Números 10:1 - La'aqtaqa Ñim Lo'onatac 'Enauacna 2013

¹ Ñim Nataxala' 'enapega so Moisés, 'eeta':

Números 10:1 Iomraidhean Croise

Génesis 42:13

Qalaxaye soomaye 'ena'apo': «Qomi' maye qomi' 'aramaxa'she, qomi' doce nqaỹa't, 'oonolec ñi qarta'a, qaq sonaqtaña ye 'alhua Canaán. Qaq ca qarqaỹa na'asa no'ona'aguet ca qarta'a. Qaq cam lỹa qalaq mashe saishet da qomi' hueta'agueta.»

Génesis 46:15

Qaq 'eso som llalaqpi aso Lea co'ollaq deco'oiguet so Jacob co'ollaq huetra'a ye Padán Aram, qataq nataqa'en aso llale Dina. Qaq da ima'a't 'enauac se'eso llalaqpi ỹalleppi qataq 'alpi, nache ivi' treinta y tres shiỹaxauapi.

2 Samuel 6:15

Nache somaye qataq 'enauac so Israel le'ecpi ỹa'alaqtagui, nache da la'alaxac naloteguet da l-lamaxa aso nasheerepi, souaxat da machiguiñi da ỹachetac aso arca maye laỹe' soua lqataxaco Ñim Nataxala'.

2 Reyes 11:14

Nache ila'a so nta'a Joás, nachattañi huaqta'ai' aso nhuoqte, cha'aye maiche lataxac naxa somayepi da qoỹaneuo na nta'a. Qaq so nataxala'pi qataq som nasheere lo'opi nache huaqta'ai' so nta'a, qaq 'enauac som shiỹaxauapi ỹataqta machiguiñi nache ỹashettapigui ana lasheerepi. Huaña nache aso Atalía, icolaxata'aguelo soua alogo, nache ỹa'alaq 'eeta': «Qomi' qaique'elaxa't, qomi' qaique'elaxa't».

2 Crónicas 23:13

Nache ila'a so nta'a, nachattañi huaqta'ai' aso nhuoqte maye naña so ñegueuo, nache huetaua'a na laỹe so nataxala'pi, qataq so nvique lo'opi, qataq 'enauac so shiỹaxauapi maye ỹataqta ỹa'amaqchiguiñi, ỹashettapigui aso lasheerepi, qataq som 'onaxanaxaicpi ivictapigui aso lviquepi da ỹauecta'aguet da ño'oxonnataxanaxac. Huaña nache aso Atalía, ncolaxata'aisalo soua alogo nache ỹa'alaq, 'eeta': ¡Aỹem qaique'elaxat! ¡Aỹem qaique'elaxat!

2 Crónicas 5:12

Qaq so leviitapi maye 'onaxanaxaicpi, som Asaf, Hemán, qataq so Jedutún, lỹateuo so llalaqpi qataq so laỹepi lauo' le'ecpi, somayepi nachattañi ỹaatañi so logoxot lino, nache hueta'a ye pa'aỹa'ague da nala' lliguisheguem aso nca'atoxonaxalate. Qaq somayepi nache ỹauota'a so latoviaxanatacpi, lasaquiaxanatapi, arpapi, qataq aso liirapi, qaq somayepi nache ỹalecta'aguet so ciento veinte ntaxaỹaxanaxanecpi maye ỹashettapigui aso lasheerepi.

2 Crónicas 7:6

Qaq so ntaxaỹaxanaxanecpi qalaq nache hueta'a nam maiche lo'onataxanaqa'pi, qaq so leviitapi nache iviqueetapigui aso lviquepi maye lo'onatapi co'ollaxa so nta'a David, nache ỹo'ootac so no'onec maye 'eeta': «Cha'aye da lauotaxanaqtaic Ñimaye, chochaq tatec», nache ỹo'ootac na lo'onecpi co'ollaxa so David. Qaq so ntaxaỹaxanaxanecpi ỹashettapigui ana lasheerepi datata'aguet so Leviitapi, qaq so Israel le'ecpi qalaq 'enauac da nachattañipi.

