq 'amaqtaq nỹecpiolec qataq naua lỹa't 'aleu' maye taỹa'alo Somaye.

Lucas 10:17

Qaq som setenta y dos napaxaguenatacpi maye ỹamaq co'ollaxa So Jesús ỹataqta machiguiñi co'ollaq ñe'eguelaq. Nache da'aqtaxaatac, 'eeta': ¡'Am Qarataxala', ivira'a na saqcha'a na'añaxac leguemaxaicpi ỹataqta qomi' ỹalaxagueta da shenaqapega da seroxolec da 'are'enaxat!

Deuteronómio 1:15

«Nache saconeua'alo soua shiỹaxau' sachegoxotaigui ñi 'oonolec na maiche nalamaxat nhuo' le'ecpi, maye ỹaanaxanaxaiqa qataq mashe nmate' na lataxaguesat, nache sami' da huo'o naq 'enec da qami' ilo'oguelo. Qaq huo'o na ilo'ogue ñaqa'en so mil, cien, cincuenta, diez, qataq huo'o na lataxala' na maiche nalamaxat nhuo' le'ecpi.

Deuteronómio 16:18

Nache 'enauac ñi 'oonolec que'eca huaqta'a't nỹecpi maye ỹotta'a't naua nañalo, maye Ñim Nataxala' maye Qanatamnaxala'ai qami' ỹanema qome, qauauoi qome cam nataxala'pi qataq ca aloico lo'opi, da yaqto' ilo'ogue qataq nalochiguiñi naqa'en da nmit ca nasouaxashet.

Deuteronómio 31:28

Qaq ỹoqo'oye qanaviquiiuo 'enauac na nqueroxonecpi, qataq na lataxala'pi na maiche nalamaxat nhuo' le'ecpi, yaqto' sa'aqtaxanem namayepi ne'ena na'aqtacpi, qaq na piguem qataq ana 'alhua ỹauaachigui ñaqa'en de'era, yaqto' maiche qami' dataỹa'agueta qome.