Números 10:10 - La'aqtaqa Ñim Lo'onatac 'Enauacna 2013

¹⁰ Nataqa'en caua na'axa'te da qauamaichiguiñi, nache qaỹashiiyiguilo qome caua nasheerel, qataq da dalaxaic ñi ca'agoxoic huo'otaq da qoỹaneuo na nachetaqtaxanaxat qaỹavigaxatta, qataq na qanhuaachigui. Yaqto' qami' seuennata'alo qome. Aỹem Nataxala', maye Aỹem Qanatamnaxala'ai.»

Números 10:10 Iomraidhean Croise

2 Reyes 4:23

Nache so lhua asomaye inattaco', 'eeta': ¿Ta'ainco' da 'anqo'ona nagui? Ye nagui, saxanaxa da dalaxaic so ca'agoxoic, qataq nagui saishet da na'a'q mataxaqui. Qalaxaye asomaye 'enapeco': Saishet qome da huo'o ca tatapigui 'arhuel.

1 Crónicas 15:24

Qaq soua ntaxaỹaxanaxanaqa Sebanías, Josafat, Natanael, Amasay, Zacarías, Benaías qataq so Eliezer, nachesoua soua nasheere lo'o da huaña ye datatauga ye hueta'a aso laỹe' soua lqataxaco Ñim Lo'onatac 'Enauacna. Qaq so Obed Edom qataq so Yejías, soomaye nataqa'en ilotrague' so ñegueuo so npe'l maye netaigui aso laỹe' soua nqataxaco.

1 Crónicas 15:28

Qaq 'era da 'eetec da 'enauac so Israel le'ecpi ỹachetac aso laỹe' soua lqataxaco Ñim Nataxala', nache ỹa'alaqtai' da ntonaxac, qataq do'onaxaata'ai' da l-lamaxa ana peenaq lcouepi, qataq ana trompeetapi, qataq na natoviaxanatacpi lcat, qataq ana salteeriopi, qataq ana arpapi.

1 Crónicas 16:42

Qaq so Hemán qataq so Jedutún, nachesoua soua ỹashettrapigui soua nasheerel, qataq da iuaxaata'a't soua natoviaxanataqa lcat, qataq aso laỹe nviquepi, da yaqto' ỹaueca'aguet da no'onaxanaxac da qaỹo'onaxaato'ot Ñim Lo'onatac 'Enauacna. Qaq soua llalqa so Jedutún, nachesoua soua ilotrague' so ñegueuo so npe'l.

2 Crónicas 29:26

Nache so leviitapi nachattañi, nasoqta'a aso lviquepi maye lalamaqtepi so David, qaq so ntaxaỹaxanaxanecpi qalaq nasoqta'a aso lasheerepi.

2 Crónicas 29:28

Qaq nache 'enauac se'eso lapoota'a't shiỹaxauapi da ỹa'attrañi naua l-llecte, da ỹo'ot da llo'oxonnataxanaxac, qaq so 'onaxanaxaicpi nache queto'ot da do'onaxaatac, qataq so ntaxaỹaxanaxanecpi ỹashettapigui aso lasheerepi, nache choche ivitta'a da ime da qoỹaategueuo aso nachetaqtaxanaqte maye qaỹavigaxatta.

2 Crónicas 7:6

Qaq so ntaxaỹaxanaxanecpi qalaq nache hueta'a nam maiche lo'onataxanaqa'pi, qaq so leviitapi nache iviqueetapigui aso lviquepi maye lo'onatapi co'ollaxa so nta'a David, nache ỹo'ootac so no'onec maye 'eeta': «Cha'aye da lauotaxanaqtaic Ñimaye, chochaq tatec», nache ỹo'ootac na lo'onecpi co'ollaxa so David. Qaq so ntaxaỹaxanaxanecpi ỹashettapigui ana lasheerepi datata'aguet so Leviitapi, qaq so Israel le'ecpi qalaq 'enauac da nachattañipi.

Esdras 3:10

Qaq so nỹec lo'opi so mashe ỹo'ot so lo'oxonaxala' aso atamnaxaqui maye lalamaqte Ñim Nataxala', somayepi nachaateua'a so ntaxaỹaxanaxanecpi, ỹaatrañi soua alogo lo'onataxanaxaqui', qataq ỹauota'a aso lasheerepi. Qaq so leviitapi maye chegoxoguetpi so Asaf, somayepi ỹauota'a aso lasaquiaxanata da qaỹo'oxoren Ñim Nataxala', nache qaipacchigui da lamaxasoxonaxac so nta'a David.

