Números 1:1 - La'aqtaqa Ñim Lo'onatac 'Enauacna 2013

¹ Qaq so la'auaxanec na'a'q, soua dos ca'agoxoiqa, maye huetoiguilo soua dos vi'iye, da qanayeca'ai ye Egipto. Nache Ñim Nataxala' 'enapega so Moisés, huaña ye toolec 'alhua añi qasoxonaxa Sinaí, huaña so npe'l maye huaña naxa da qanauane' Ñimaye, nache 'eeta':

Números 1:1 Iomraidhean Croise

1 Reyes 6:1

Qaq mashe ivi' co'ollaxa soua cuatrocientos ochenta vi'iye da so Israel le'ecpi ca'ai ye Egipto, nache so Salomón damaxasoxoolec co'ollaxa da qano'oxoosheguem aso atamnaxaqui maye lalamaqte Ñim Nataxala', co'ollaq mashe ivi' soua cuatro vi'iye da so ilotague' ye Israel, huetoigui so ca'agoxoic le'enaxat da Ziv, maye ca'atalec so la'auaxanec ca'agoxoic se'eso vi'i.

Éxodo 19:1

So Israel le'ecpi ivita ye toolec 'alhua Sinaí, co'ollaq mashe ivi' soua tres ca'agoxoiqa da ca'ai ye Egipto.

Éxodo 19:2

Chegoqchiguiña ye Refidim, qaq co'ollaq ivita ye toolec 'alhua ye Sinaí nache hua'a, qaq yemaye sa qaỹapeque añi qasoxonaxa.

Éxodo 25:22

Qaq nache huaña qome camaxa da 'am ñauane'. Qaq ne'ena l-laq que'eca lapoxot maye datatraña que'ecaua dos ne'enaqtaqa maye huo'oi naua laua't, maye netralec aca laỹe' caua nqataxaco, camaye nache huaña da 'am saỹaanaxanaxanec 'enauac na ỹamaxasoxonaxacpi maye sami' na Israel le'ecpi.»

Éxodo 40:17

Qaq ivi' co'ollaxa soua dos vi'iye da qanayeca'ai ye Egipto, nache so la'auaxanec na'a'q so la'auaxanec ca'agoxoic, nache huetoigui da qanauaxaỹaxaasheguem so npe'l.

Éxodo 40:2

«Ca la'auaxanec na'a'q, ca la'auaxanec ca'agoxoic, nache 'aua'ara't qome ca npe'l, maye huaña da Aỹem qanauane'.

Levítico 1:1

Ñim Nataxala', iỹaxana so Moisés huaña so npe'l maye huaña naxa da qanauane' Ñimaye, nache 'eeta':

Levítico 27:34

Qaq 'ena na lamaxasoxonaxacpi Ñim Nataxala' maye ỹanem co'ollaxa so Moisés da yaqto' ỹanem so Israel le'ecpi, co'ollaq huaña añi qasoxonaxa Sinaí.

Números 1:18

nache lapona't 'enauac so Israel le'ecpi, huetoigui so la'auaxanec na'a'q soua dos ca'agoxoiqa se'eso vi'i. Nache qoỹereuo 'enauac so shiỹaxauapi maye huo'o na maiche lalamaxat llalaqpi, qataq na maiche nalamaxat nhuo' le'ecpi. Qaq 'era da 'eetec co'ollaxa qoỹereuo na le'enaxat 'enauac so ỹalleppi maye ivi', qataq so napacalec naua veinte vi'iye da nachaalataxac.

Números 12:4

Ỹoqo'oye Ñim Nataxala' 'enapega so Moisés, Aarón qataq aso María, 'eeta': «Qami' tres qanqo'oñeeua'a ñi npe'l maye naỹonqa'». Nache 'enauaque soomaye co'ollaxa da je'c.

Números 9:1

Qaq co'ollaq mashe ivita so 'oonolec ca'agoxoic so vi'i dos, da so Israel le'ecpi ca'ai ye Egipto. Nache Ñim Nataxala' 'enapega so Moisés, co'ollaq huaña ye toolec 'alhua ye Sinaí, nache 'eeta':

Deuteronómio 1:3

Qaq so la'auaxanec na'a'q so ca'agoxoic once so vi'i cuarenta, nache so Moisés da'aqtaxanem co'ollaxa so Israel le'ecpi da lamaxasoxonaxac Ñim Nataxala'.

Deuteronómio 2:14

Qaq se'eso na'a'q co'ollaq sachegoxosoqchiguiña ye Cadés Barnea, ivitta'a da sa'axasoxonaxalec so la'auaxac ye Zéred, nache ivi' treinta y ocho vi'iye. Qaq mashe nmiguiñi da ileu 'enauac se'eso shiỹaxauapi alaataxaicpi huaña so nanataqa', cha'aye nache la'aqtac co'ollaxa Ñim Nataxala' da saishet da inoxoneuo.

Deuteronómio 2:7

Cha'aye Ñim Nataxala' maye Qanatamnaxala'ai, huo'o co'ollaxa da lqouagaxanaqtaic da qoñiita souaxat nam ishet da qauo'oche, qataq qami' ntela'alo 'enauaque se'esoua cuarenta vi'iye da qoquiitalec ye toolec 'alhua, qataq qaica ca qaviñiitaique naqa'en.»