Números 1:3 - La'aqtaqa Ñim Lo'onatac 'Enauacna 2013

³ maye ivi', qataq na napacalec naua veinte vi'iye, maye mashe ishet da taỹa ca alaataxac. Nache 'am itauan qome so Aarón da qa'aiyiñi ñi 'oonolec namayepi, da ime nache qauallecñiỹoigui na alleppi.

Números 1:3 Iomraidhean Croise

2 Samuel 24:9

Nache so Joab, ỹanem so nta'a aso le'enaxat lmalate 'enauac se'eso shiỹaxauapi maye lma' ye Israel, qaq ivi' ochocientos mil so ỹalleppi maye mashe ishet da taỹa ca alaataxac, qaq so netaña ye Judá, ivi' quinientos mil so ỹalleppi.

1 Crónicas 5:18

Qaq som chegoxoguetpi so Rubén, Gad, qataq som laỹe so maiche nalamaxat nhuo' le'ecpi maye chegoxoguetpi so Manasés, som 'añaxaic ỹalleppi maye ỹachetac aso lpaqtaxanaqtepi, lainecpi qataq so lchecnecpi, qataq ỹataqta ỹaỹaten da l-loquiaxac, somayepi ivi' cuarenta y cuatro mil setecientos sesenta ỹalleppi, maye lhuotta da ishet da nalat.

2 Crónicas 25:5

Nache so Amasías laỹona't 'enauac som ỹalleppi maye lma' ye Judá, qataq ye Benjamín, nache ỹaỹamaxatchiguiñi se'eso nhuo' le'ecpi da ỹauo'o so lataxala'pi so mil alleppi, qataq so cien alleppi. Ime nache ỹauo'o aso lmalate da naloqna't som napacteleguete naua veinte vi'iye da nachaalataxac, huaña nache ỹaỹaten da ivi' trescientos mil so alleppi maye nca'aguishecpi, maye ỹataqta lhuotta da nalat, qataq ỹaỹaten da do'ogoxona ana taquiaxai qataq ana npaqtaxanaqte.

Éxodo 12:17

Qaq qami' qauo'oche qome ca qayo'oxonnataxanaxaqui que'eca na'a'q maye huetoigui da qanallec ana nauole 'ayiiña maye sa qaỹauo'o ana lalecte, cha'aye que'eca na'a'q huetoigui da qami' ñeqateeguesopa na Egipto. Qaq damaye nache qalapaxañi namaxasoxonaxac da nache 'eetai' qome da ivireuga ye laloxoqui nache qami' qavi'iguelaqailec da qauo'oche, qaq nache 'ena'am qome ca qaỹa'alquipi.

Éxodo 30:14

Qataq 'enauac cam 'ereguishecpi maye napacalec ye veinte vi'i da nachaalataxac, iuen da ỹaneuo aca lsheetenaxanaqte da Aỹem ỹanot,

Éxodo 38:26

Qaq da ima'a't 'enauac so ñiyiguishecpi, maye napacalec ye veinte vi'iye da llaxa, nache ivi' seiscientos tres mil quinientos cincuenta shiỹaxauapi, nache ñi 'oonolec somayepi ivi' ye seis gramos na ỹaneuo na lcat plata, maye maiche lashiichiỹaxac da huaña so npe'l.

Números 14:29

Nache 'enauac ne'ena Aỹem quetapeguelecpi ỹepi, maye napacalec naua veinte vi'iye da nachaalataxac nam mashe qoỹettauopi ileu qome, nache da lo'ocỹaxac laguelec ñaqa'en ye toolec 'alhua.

Números 26:2

«Qauo'oche qome ca naneraguec, 'enauac na Israel le'ecpi cam ivi' qataq napacalec naua veinte vi'iye, maye mashe ishet da nalat. Qaq camayepi ỹataqtac qanqa'eñi cam chegoxoguetpi lta'alpi.»

Números 3:15

«'Auo'ot qome aca le'enaxat lmalate na llalaqpi na leviitapi, qataq na maiche nalamaxat nhuo' le'ecpi, ỹataqtac so chegoxoguet lta'alpi, nache 'ereuo na le'enaxat na llalec ỹale maye mashe ivi' qataq napacalec ñi 'oonolec ca'agoxoic.»

Números 32:11

'Enauac na shiỹaxauapi maye chegaqa'a ye Egipto, maye ivi' qataq napacalec naua veinte vi'iye da nachaalataxac, saishet qome da inoxoneua'a da nalec ye 'alhua maye sachaxanapecot co'ollaxa da sanem so Abraham, Isaac qataq so Jacob, souaxat da aỹem sa ỹalaxaguet.

Números 33:1

Qaq 'era da 'eetec so Israel le'ecpi, co'ollaq ca'ai ye 'alhua Egipto, somayepi inoicchiguiñi 'eeta'am ca alleppi, qaq so Moisés qataq so Aarón ilotrague' somayepi.

Números 4:3

nache qa'iyiiuo na ỹalleppi, maye ivi' qataq napacalec ye treinta, qataq nam ivi' ye cincuenta vi'iye da nachaalataxac, na mashe ishet da do'onataxaneua'a ca npe'l maye naỹonqa'.

Deuteronómio 24:5

Qaq da huo'o ca ỹale da ñaq cheta'ague da huaron, nache saishet qome da qaỹamaxa ca alaataxac, huo'otaq da huo'o ca lỹa qaỹamaxalec da ỹo'ot. Nacherata da 'oonolec vi'i qanqa'en da huapegue' ca lma', qataq da machiguiñi naqa'en aca lhua.

Deuteronómio 3:18

Qaq se'eso na'a'q qami' sanema co'ollaxa de'era ỹamaxasoxonaxac, 'eeta': «Ñim Nataxala' maye Qanatamnaxala'ai, qami' ỹanema ne'ena 'alhua da yaqto' qaralamaxache. Qaq na ỹalleppi maye ỹaỹaten da nalaataxac, nache hua'auta'ague qome da llec na lqaỹañecpi da taitague da le'ego.