Nehemías 12:35

Nataqa'en nnaictague' so ntaxaỹaxanaxanecpi maye ỹauota'a aso lasheerepi: Zacarías, Jonatán, Semaías, Matanías, Micaía, zacur qataq so Asaf,

Salmos 150:3

Qavio'oxoyiñi Ñimaye qauauoita'a aca nasheerepi, qataq qauauoita'a aca nviquepi arpa qataq aca salterio.

Salmos 81:3

Qataq qauashiiyigui ana peenaq lcoue da ivita da dalaxaic so ca'agoxoic, qataq da ivita da nlaqchigui so ca'agoxoic, maye huetoigui naxa da so'otaq da qarquia'axac.

Salmos 81:4

Cha'aye nachera da lamaxasoxonaxac Ñim Natamnaxala' so Jacob maye ỹanem na Israel le'ecpi.

Salmos 89:15

Ỹataqta machiguiñi qome ca nhuo' le'ecpi, maye ỹaỹaten da 'am ỹo'oxoreetac 'Am Nataxala', qataq quetaigui nam 'are'eraxa,

Éxodo 28:29

Nache so Aarón da taigui ca npe'l maye huaña qome da nauane' Ñim Nataxala', nache ỹaañi que'eca ntogue lapoxot da yaqto' qaỹaỹaten ca 'eetapeguec Ñim Nataxala', qataq nache netalec ana ltogue caua le'enaqa'ate soua llalqa so Israel da taua'a Ñim Nataxala', yaqto' nache 'eetai' da saishet da qaicoua'aisalo soomaye.

Éxodo 30:16

Qataq nache 'am qome da 'auaconeguet aca'aca nsheetenaxanaqte da qaisheeten da achaalataxac. Ime, nache 'aỹa'anem ca ntaxaỹaxanaxanecpi da yaqto' isheeten 'enauac nam qaỹo'otpi maye huaña ca npe'l. Qaq damaye nache ỹo'ot da Ñim Nataxala' mashe ỹaỹaten da na Israel le'ecpi mashe isheeten da nachaalataxac».

Isaías 27:13

Qaq que'eca na'a'q qaỹashiiyigui qome aca nasheere, nache anac qome yem qaỹauega co'ollaxa ye Asiria, qataq yem qaỹauega co'ollaxa ye Egipto, nache huaña qome añi qui'itta qasoxonaxa maye naña ye Jerusalén da ỹo'oxoren Ñim Nataxala'.

Levítico 23:24

«Qonapega qome na Israel le'ecpi, qoneta': Ca la'auaxanec na'a'q ca ca'agoxoic siete, camaye mataxaqui, qataq huetoigui da qauo'oche ca naponaxac lta'araic, qataq qaỹashiiyigui aca nasheerepi da yaqto' qaỹo'oxoren Ñim Nataxala'.

Números 10:9

Qaq da qami' iloquiaxa'n ca qanpa'aguenaxauaipi da qoñiitalec ca qana'alhuai. Nache da qoqui da qanalaache', nache qaỹashiiyiguilo caua nasheerel, lỹateueegue' qanqa'en ca na'alaxac. Yaqto' Ñim Nataxala' ishet da iuennata'alo qami', nache qami' nca'alaxateeguesopa ca qanpa'aguenaxauaipi.

Números 28:11

«Da ivita ye la'auaxanec na'a'q da dalaxaic so ca'agoxoic, nache qaỹa'añiỹot Ñim Nataxala', caua dos huaca llalqa, qataq 'oonolec ca qagueta lhuaraic, qataq caua siete qagueta llalqa maye ivi' ye 'oonolec vi'i, qataq qaica ca lque'emaxa da yaqto' nachetaqtaxanaxat qaỹavigaxatta.

Números 29:1

Qaq ca la'auaxanec na'a'q ca ca'agoxoic siete, nache huetoigui qome da qauo'oche ca ỹo'oxoraq qaraponaxaqui. Qaq que'eca na'a'q qaica qome ca do'onataxan da qoñiita, cha'aye que'eca na'a'q laloxoqui da qaỹashiiyigui aca nasheerepi.

