Números 11:10 - La'aqtaqa Ñim Lo'onatac 'Enauacna 2013

¹⁰ Qaq so Moisés hua'aqtega co'ollaxa da nỹeetac so shiỹaxauapi, netañalo naua lleguereuo so lpe'lpi. Nache Ñim Nataxala' ỹataqta dalemata co'ollaxa, qaq nataqa'en so Moisés sa ỹaỹamaxaren co'ollaxa de'era,

Números 11:10 Iomraidhean Croise

Salmos 106:25

Nache huetaiguilo naua lpele'ete da qauema naua la'aqtaqa, nache saishet da ỹalaxagueta naua lamaxasoxonaxaco Ñim Nataxala'.

Salmos 139:21

'Am Nataxala', ¿peta'a sa sequiỹo' na 'am nquiỹatega? ¿Peta'a sa saỹemeco' na 'am npa'agueetega?

Salmos 78:21

Nache Ñim Nataxala' co'ollaq hua'axaỹa de'era nache dalemata, qaq de'era lalemataic 'eeta'am ca norec, da dalemataỹa so Jacob.

Salmos 78:59

Nache Ñim Lo'onatac 'Enauacna denoỹa somayepi souaxat da ỹauaachigui de'era, nache sa ilo'oguet 'enauac ne'ena Israel le'ecpi,

Isaías 5:25

Qaq ỹoqo'oye Ñim Nataxala' dalemataỹa na lalamaxat nhuo' le'ecpi souaxat de'era, nache nauaxaỹaxaasheguem qome na lhuaq da yaqto' iuaxan namayepi. Qaq ana qasoxonaxapi qalaq cholaxan qome qaq na leuaxaicpi qalaq 'eeta'am ca lasogoñi da huetaiya' huetangui na nqa'aicpi. Qalaxaye da layeloxo Ñim Nataxala' saishet qome da vi'iiguet, nache queto'ot da lasauaqtaxanaxac.

Jeremías 17:4

Qaq 'am qoca'ai qome nam 'alhua maye 'am sanem co'ollaxa da 'aralamaxat, nache so'ot da 'am l-lata na 'ampa'aguenaxauapi, da qoueta'a cam 'alhua maye saishet da 'auauana, cha'aye da ỹayeloxo 'eroigui, 'eeta'am ca norec da 'am ỹavigaxatta qome.»

Números 11:1

Huo'o so na'a'q, nache so Israel le'ecpi quetapeguelec Ñim Nataxala', souaxat da huaigui nque'eenaxac somayepi. Nache Ñim Nataxala' hua'aqtega co'ollaxa somayepi, nache ỹataqta dalemata, huaña nache ỹavigoigui naqa'en naua loiguiye so lpe'lpi somayepi.

Números 11:11

nache so Moisés 'enapega co'ollaxa Ñim Nataxala', 'eeta': «¿Ta'ainco' ye aỹem 'auo'otec da sa ỹaỹamaxañi, ye aỹem 'aramaxashec? Qataq ¿Ta'ainco' da saishet da aỹem 'anqouaguec, ye nda'a't da aỹem 'aumatalec da lsallaxa ne'ena shiỹaxauapi?

Números 11:9

Qaq ye pe da naañi na 'aỹa, da talec so qanayeuta'a, nache naañi nataqa'en aso maná.

Números 12:3

Qalaxaye so Moisés ỹataqta huesota da lataxac, qaica ca 'ena'am na shiỹaxauapi, maye netalec ana 'alhua.

Números 12:9

Nache Ñim Nataxala' ỹataqta dalemataỹalo soomaye, ime, nache jec.

Números 16:27

Nache se'eso shiỹaxauapi ca'ai so netañalo soua lpele'ete so Coré, Datán qataq so Abirán. Qaq so Datán qataq so Abirán nachattrañi, huetra'a soua lleguereuo soua lpele'ete, nataqa'en soua lamoxou' qataq soua llalqa soomaye.

Números 21:5

nache ỹoltaq quetot da quetapeguelec Ñim Atamnaxala' qataq so Moisés, nache 'eeta': ¿Ta'ainco' ye qomi' qanqacheueguesopa co'ollaxa ye Egipto da yaqto' seleuaqaña qanqa'eñi ne'ena toolec 'alhua? Teno' nagui, mashe qaica ca qonoq qataq ca qaraquip. ¡Qataq mashe saỹemaxac ne'ena nallec maye qaica ca lyac!

Marcos 10:14

Qaq So Jesús co'ollaq ỹauaachigui de'era, nache dalemataỹalo soua lapaxaguenataqa. Nache 'eetegalo soomaye, 'eeta': «Ña qauaqaita'a na ñaqpiolec da Aỹem naua'a, saishet da sa qanashiñiiguet, cha'aye da lo'onataxanaxac Ñim Lo'onatac 'Enauacna, taigui cam 'eeta'am da lataxac ne'ena ñaqpiolec.

Marcos 3:5

Nache So Jesús ỹataqta dalemataỹa som datataiguipi, qaq co'ollaq ila'a da lquiyaqteỹaxac somayepi da ỹataqta qaramchigui qataq qaica ca lsoxoyec, nache huo'o da laquicoxo. Nache 'enapego' so sano'on, 'eeta': «'Anchennaxanec na 'arhuaq.» Nache se'eso ỹale nchennaxanec na lhuaq, nache no'oita.

Deuteronómio 32:22

Qaq da ỹayeloxo ỹataqta 'eroigui 'eeta'am ca norec, nache iviraña da ỹavigaxat ca qaỹoqchiguiña pa'aguiñi ana 'alhua. Qataq ỹavigaxatta na 'alhua qataq ana ala ana qo'oipaqpi, qataq ivira'a na ỹa'añaxattañi ana qasoxonaxapi.