Números 11:12 - La'aqtaqa Ñim Lo'onatac 'Enauacna 201312 ¿Peta'a nachaỹemo' lta'a, huo'otaq da aỹem late'e, da aỹem 'auamaqtalec da ñepeetague' namayepi da 'eeta'am ca nogotolec maye ña qaillepaxaatac, da seviraxatta'a ca 'alhua maye 'auachaxanapecot co'ollaxa da 'aỹa'anem so hua'au lta'alpi namayepi? Faic an caibideil |
Cha'aye, Ñim Nataxala' maye neto'ot na piguem, ñim aỹem nqateeguesop co'ollaxa ye lma' so ita'a, qataq ye na'alhua yem ihuo' le'ecpi, qataq aỹem ỹachaxanapeguem ne'ena 'alhua da lma' naqa'en ca aỹem chegoxoguetpi, Ñimaye nataqa'en ỹamaq qome, da ỹa'auaxanegue da 'ata'ague ca lamaxashec piguem le'ec, da yaqto' 'auachegoxota'a yemaye da 'anauec aca lhua ñi ỹalec.
Qaq huo'o so na'a'q, nache so José 'enapegalo soua lqaỹa't, 'eeta': «Mashe sa qaỹapeque ye laloqo' da seleu, qalaxaye Ñim Lo'onatac 'Enauacna anac qome da qami' itaua'n nache qami' nqateeguesopa ne'ena 'alhua, da yaqto' qami' ỹauegalo ye 'alhua maye ỹachaxanapeguem co'ollaxa so Abraham, Isaac qataq so Jacob.»
Huaña nache so ilotague' so nma' lta'araic maye lo'onataxanaqa' so nta'a, qataq so nta'a maye ilotague' so huaqta'a't nỹecpi, qataq so nqueroxonecpi, qataq som ilotague' so llalaqpi so Ajab, ỹamaxa da la'aqtac so Jehú, 'eeta': «Qomi' so'otaq cam qomi' 'auamaxaleguete, cha'aye maiche qomi' 'aramaxashecpi. Qalaxaye saishet da sauoqo'o ca nta'a, nacherata da 'auo'ot cam ỹaỹamaqchiguiñi 'anqa'en.»
Qaq nachena ne'ena ca'agoxoic huetoigui da qami' qauo'oche ca qayo'oxonnataxanaxaqui, qom mashe ime da qami' inoxonaqcheteua'alo ye 'alhua Ñim Nataxala', yem 'alhua maye huaña da qaica ca qoue na nallec, yem na'alhua na Canaán le'ecpi, hitiitapi, amorreopi, heveopi qataq na jebuseopi. Nacheye yem ỹachaxanapeguem co'ollaxa soua hua'au' qarta'alli' da ỹauotaique da qarmaye.
Qaq na'aictaxa da ivi' ca diez mil na qami' ỹapaxagueneque da na'aqtaguec So Cristo, qalaxaye na qarta'ailpi saishet da qalota. Aỹem 'oonolec maye lta'a da qarpi'iỹaxaqui So Cristo Jesús. Cha'aye aỹem maye qami' sa'axatema co'ollaxa da no'on na'axaỹaxac maye na'aqtaguec So Cristo, nache qaviyiỹa'a da 'eeta'am da qami' ỹalaqpi.
Qaq cha'aye souaxat da qomi' lamaxa'she So Cristo, nache qomi' seshetaqtaxa da qami' shenaqapegalo da qomi' qautauañi', qalaxaye saishet da so'otaq damaye. Nachaqrata da co'ollaq qami' souaqta'agueta, nache ỹataqta huo'o da qarsoxosoxonaxac da qoñiita, shenaqta'am da lauotaxanaqtaic aca nate'e maye ntela'a qataq ỹaqchet ca llalec.