Mateo 11:28

Qami' maye nache 'eetai' da qoviitaigui da qarhuogoqoi, qataq da qarachetataiqui. Qauanaiua'a Aỹem yaqto' qami' ñimataxaare'c.

Hechos 10:4

Nache somaye ỹamato'ot se'eso namaxashec, qalaxaye ỹataqta ñi'i. Nache inattac, 'eeta': –¿Negue'tca, 'am Ỹataxala'? Nache som namaxashec 'enapego' somaye, 'eeta': –Ñim Lo'onatac 'Enauacna ỹataqta ỹaỹamaxareeta da 'anqouagaxaunaxac qataq dam 'artaunaxanaxac da 'autauaatac nam choxoraqpi da lhuenaxanaxa.

1 Corintios 15:52

Qaq ỹataqta nque'elaxatta qome de'era, 'eeta'am da 'oonolec nqachegoxoñi ca shiỹaxaua, qom qaỹa'axaỹa aca pa'atec nasheere. Qom qaỹasheeraxalecna, nache na leuaxaicpi nca'alec qanqa'en. Huaña, nache saishet da qaltaq ileu. Qaq qomi' maye sa'amaqtenaqtac So Cristo maye ñaq ñeca'alaqtauec qomi' qanaralaxa't.

1 Ts 4:16

Cha'aye Ñim Lo'onatac 'Enauacna qom 'enapega so lataxala' na lamaxashecpi piguem le'ecpi, nache sa'axasoxoỹa aca nasheere da ỹa'axat So Qarataxala' da huenoteeguesop na piguem, nache na da'amqaanataxan co'ollaq saxanaxa da ileu, nachena na la'auaxanec da nca'alec.

1 Ts 4:18

Qaq ỹoqo'oye ñi 'oonolec da qoñiita ỹa'añaqchetec ca lỹa de'era napaxaguenataxanaxac.

Josué 4:7

nache qami' qoñiỹapec qome da qara'aqtaqui: ‹Qomye co'ollaq ỹa'axasoxoolec qanqa'en so tala Jordán aso arca maye laỹe' da naỹamaxataxac Ñim Nataxala', nache na 'etaxat so tala colaxagui. Qaq ne'enaua coma'ye naamaye naigui da yaqto' na Israel le'ecpi nache 'eetai' da lhuennataxat de'era qaỹo'otec co'ollaxa maye huaña ne'ena.›»

Josué 6:4

Qaq siete qome caua ntaxaỹaxanaxanaqa maye hua'autra'ague 'anqa'en da taỹa'ague añi arca maye laỹe' da aỹamaxataxac, qaq ñi 'oonolec caamaye huota'a qome aca lasheere peenaq lcoue. Qaq ca na'a'q siete, nache siete qome da qavi'iguelaqailec da qauconñiisop yi'iye huaqta'a't nỹecpi. Qaq que'ecaua ntaxaỹaxanaxanaqa nache quetro'ot qome da ỹashettrapigui caua lasheerel.

Apocalipsis 22:17

Qaq So Saqcha'a La'añaxac Ñim Lo'onatac 'Enauacna qataq aso huotaique da lhua Ñim Qagueta Llalec 'eeta': «¡Ña 'auanac 'am Qarataxala' Jesús!» Qataq 'enauac nam hua'axaỹa de'era na'aqtac, qaq nataqa'en 'eeta': «¡Ña 'auanac 'am Qarataxala' Jesús!» Qaq cam ilem na laquip, qaq da nshapeque da nỹom, qaq no'on da anac, nache nỹomgui ca 'etaxat maye chegaqaigui da nca'alaxa chochaq tatec. Qaq camaye choche qoỹaatem.

1 Samuel 20:5

Nache so David 'enapeco': Qonte' qaltaq qaỹo'ot ca nquia'axac da qaique'elec ñi dalaxaic ca'agoxoic, qaq aỹem saqỹet naxa da iquia'axaua ñi nta'a. Qalaxaye 'am ñachoxonnot da aỹem 'auasheetem qome da ñeqañoxooñi, sauga na no'onaxa, nache ivitta'a ca avit ca lỹa na'a'q da sootauga.