Esdras 3:10

Qaq so nỹec lo'opi so mashe ỹo'ot so lo'oxonaxala' aso atamnaxaqui maye lalamaqte Ñim Nataxala', somayepi nachaateua'a so ntaxaỹaxanaxanecpi, ỹaatrañi soua alogo lo'onataxanaxaqui', qataq ỹauota'a aso lasheerepi. Qaq so leviitapi maye chegoxoguetpi so Asaf, somayepi ỹauota'a aso lasaquiaxanata da qaỹo'oxoren Ñim Nataxala', nache qaipacchigui da lamaxasoxonaxac so nta'a David.

Salmos 47:5

Ñim Lo'onatac 'Enauacna maye Nataxala' huenotsheguem, nache qaỹa'alaqtalec qataq qaỹashiiyigui ana nasheerepi souaxat da tonaxac.

Salmos 81:3

Qataq qauashiiyigui ana peenaq lcoue da ivita da dalaxaic so ca'agoxoic, qataq da ivita da nlaqchigui so ca'agoxoic, maye huetoigui naxa da so'otaq da qarquia'axac.

Salmos 98:6

Ỹataqta qauamaichiguiñi da qauo'onaxañiito'ot Ñim Nataxala' maye Nta'a, qauo'onaxañiita'ai' da l-lamaxa ana nasheerepi.

Números 1:52

Nache ñi 'oonolec na laỹepi Israel le'ecpi, ỹa'ayiñi qome ca maiche lpe'l, qataq ñi 'oonolec ỹataqtac aca la'anaqte ca ỹalectaigui alleppi.

Números 10:2

«'Auo'o't qome caua dos nasheerel 'auachegoxotaiguilo na lcat plata. Ime, nache 'auo'ogoxonalo caamaye da 'auỹaxaneuga da 'alaỹona't na shiỹaxauapi, qataq da ivita da jec 'anqa'en namayepi.

Números 29:1

Qaq ca la'auaxanec na'a'q ca ca'agoxoic siete, nache huetoigui qome da qauo'oche ca ỹo'oxoraq qaraponaxaqui. Qaq que'eca na'a'q qaica qome ca do'onataxan da qoñiita, cha'aye que'eca na'a'q laloxoqui da qaỹashiiyigui aca nasheerepi.

Números 7:2

Nache so lataxala'pi na Israel le'ecpi maye nacheso so lataxala'pi na maiche nalamaxat nhuo' le'ecpi, maye ỹataqtac na maiche chegoxoguetpi som ỹo'ottac co'ollaxa aso ne'enaxat lmalate, somayepi ỹaneuo aso lachetaqtaxanaqte,

Números 9:23

Nache somayepi iuatta'a naxa ca la'aqtac Ñim Nataxala' da vi'iiguet, qataq da ivita da jec. Qaq 'era da 'eetec da ỹataqta ỹalaxaguet da lamaxasoxonaxac Ñim Nataxala' maye ỹamaxalec co'ollaxa so Moisés.

Mateo 24:31

Nache samaqteegalo qome na ỹamaxashecpi, namayepi ỹauota'a ana lasheere da yaqto' laỹona't nam Aỹem ca'attague'pi.

Josué 6:4

Qaq siete qome caua ntaxaỹaxanaxanaqa maye hua'autra'ague 'anqa'en da taỹa'ague añi arca maye laỹe' da aỹamaxataxac, qaq ñi 'oonolec caamaye huota'a qome aca lasheere peenaq lcoue. Qaq ca na'a'q siete, nache siete qome da qavi'iguelaqailec da qauconñiisop yi'iye huaqta'a't nỹecpi. Qaq que'ecaua ntaxaỹaxanaxanaqa nache quetro'ot qome da ỹashettrapigui caua lasheerel.

Apocalipsis 8:2

Ime, nache sauaachigui se'esoua siete namaxa'she piguem lashe' da qoỹami' ñi 'oonolec ana nasheere, qaq soomaye nachattrañi datataua'alo Ñim Lo'onatac 'Enauacna.

Jueces 7:20

nache 'enauaque se'esoua tres lpa'axaco son alleppi, ỹataqta nalota't co'ollaq ỹashiiyigui aso lasheerepi, qataq ilaxat asom naco'oñapi. Qaq na ne'emaxashec lhuaq nasoqta'a aso lcoỹaraxanaqtepi, qaq na aloiguishec lhuaq qalaq nasoqta'a aso lasheerepi, nache ỹa'alaqtagui, 'eeta': «¡Seloquiaq! ¡Souaqta'aguet Ñim Nataxala' qataq da Gedeón!»